|
سؤال بخصوص هندسة الطيران والميكاترونكس
يا جماعة
انا طالب اعدادي هندسة وعايز اسال عن قسمين للاسف الناس بيخوفوني من مستقبلهم وانهم مش مطلوبين انا عارف ان الرزق بايد ربنا بس برده لازم ناخد بالاسباب القسمين هما هندسة الطيران وقسم الميكاترونكس ايه نظامهم ومجالات عمل الخريج ؟ |
ياريت يا جماعه حد يرد لاني برده عاوز اعرف حاجات عن قسم هندسه طيران وفضاء القاهره
|
بسم الله الرحمن الرحيم
السلام عليكم اولا من كلامك كده واضح ان ميولك ميكانيكية فاهلا بك في قسم الرجال ان شاء الله قسم ميكاترونكس ده موجود في هندسة عين شمس (بيتي الحبيب) :) وهو احد تخصصات قسم ميكانيكا (قسمي الحبيب برضه) :) مجال عمل القسم واسع و معروف في جميع انحاء العالم هو في الماكينات اللي بتشتغل بالكومبيوتر والروبوتات والميكروكونترول وحاجات كتير في الحتة دي انما في مصر لسه متعرفش اوي بس هو علي الطريق وبيتزايد يعني وكمان انت بتبص بعد 5 سنين لما انت تتخرج مثلا طبيعي هيكون خد وضعه قسم طيران موجود في هندسة القاهرة الشقيقة مجال عمله واضح من اسمه في الايروديناميك بس معلوماتي عنه مش كتير نقطة مهمة اوعى تسمع كلام حد خش القسم ده او ده شغله كويس وده لا كل تخصصات هندسة مهمة ومطلوبة رزقك مقدر ليك هتاخده اكيد علشان كده لازم تدرس اللي بتحبه في تبدع فيه وتلاقي مقابل كبير احسن ما حد يملي عليك رغبته وتبقي عادي زي الالاف اللي بيتخرجو كل سنة واعرف ان مجال الهندسة اللي بيبدع فيه بيبقي بيتقدر كويس ربنا معاك ان شاء الله وبالتوفيق |
شكرا على الرد
انا فعلا ناوي ادرس حاجة تبع الميكانيكا وبرده نفسي ادرس ما يتعلق بالالكترونيات وده متوفر في قسم ميكاترونكس لكن المشكلة اني برده عايز ادخل حاجة مطلوبة خصوصا واني ممكن ادخل ميكانيكا بور وده موجود عندنا انما لو حبيت ادخل ميكاترونكس هضطر اروح عين شمس وسفر بقى علشان كده عايز اعرف الحكاية تستحق ولا ؟ |
اقتباس:
|
شكرا على الرد
|
لو انت في اعدادي زي مابتقول انصحك تدخل مدني
|
| جميع الأوقات بتوقيت GMT +2. الساعة الآن 08:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.