|
يارب
يلا يا احمد قوم هتتأخر علي المدرسة يابنى قوم الساعه بقت 7 يا ماما سبينى شوية قوم بلاش كسل يووووووه حاضر ادينى قومت عملتيلي السندوتشات بتاعتى اه عملتها ومليتلك الزمزمية ميه ساقعه حطتيلي كتاب الدين عشان هسمع السورة النهاردة ايوة كل الكتب في الشنطه يلا الاتوبيس بتاعك جه حاضر انا نازل سلام استنى مش هتجيب بوسة لماما حاضر يا ماما بوسة كبيييييييييرة اهى الام عنيها مرقباه لحد ما خرج وقفل الباب فتحت الشباك عشان تشوفه بيركب الاتوبيس وتطمن بيبص من الاتوبيس يشاورلها بابتسامه كان قلبها مقبوض وحاسة حاجة غريبة مشي الاتوبيس وهو بيشاور وعنيه بتلمع من الضحكة البريئة السواق : بطلوا تنطيط انت هو واقعدو ع الكراسي الاطفال فرحانين بيتكلموا ويلعبوا السكة مفتوحة السواق بيعدى اية دة حاسب حااااااااااسب حااااااااااااااسب أحمـد مـات . صحابة ماتوا الزمزمية اتملت دم بدل الميه احمد كان نفسه يبقي دكتور او ظابط او مهندس مين ***ك يا احمد ؟ هنقول لاهلك احمد راح فين ؟ أحمـد .. انت سامعنى أحمـد.. دة انت لسة بايسنى وواخداك في حضنى من 5 دقايق رحت فين يا غالي سايب ماما لمين يا احمد ؟ أحمـد ... هعيش ازاى وريحتك لسة في هدومى ؟ مع السلامة يا حبيبي ..هتوحشنـى يرضيك يا ريس .... اصحى ابنى عشان يموت ؟ يرضيك الحاجه الحلوه ليا ماسمعش ليها تانى صوت ؟؟؟؟ هجيب لمين الشبسى تانى ... مين ياريس لما افتح بابى وادخل يقولى بابا جايبلى ايه ؟؟؟ مين يقلقنى ف عز نومى عشان غطاه بقى مش عليه ؟؟ مين يقوللى بابا لما انجح هتلى عجله او اتارى او فسحنى فسحه حلوه او ودينى حتى نادى ميين مييييين يا ريس ؟؟؟ مين يا ريس لما يضحك غصبا عنى لازم اضحك حتى لو هموم الدنيا فيا مييييين ؟؟؟؟ مين ياريس لما العيد يجى علينا هياخد منى العيديه ميييين ؟؟ قوللى ياريس اعمل ايه ؟؟؟ قوللى ياريس لو نمت اصحى ؟؟ ولوصحيت اصحى ليه ؟؟؟؟؟ مش ياريس مش هتطلع شمسى راحت والتعويض زمانه جى قوللى ايه هيعوض شمسى وابنى راااااح خلاص مش جى ؟؟؟؟؟؟ : |
الله ع الجمال
كلام مؤثر جداااااااا تسلم ايدك ع الموضوع |
شكرا ع مرورك
|
سلمت يداكى
كلام روعة جسد فعلا الواقع المر اللى بنعيشه شكرا جزيلا |
كلمات حزينة و موقف عصيب الله يصبر اهلهم و يرحمهم انا لله و انا إليه راجعون ولا حول ولا قوة إلا بالله العلي العظيم يد الإهمال و التسيب تهيمن و تعبث بكل شيء و ليس السبب القيادات في كل الأوقات لكن النفوس البشرية تحولت إلى شراذم لا يردعها دين ولا يعيقها اخلاق ولا يوقفها قوة شكرا و بارك الله فيكم |
انا لله و انا إليه راجعون ولا حول ولا قوة إلا بالله العلي العظيم
كلمات موجعة تبكى القلب قبل العين |
| جميع الأوقات بتوقيت GMT +2. الساعة الآن 08:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.