ارجوكم الحل
 

السلام عليكم
انا طالب فى اولى ثانوى وامتحاناتى يوم 26\12 ولغاية دلوقتى معرفش اى حاجة فى المنهج كله ومش عارف انظم وقتى خالص وكل ما احاول افتح الكتاب واذاكر اقفله تانى وكل يوم على كده وانا حاسس انى هسقط بج مع انى كنت فى الاعدادى بطلع من الاوائل دايما ومش عارف اعمل ايه ما الحل ارجوكم ؟

لسا باقي 30 يوم يعني شهر افتح الفهرس واعمل جدول وتخيل ان رسول الله صلى الله عليه وسلم هو اللي طلب منك مهمة المذاكرة دي وبردو تخيل نفسك وانت ساقط والكل هيقولك يا ساقط يافاشل ياللي محصلتش حد ولو سقط الترم ده هياثر عليك وتسقط في التاني وتبقى صغير عن اصحابك بسنة علشان سقطت طب وليه كل ده وانت لسا باديك الفرصة اقعد على الكتاب صعب بسبب الملل والاحساس بالذنب من عدم المذاكرة دوس على نفسك وتخيل فرحة اهلك بيك وانت ناجح بدل ما تكسفهم في كل حتة انا كنت معرفش حاجة في الفزيا وذاكرتها في 15 يوم بس وطلت الاول وجبت الدرجة النهائية يالا بدل متتعاير روح اعمل الجدول دلوقتي ونام بدري واصحى على صلاة الفجر وابدأ الدح وسيبك من كلام الناس وانت متاخر اثبتلهم انك بطل ان الله على كل شئ قدرير ومتنساش صلاة الفجر وقيام الليل وسورة الواقعة

ربنا معانا كلنا

بس المشكلة انى مش عارف اعمل جدول ازاى يعنى انا مخلص المنهج فى كل المواد اعمل الجدول ازاى فى ال 30 يوم دول بحيث انى اذاكر مادتين فى اليوم لو ممكن تعرفنى الجدول بعد اذنك