|
.•◆...لو سمحتم ساعدوني الفيزياء صعبه اوي وباقي المواد
اذا سمحتم
انا مش بعرف اي حاجه في الفيزياء من اول السنه مش بفهم ابدا تعبت اوي والمواد التانيه مش بذاكرها بسبب الفيزياء اعمل ايه ضعت في كل المواد اازاي افهم ؟مش بعرف احل حاجه ازاكر ازاي والوقت بيمر اذاكر الفيزياء ازاي واعمل ايه في بقيه المواد لو سمحتم ساعدوني ارجوكم |
اولا فيزياء 3 ثانوى اسهل من فيزياء اولى بمراحل وامتع بكتير حط القانون ادامك وعوض بالارقام وحدة وحدة هتتمكن بلاش الاسئلة القوية دلوقتى ومتعقدش نفسك كله بالتدريج ومتخليش مادة تأثر ع الباقى
|
الســــلام عليكم بص يا جميل الفيـزياء الى انت متعقـد منها دى مش فيـها حـاجة صعبة ومش كـل واحد يقولك الفيزياء صعبـة خلاص تصدقة وتوهم نفسك انك مش هتنفع فيها .انت عـارف الفيزياء عباره عن اية ؟؟ فيزياء يعنى طبيعـة يعنـى حياتنا الى احنا بنعيشها .تـجارب بتحفـظها زى اسمـك لان لازم هتجيلك تجـربة فى الامتحـان ولو مش حافظهـا مش هتعرف تكتب حـاجة والتجارب دى مش فيها حاجة صعبة .ومسـائل واخد عليها قوانين والقوانين دى بتحفظهـا زى اسمك وتقــرأ المسألة كويس وتحط القانـون الى انت حافظـة وتستنتج معطياتك وتطبقهـا فى القانون وتطلـع الناتج بالالـة الحاسبة اية الصعب فى كده نفسى افهـم .بس مش كـل المسائل بتبقـى كده .فى مسائل لازم تفهمـها كويس وتشغل مخك فيها عشان تعـرف تحلهـا . وركـز فى المسائل لان كل درس هيتشرح هتـلاقى علية مسائل كتير وهيجيلك 6 مسائل فى الامتحـان لازم تحلهم .وعندك قوانين الغازات مش فيها حاجة .تجـربة بتتشرح وفى الاخـر بتستنتج قانون منها والقانون ده بيكـون علية مسائل ونفس الوضع تقرا المسألة وتستنتج المعطيات وتطبقها فى القانـون .بس اهــم حاجة تفهم استنتاج القانون نفسة وتعرف القانون ده جـة ازاى ؟؟؟ لان هيجيلك فى الامتحان يقولك استنتج قانون كذا ..؟ . وعندك يا سيدى الموائع اية الى فيها ؟؟ بتدرس الضغط والكثافة و...الخ فيها اى دى الضغط وتعريفة واستنتاج قانونة ومسائل علية وتطبيقاتة والبارومتر والمانومتر واستخدامتهم وبتحفظ كل واحد وتطبقة فى المسائل .اية الصعب فى كده ؟؟ . وخـلى بالك الفيزياء الكـهربية دى اهـم حـاجة ومحتاجة تركيز جامد وعليها مسألة هتلاقيها مشرفـة فى ورقـة الامتحـان والباب ده علية 22 درجـة فى الامتحـان يعنـى من الاخـر كده ركز فية .اكيد انت لسة مش وصلتها بس انا حبيت انبهك ليها قبل ما تدرسها عشان تبدأها صح .وفــى اخـر الامتحـان بيكون فى مسألة رسم بيانى سهـلة ومضمـونة فى الامتحان . وعندك تعريفات وتعليلات بتحفظهـا بس قبل ما تحفظها لازم تفهمها وبرضو بتيجى فى الامتحـان .. وكذلك الفيزياء الحديثة كلهـــــــــا حفظ ومش فيها مسائل كتير زى باقى الوحدات وقوانينها مش كتير ..تقريبا هما اربع قوانين الى بتستنتجهم ومعظمها حاجات عارفها قبل كده يعنى مش عارف رزفـورد وبويل وبور وشرودنجر والحاجات دى الى انت اخدتها قبل كده فى الكيمياء ؟ هــــو ده بعبع الفيزياء الى معقـدك ومخليك متزاكـرش باقى المواد عشانها .فيها اية نفسى اعرف . بالتـوفيق يا جميل :) |
ربنا يكرمكم
بس فعلا انا مبفهمش بحس بالغباء وانا في الدرس العيال بيبقوا فاهمين وانا كده ممكن افهم الشرح لكن المسائل اعوذ بالله بحس ان ملهاش علاقه بالشرح وبكره نفسي لما بشوف المسائل السنه قربت تخلص وانا كده تعبت اوي هو فيه فعلا حد غبي وحد ذكي طب انا ليه مبفهمش ايه ال بيحصل ولما يقف قدامي مسائل اسأل مين واذاكر من ايه وافكر ازاي مستحيل ربنا يكرمك ادعيلي نفسي افهم وابقي زي زمايلي |
اقنع نفسك انك فاهم حتى لو مش فاهم اى حاجه و ركز كويس مع المدرس فى الدرس وهو بيشرح ومع كلامه
و أول ما تروح البيت افتح المذكرة اللى بتذاكر منها وحاول تذاكر حزئية جزئية وتربط اللى بتذاكره بكلام المدرس و أكيد فى حاجات كتير مش هتثبت من اول مرة واهم حاجه طبعا استعن بالله على كل عسير يصبح يسيرا ان شاء الله |
اقتباس:
وبالتوفيق ان شاء الله لينا وليك. |
اقتباس:
|
واللله الفيزياء مادة سهلة بس احنا واخدين عنها فكرة وحشة
|
اقتباس:
|
بص أنا مش هاقولك الفيزياء دى زي الجحيم ولا هاقولك الفيزياء عاملة زى كوباية الماء
يعنى متوسطة فيها حاجات سهلة أوى و فيها حاجات رخمة فعلاً أو عايزة فهم عالي شوية بس فى الآخر سواء كنت بتحل مسائل سهلة كالماء أو صعبة كالجحيم تظل الفيزياء واحدة من امتع مواد ثانوية عامة فنصيحة استمتع بيها :) |
يا جماعة انا مشكلتى كبيرة مع الرياضة ممش عارف اسلك فيها ابدا لازم انقص فيها بتاع 4 او 5 درجات واصحابى باالكتير بينقصوا بتاع درجتين او درجة ارجوكم ردوا عليا وقولولى ازاى ازاكرها وشكرا
|
| جميع الأوقات بتوقيت GMT +2. الساعة الآن 12:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.