بوابة الثانوية العامة المصرية

http://www11.0zz0.com/2012/11/19/13/663006581.jpg

زاد الحنين
والطفل مرت عليه سنين
ولسه عيونه من الضوء
مابتخافشي
طفل صغير آه
لكن كرامته ماتتهانشي
راح للأنجليز
وقالهم ..أرضي
وبعلو صوته صرخ
ولا همه رصاصه
ولا ضربه تموته
أصل هايتجرح أيه تاني
أكتر من اللي أنجرح
......
وهما ياعيني مستغربين
الواد ده جاب شجاعته منين!
قالولو اجري العب بعيد
وبلاش تلعب ويانا لا تنجرح
دوركم ف الحياه دور العبيد
قلوبنا تعيش وقلوبكم تندبح
شوفلك حفره ادارى فيها
وادفن نفسك وسط التراب
............
ضحك الواد من قلبه
وعلّى صوته
ولا قادر حد يسكته
بصو ليه واتعجبو !!
فقالهم ...
دي ارضي انا
وغصب عن اي حد هاموت وادفن هنا
بس لسه ماجاش اواني
ولا رصاصه تفرق معايا
ولا صرخه تقلب كياني
انا هو انا مش حد تاني
موِّتوني
من ضعفكم هاتموتوني
ولا عمري هاركعلكم
وعمر الارض دي
ما هتبقى ملككم
...............
كان عنده حق الواد الصغير
بان ضعفهم قدام قوته
صوبو الرصاصه جوه القلب
وادفنت ف ارض الوطن جثته
...............
كان طول عمره بيحلم
أنه يدّفن ف التراب ويكون شهيد
زغرطت حبات الرمال لما أندفن
وأتنحت ع الصخر اسمه
طفل لما مات ... مات ملك
لكنه عاش عيشه ...