|
مناقشات عامه وهادفه ( أجتماعيــــــــــــــات طالـــــــــــــــــب )
الســــــــــلام عليكم هـــــــل ينفــع شخـــص يقــول مواعــظ وحـــكم للناس وهـــو اســــاسا مش بيعمـــل بيها ؟ هــــــــل ينفــــــع نحـــكم على فـلان ونقـــول انة محـــترم وابن ناس لمـــــجرد انك شوفت كومنت او توبيك كويس هو عمــــــــلة فى المنتدى ؟ لو ليــــك اخت تـــرضى اى عضــــــو فى المنتدى يسألهــــا اسئلة محـــــرجة وملهاش اى لازمـة اصلا ..مثــــلا تـرضى انى اسأل اختك واقـــــولها : ممكن تقوليلنا مين اكتــــــر واحــــد بتحبية فى المنتدى وممكن يكـــــون شريك حياتك لمجـــرد انك شوفى توبيك كويس لية ؟ ياريت كــــل واحـد يجــاوبنى على الاسئلة دى ..يمكــــــن نـوصل لحـــــاجة |
اقتباس:
بسم الله لا طبعا مينفعش ننصح الناس ونسيب نفسنا بس احنا ساعات بنشوف غلطات غيرنا قدام عنينا فبنحاول ننصحه لكن ساعات مش بنشوف عيوبنا وبتمنى اننا نلاقى حد ينصحنا عشان نعدلّها لا طبعا مش بنحكم على الشخص من خلال كومنتاته او توبيكاته بس الانسان المحترم الاصيل بيبان مع الوقت انه بيفضل محترم مهما دار الزمن والمحترم اللى عامل محترم مع الوقت بيبان معدنه وبيتعرف انه بيمثل ولا ارضى طبعا لاختى لو كان عندى اخت ان حد يسالها سؤال زى ده ببس مين عمل كده وسال السؤال ده افتكر انى سالت السؤال ده وكان نصه " هل ممكن فى يوم تكون شريكه حياتك واحده من على منتدي أو فتاه معرفه فيس ؟ " وكان السؤال لشاب مش بنت والشاب ده كان انت وشكرا للتوبيك الرائع |
اقتباس:
امممممممممممممممممم هو اظاهركلام حضرتك دة ناتج من موقف حصل فعلا وحابب تنقده بشكل غير مباشر ولا ااااااااااااايه:rolleyes: عموما رئى ان حد يعطى مواعظ وهو مش بيعمل بيها فدة مش صح بس مش حد برضه فينا كامل وكلنا بنتحاج ساعات اننا نذكر بعض ثانيا مش ينفع نحكم طبعا شخص من مجرد كومنت واحد او بوست واحد ثالثا الوقف الثلث دة غير موافقة عليه بتاتا بالطبع ومش ينفع يحصل |
اقتباس:
2_لها كامل الحرية فى الرد او عدم الرد 3_تم الاجابة شكرا للاسئلة ونتمنى المزيد :d |
اقتباس:
تمام ..وجايـــز الشخــص الى بننصحـة يكـــون احسن مننا واحنا مش واخدين بالنا .. . اقتباس:
تمـــام .. وهــــل الانسـان المحترم الاصيـل بيبان فى المنتـــدى ولا بيبان من خــــلال مواقفـــة المشـــرفة فى المجتمع الى الناس بنفسها تقدر تحكم علية بيها . اقتباس:
انا بتكـــــلم بصـفة عــــامة ..مش تحـــور فى الكـــــلام لانـــــى مش قولت ان انت مصـــدر الســـؤال . |
اقتباس:
ودى اجــــــابة اى ســــــؤال ان شاء الله هـــو انا قولت نكـــــتة وانا مش شايف تصـدق رجــلى بتخبط فى ركـــــبى ونازل عياط يعينى من الضحـــكة دى :d |
اقتباس:
وفين التحوير هنا اساسا انت قلت موقف مشابه لموقف انا عملته بس انا قلت الكلام ليك انت وانت شاب مقلتلهوش لبنت |
اقتباس:
لانــــــــى بتكلم بصفــة عــــاملة ومقــولتش لحد يذكـــــر مواقف مشابهـــــة المهم تكـــــون ارتحت لما زكــرت الموقف ..:d نـــــــورت |
اقتباس:
المحترم محترم ف أي مكان .. سواء من خلال شاشه أو ف نادي أو ف جامعه .. إلخ شكراً للتوبيك |
اقتباس:
افهـــم من كـلامك .ان لمـا واحــــد يعرض لينا كـــام توبيك حـــلو كـــده ويظــــهر فية انــة محـترم بعــــدها يعمـل توبيك .يقولنا فية اية رأيك فى شخصيتــى واحنا نرد علية ونقــــول .انت يبنى ما شاء الله على اخـــلاقك .. ان هـــو ده المحــــترم من خلال شاشة |
اقتباس:
.. وعمري مهكون أقصد الكلام دا .. أقصد إن الإنسان المحترم واللي عنده شخصيه مش يكون ف الجامعه ماشي ومحترم وسط صحابه ومبتطلعش منه العيبه ع راي جدي وجدتك ويجي ف منتدي أو فيس ويسب ويشتم .. |
اقتباس:
اسمحيلى اقتبس من كلامك فعلا عندك حق وده اللى دايما بحاول اتعامل بيه مع الناس لان محدش حيقدر يمثّل كتير ويعمل انه محترم وهو فى الاصل مش محترم زى المحترم برده يستحيل تلاقى منه حاجه وحشه _ يمكن يحصل بس تكون هفوه _ لكن مش علطول لان اساسه ومعنده محترم لذلك السئ يا يبان انه وحش من الاول ياأمّا يقعد يمثل شويه وفى الاخر يتكشف لكن المحترم حيظل محترم وان مرت الايام والسنون وشكرا لردك واسف على التدخل |
اقتباس:
نايس توبيك |
اقتباس:
لكن انا بتكــــلم عن الشخــــص الذى يحاول اظـهار محــاسنة من خلال شاشة |
اقتباس:
و ده يتمثل تحت مثال الحكيـم المغرور لان الانسان البيوعظ و يقول حكـم ألى الناس بيكون اكتسبها من خبرات ناس اخرين بمعنى اوضح انه اتعلم من الصفر حتـى وصل ألى الحكمـه مع تأملاتـه الفكـريه بيوصل للحكمـه ف الكلام و لما بيوصـل لمرحله الحكمـه بيبقـى امام طريقين الطريق الاول : تطبيقا لمبدا يموت المعلم و لا يتعلم يعنـى فى نظر نفسه انه لسه ماتعلمش حاجه و هيفضل يستفيد من الاخرين لحد مايموت و ده طبعا الطريق الصحيح عشان يقدر يكون قدام الناس بشخصيته و مكانتـه الفكـريه الطريق الثـانى : هو سلك نصف الطريق الاول و بعدين اتغيـر للانسان المغرور و فـى نظر نفسه انـه كامل من كل شىء و طبعا الكمال لله وحـده و بكـده بينزل تدريجيـا فى نظر النـاس ألى متـى ان يقابله ندم اقتباس:
ممكن يكـون الانسان محترم فعلا و بيظهر بشخصيتـه الحقيقه و ممكن يكـون شخص غير محتـرم و يظهر بشخصيه المحترم كى يصتاد فريستـه اما انـى احكم على شخص من كومنت او توبيك من الممكن نعم و من الممكن لا لان الشخص الغير مثقف لا يستطيع ان يظهر مثقف و لان الشخص الغير متدين لا يستطيع ان يظهر انه متدين لان فـى اكثر الاوقـات كلام الشخص يعبـر عما بداخله اما المزيف سينكشف بسرعـه لانه مزيف و مكشوف فى بعض الاوقات فبالطبع مش هاقدر احكم على فلان من كومنت او توبيك 100 % اكيد هاحكم عليه نسبه مئويـه من 100 % و طبعـا فوق كل ده انـى اتعلم انـى لا ادين احـد لان كمـا تدين تدان اقتباس:
اننا نطبق نظريه " مـا لا ترضاه على نفسك لا ترضـاه على غيرك " يا ليتنـا نطبق هذا المبـدأ يجب فى حياتنـا نقف امام كل تصرف نفعله و نحكم عليـه بالعدل و نضع انفسنـا مكان الشخص الذى امـامنـا و نحكم بالعدل اكيـد هنحكم بالعدل و مش هنرضى على نفسنـا كده فلو عرفنـا اننا مش هنرضاه على نفسنـا مش هنعملهـا ف الناس اسـف للاطـاله .. بس الواحد اندمج شويـه ;) و ده رائـى الشخصـى و ربنـا يهدى الجميـع |
| جميع الأوقات بتوقيت GMT +2. الساعة الآن 06:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.