|
( أقولك على سر _ أنا بحبك _ تتجوزينى ) .. أدخل رأيك مهم
http://elwatanmedia.sarmady.net/News...60_1580118.jpg «أقولك على سر .. أنا بحبك .. تتجوزينى» كلمات كتبت على 3 لافتات كبيرة بطول أحد مبانى كلية الهندسة فى جامعة الإسكندرية، يعبر بها أحد الطلاب عن مشاعره تجاه زميلته، متجاهلاً الانتشار المكثف لطلاب الدعوة السلفية، والإخوان المسلمين فى الجامعة. أنا عايز آرائكــــــــــــــــــــــــــــــــــم فى ال 3 لافتات دول بمنتهى الصراحه |
هي دي طريقة جديدة للمصارحة يعني؟;) بصراحة أنا مش عارفة اعلق اقول ايه؟ بس اللي أقدر أقوله ان ده تصرف غير لائق تماما بغض النظر ان كان فيه طلبة سلفييين ولا اخوان |
اقتباس:
أولا فين السر ......دا الكلية كلها أكيد عرفت ثانيا .......... لو المقصودة بالحب ده أخته ما شعوره ثالثا ............. مع الاحترام الكامل للاخوان والسلفيين الفضيلة ليس لها صاحب يعنى يعمل حساب ليهم ومش هيعمل حساب لله عز وجل رابعا...........وفين الآخر ادارة الكلية الى سمحت بذلك ؟؟؟ . |
اقتباس:
بس اللي أقدر أقوله ان ده تصرف غير لائق تماما بغض النظر ان كان فيه طلبة سلفييين ولا اخوان شكرا بجد ليكى رأى محترم جدا . |
اقتباس:
ده رد الكليه والاخوان أهوووو " اللافتات التى لم تحمل اسم الطالب العاشق ولا اسم حبيبته، أثارت جدلاً واسعاً بين طلاب الجامعة، واعتبرها العديد منهم، إهانة لهم ولكليتهم، ذات الطابع العملى والقيمة الكبيرة على حد قولهم. وقال محمود محمد محمود، أحد الطلاب الناشطين سياسياً فى الكلية، إن ما فعله الطالب لا يليق بكلية الهندسة، وإن تعليق مثل هذه اللافتات يمثل عاراً على الكلية، وأضاف: «هذا العمل لا يوافق عليه كل طلاب الكلية ليس فقط طلاب التيار الإسلامى، نحن داخل مكان أكاديمى، وعلمى ولا بد من احترامه وتقديره»." وقال عمر أحمدين، عضو فى أسرة «حصرى إعدادى» الإخوانية، إن الطلاب أزالوا هذه اللافتات من على المبنى، وإن الطالب الذى علق اللافتات على أسوار الكلية اصطحب حبيبته لترى اللافتة، وبعدها اختفيا من الكلية، وإنهم لا يعرفون اسم هذا الطالب الذى علق اللافتة، ولا الطالبة المقصودة. وقال الدكتور حسن الحوفى، وكيل الكلية لشئون التعليم والطلاب، إن الطلاب أزالوا اللافتة سريعاً، وإدارة الكلية ترفض هذا النوع من اللافتات داخل الكلية، التى تعد مكاناً للعلم، خاصة أن هذا النوع من اللافتات يسىء لسمعة الطلاب، وأضاف: «سنحقق فى الواقعة إذا ما قُدمت شكوى بشأن الواقعة وفقاً لقرارات مجلس التأديب بالكلية»." |
مع احترامي الشديد لردهم وان فعلا التصرف ده لا يليق داخل مكان أكاديمي.. ولكن هم اعتبروها اهانة ليهم ولكليتهم وانها تسئ سمعة الطلاب ليس الا ولم يفكر أحد منهم بحكمها من ناحية الشرع ولم يتطوع ويقول أن هذا لا يجوز في الدين!! |
اقتباس:
طيب يا إسراء معلش ... إيه اللى يحرمّ حاجه زى دى فى الدين ؟ |
اقتباس:
ايه اللي يحرمها! يعني يا خالد انت لو عندك أخت ترضالها بحاجة زي دي!! ازاي يعني انسان ييجي ويعمل تصرف زي ده مع وحدة لا تحل له شرعا وزيادة علي كده كمان قدام الملأ!! طب اذا كان التصرف ده يجوز في الدين..ليه المسئولين في الجامعة اعتبروا ده مهين ليهم ولسمعة الجامعة مادام ما هو لا عيب ولا حرام ويجوز!! بس انت ممكن تلاقي الاجابة الامثل والافضل لو سألت أحد من علماء الدين والله أعلم.. |
اقتباس:
لو انتى قريتى الكلام هما لغايه دلوقتى مش عارفين مين الولد أو البنت دى يعنى هو مسببلهاش اى مشاكل .. وهو حتى لغايه دلوقتى مش عارفين هو مين ولا سنه كام ولا اى حاجه عنه أنا بسألك بأخد رأيك مش بسألك بمبدأ النقض مش عارف هما شافوها مهين للجامعه عشان هو عيب ومحرّم فى الدين ولّا عشان بس ينفوا إن الكليه فيها نوع من الحب وإنها مش دراسيه 100% يعنى الله أعلم دى إتقالت إمبارح فى الحياه اليوم ومع معتز الدمرداش ونزلت على تويتر والكليه من ساعتها عندنا مقلوبه بسس اللى حصل ده |
اقتباس:
تمام..أنا فهمت قصدك بس انت لما قولت في بداية التوبيك انه كان متجاهل وجود طلبة سلفيين واخوان معني ذلك ان كان المفروض انه يعمل اعتبار بوجودهم في الكلية طب هم السلفيين والاخوان بس هم اللي بينتموا للدين؟ واحكام الدين عندهم تختلف عن عندنا؟ وزي ما قال أستاذ أسامة هو يعمل حساب ليهم وميعملش حساب لربنا!! بس هو ده كمان قصدي أسفة ع الاطالة وشكرا ليك |
اقتباس:
الجمله اللى انتى بتتكلمى عنها انا ناقلها من جريده الوطن زى ما هى وهما يقصدوا بيها انه حتى عمل اللى فى دماغه ومهمهوش السلفيين والاخوان اللى ف الكليه لان كليتنا فيها اسر كتير سلف واسر من الاخوان فهما يقصدوا على الرغم من وجود الاسر دى هو برده نفذّ اللى فدماغه انا كنت حاضر تقريبا ساعه الموقف ده بس من بعيد ... ومخدتش فى بالى مكنتش اعرف ان الموضوع كده انا لقيت واحد بيعلق يفط على المبنى قلت من جمله اللى بيعلقوا يفط كل يوم عن رحلات او حاجات ف الكليه او او او بس انا شايف انها حريه رأى للشاب ده وطالما هو مسببش ضرر لاى حد يبقى معليهوش عيب وشايف انه حتى مضرش البنت دى لانه حتى مقلش اسمها ومحدش يعرفهم هما ال 2 لحد دلوقتى انتى ايه رايك ؟ |
اقتباس:
مظبوط كلامك وانا موافقاك تماما في كده وان دي فعلا حرية رأي وانا حبيت اني اقول رايي الشخصي من ناحية الدين غير كده فهو حر يعمل اللي عاوزه مادام محصلش أي ضرر سواء للبنت او لأي حد تاني واذا أخطأ فهو وحسابه عند ربنا مش احنا اللي هنحاسبه.. |
حاجه لطيفه بصراحه :d |
اقتباس:
بعيدا عن انه شاب مرهف الاحساس والمشاعر انتى شايفه _ كطالبه جامعيه _ إن اللى عمله ده صح ولا غلط ؟ |
اقتباس:
|
| جميع الأوقات بتوقيت GMT +2. الساعة الآن 10:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.