ياريت تفدونى
 

انا عندى كذا استفسار عن النظام الجديد وبجد متلخبطه جداااااااااااا
المدرسين بياكدوا ان علمى علوم هناخد فيه جزء من رياضه 2
وفيه ناس بتقول ان السنه الجايه هيبقى علمى شامل زى زمان بحيث اننا ممكن ندخل اى كليه علميه سواء هندسه او طب او صيدله !!!
وبردو موضوع ال 10 اللى فى ايد المدرسه دول ايه نظامهم
وهل فعلا مطلوب مننا الحضور ولا لاء

أتمنى حد يجاوب لأن الأسئلة اللي الأخت روفانا كاتباها نفس الأسئلة بالضبط اللي عاوزلها إجابة

أتمنى حد يجاوب

ياريت حد يجاوب خلينا نعرف هنمشى ازاى السنة الجاية عشان منضيعش شهور فى فهم النظام..!

مواد علمي علوم:عربي_انجليزي_لغة تانية_كيمياء فيزياء_احياء
مواد علمي رياضة:عربي_انجليزي_لغة تانية_كيمياء_فيزياء_رياضيات2_جيولوجيا
دي المواد اللي بتنضاف للمجموع

امال فين بقى 9 مواد اللى بيقولوا عليهم
لو كدة يبقى الحمد لله

دي مواد المجموع بس

يا جماعه مدير وزاره التربيه والتعليم بالجيزه كان فى اجتماع مع طالبات مدرسه وهما قالو كالاتى انهم كلموا وزير التربيه والتعليم على التليفون وقال ان النظام لسه ماقرش وهينزل يوم 21/3 وهيبقى 5 او 6 مواد دى مواد الكل هيدرسها على مستوى المحافظات و5 او 6 مواد تانيه دى هتدرس على مستوى المدرسه لازم نجيب فيهم مجموع علشان نقدر ندخل الامتحان اللى هيبئى على مستوى الجمهوريه وقال ان مفيش 10 درجات بتوع الغياب دول

وبعدين فى صفحه على الفيس بينزل فيها كل جديد عن الموضوع دا لانهم كانوا عايزين يعملو مظاهرات لما اتعلق ورق فى المدارس بيقول اننا هندرس 12 اده الصفحه اسمها ثوار الثانويه ضد التعليم العقيم

طيب وآآآآآآآآآآآآدبى يا جماعه هيدرس كام ماده ؟؟؟

اسمحلى ياغالى اعترض معك
لان الماده 70 من الدستور الجديد بتنص على ان الدين والتاريخ الوطنى اللى هى التربيه الوطنيه بتضاف وبكده وصل عدد المواد ل8 والجولوجيا كده 9 والله اعلم هيزل مواد طبيه ولالا؟

مفيش على مستوى المدرسه والجمهوريه
الثانويه العامه طول عمرها معروف دائما انه على مستوى الجمهوريه والمواد بتضاف للمجموع كلها
ولسه النظام الجديد مش نزل خالص

انا بقول الكلام اللى هو قالو وبعدين هو قال القرار هينزل يوم 21/3 خلاص نستنه لغايت لما نشوف

اكيد القرار يوم 21/3 احنا اعصابنا تعبت

أكد الدكتور رضا مسعد، رئيس قطاع التعليم العام، ورئيس عام امتحانات الثانوية العامة، أن نظام الثانوية العامة الجديد، يحافظ على كل الشعب الموجودة، ما يعني استمرار تقسيم الشعب إلى "علمي علوم"، و"علمي رياضة" والشعبة الأدبية، مشيرا إلى أن طلاب كل شعبة لن يدرسوا سوى مواد تخصصه، بحيث لن يختار طالب الشعبة العلمية مادة أدبية، والعكس، كما كان يحدث من قبل في النظام القديم، لكن كل شعبة تختص بمواد تخصصها فقط، مع التأكيد على إلغاء مادة المستوى الرفيع للقضاء على ظاهرة المجاميع الخيالية.

وأوضح مسعد، أن طلاب الثانوية العامة للعام المقبل، هم أول دفعة تطبق عليها نظام الثانوية العامة الجديدة، مؤكداً أن "حظهم" أفضل بكثير من طلاب النظام القديم، لأن الوزارة تعمل على تخفيف الأعباء عنهم، بحيث لا تزيد مواد الامتحان عن 6 مواد على الأكثر، مع ربط امتحانات 3 أو 4 مواد أخرى بالمدرسة، للقضاء على ظاهرة الغياب بالصف الثالث الثانوي، وربط الطالب بالمدرسة مرة أخرى.