|
][®][^][®][ خيرة شبابنـــــــا ][®][^][®][
وخيرة شبابنا هناك في الميدان ينادوا بصوتهم يهز الكيان هانفضل نكمل في ثورة بلدنا لحد مينضف فيكي المكان ونخلص بقا من اللي شافوا البلد لقيه وورث وتكيه كمان وزعق يامصري بصوتك وقول وأصرخ وارفض ده حقك وحقي وحق اللي ماتوا هانرفض يكون فوقنا فرعون بيحكم وياكل ويشرب في خيرك يابلدي يامصر يابلدي سمارك في لوني ترابك في دمي يابلدي ياأمي ياحلمي وحلم اللي ماتوا في أرضك عشان ينقذوكي من اللي ياما ضرك وباع ياما أرضك ولسه هانهتف ولسه هانصرخ ومهما يقولوا علينا يقولوا فلول بلطجيه وعمله واجانب وأصاحب اجنده لوحدك يابلدي عارفه اني ابنك ورافض يابلدي اسيبك في ذلك ورافض مهما تكون النهايه ولو حتى موتي التمن راح اكمل ك، ن ، ا ، ر، ة |
هنفضل نناضل لحد ما ييجي حد ينضف بإيده ترابك بحبك يا بلدي رغم الأعادي دا أنتي اللي فيكي عايش عشانك قلوب ألف واحد ماتت يا بلدي وعايشين ينادوا في وسط ميدانك تهنا وبقينا يا بلدي غرابك ما هو لما ينده ينده خرابك ولما مسكنا واحد يصلي قالوا عليه يا بلدي منافق بيخدم جماعته .. وواقف بيدبح عروبة ولادك !! أنا أبنك يا مصر وواقف عــ بابك بقولك لإني كرهت كيانك كرهت اللي فاهم وقاعد وساكت كرهت اللي عايز يدبح شبابك كرهت إللى واقف بينده مبارك كرهت الجماعة .. كرهت حصانك ما دخل السباق وكسر سراجك ولكن يا بلدي عمري ما أسيبك لأني ابن أصل وأبنك حبيبك بحبك يا مرسي ومش من جماعتك وبكره بساط الريح اللي صامت بأيد قرارك ودستور صوابك ربي يعلي مابينا مكانك هصونك يا بلدي .. وعمري ما أخونك ومش همشي خايف وأبص ورايا أنا لي ربي قادر يحطم كل اللي خانك كل اللي يحكي ولا هو فاهم يجادل .. ويفتي وعامل محامي بحبك يا بلدي وهفضل أناضل لأجل كيانك كتبتي فصورتي ما تأملين وما تشاهدين أختلف معك في الفكر السياسي ولكن لا اختلف كثيراً في الفكر الأدبي فدائم روحك الشعرية حاضرة تقبلي مروري وإحترامي وتقديري |
اقتباس:
منتظرين المزيد |
اقتباس:
|
و خيرة شبابنا فلول النظام
وأسف يا ريس معاهم كمان و كل اللى خاسر و كل اللى خان و بعض الشباب معاهم و بس لا فاهم سياسة ولا عمرة حس بنبض الشهيد اللى مات من زمان |
تعودت منك الكتابة العاطفية لا سيما بلون الحزن والأوجاع والحنين
وأعجبنى أنك خرجت من هذا الإطار وأبدعت فى عوالم جديدة ننتظر منك المزيد من الإبداع ( أسجل إعجابى بتوقيعاتك الإبداعية المميزة ؟) |
اللي يحصل منا مرة سهل يحصل ألف مرة مهما كنت قارينا ومذاكر أحنا نعمل المشاهد وانتم تقطعوا التذاكر وتقفوا فاتحين بؤكم تتفرجو انتم واللي بره ياللي فاكرنا بهايم أنت فاهم مصر حرة تحياتي لكل من مر بكلماتي البسيطه ولكن من اتهمنا بأننا فلول فهل الشرطه والداخليه فلول والجيش فلول والقضاء فلول والمحامين فلول والاعلام فلول والصحافه فلول والاحزاب فلول والثوار فلول والشعب فلول :d:d سؤال رفيع بس مين في مصر مش فلول غير الأخوان المسلمين والجماعه عشان نحبهم ونحترمهم ونثق فيهم ؟ ؟؟؟ :006et4: |
اقتباس:
الإجابة بسيطة يا أستاذة كنارة ليس كل ما ذكرتي مؤيدين أو رافضين فالشعب أصبح في حيرة ومن ليسوا فلول غير جماعة الإخوان التي لا أنتمي إليها هم المصريون الشرفاء هؤلاء من لا يخربون ولا يعطلون مصالح شعب بأسره أحب أسميهم حزب الكنبه " تسمعي عنهم " لا ليهم مصلحة في دا ولا في دا إللى يهمهم بس شيء واحد إن مصر تبقى فوق الجميع بيحبوا بلدهم وهم دول بجد اللي ضحوا ولسه هيضحوا تحياتي لكل مصر حر صاحب قرار صاحب مباديء وليس صاحب أذن تسمع رفضوا الدستور قبل أن يعرض عليهم !!!!!! حينما قام المجلس العسكري بإعلان دستوري لم نجد منهم شخص يقول لا ولا محكمة قفلت ولا ولا ولا !! دا إللى شايفه وأنا لسه بقولك أنا مصري مسلم وطني لا إخواني ولا بنضم لأي حزب بحب أخي القبطي المسالم المصري بجد وبعشق تراب مصر وأي حد من ريحتها |
بجد روعة عبرتى عن كلام كتير كان جوايا ومش قادر اقوله ابدعتى فى اختيار كلماتك وفى تنظيم ابياتك وفى توضيح افكارك هذا هو الابداع الحقيقى |
اقتباس:
حزب الكنبة الكنبه في اللغه العربيه هي الاريكه التي يستلقي عليها الكسالى بالساعات والمواطن الكنباوي هو المواطن المرحرح لا ينزل الشارع والا يدعو لمليونيه ويتابع الاحداث على الاريكه في التكييف مضحيين أوي والمفروض بجد يبقوا هما دول المواطنين الشرفاء وشعارنا من هنا ورايح لا تقولي أخوانجي وسلفاوي أنا هافضل كده واحد كنباوي بجد عندك حق أخص عليهم بتوع الميدان فلول واجانب وعمله كمان أخص عليهم عايزينه يمشي ومين يركبنا ومين يقعدنا على ركبنا وان حب يروح مشوار بينا ويعدي وقال بيعدينا يقلبنا بهايم يركبنا مين ها |
اقتباس:
أرى أسلوب التهكم في الرد ولكن أستاذة كنارة أطلقت هذا المسمى لما رأيته من نفاق داخل نفوس الكثير والكثير فمن لم يثق في رئيس صوت له فلقد أخطأ في حق نفسه قبل أن يخطئ في خروجه منقلبا عليه بسبب إعلام مضلل وأحزاب مستأجرة وأصحاب كيان صهيوني في تدبيرهم فسبحان مغير الأحوال أتفق أصحاب المصالح الشخصية أخيرا وأصبحوا يد واحدة بعد أن فقد كل منهم كيانه واحترام الكثير من مؤيديه فالأغلبية الصامتة هي أصحاب العقول النيرة وتشاهد من خلال نافذة الأحداث تساقط المنافقين واحد تلو الآخر ثم تخرج لتلقي بهم في سلة التاريخ . هذا هو ردي على حضرتك يا أستاذة السياسة وعلوم الحق المدني المنتهك |
أصبح جهلاء العلم فقهاء سياسيون
أصبح جهلاء الحياة علماء علمانيون أصبح أصحاب السلطة ليبراليون أصبح الجميع مصريون !! سبحان مغير الأحوال اللهم ثبتنا على قول الحق ولا يقودنا إعلام ننساق خلفه ورموز تثير الفتنة والأراء الخادعة رفضوا الدستور قبل أن يعرض عليهم وقبل أن يطلعوا عليه لك الله يا مصر |
اقتباس:
أستاذ ضياء أنا لم أقصد التهكم على كلام حضرتك كلامك ورأيك ليهم الاحترام ومش شرط اللي عندك يبقا عندي مقبول لكن مازلت أقول ان الساكت عن الحق شيطان أخرص انا مصريه لا انتمي لاي حزب والا جماعه انا مش شكل وشعارات وجوايا الواقع مؤلم انا مش وعظ وحركات وبتاجر بالاسلام يكفينى انى انا واضحة مصريه مسلمة وبحب بلدي بعشقها |
اقتباس:
لكل منا معتقداته السياسية والفكرية ولكل منا ما يشاء من قول أو فعل جميعنا مصريون والقيل من ينتمي لحزب بعينه وليس معنى أنني أوافق على الإعلان الدستوري أنني إخواني سأظل أقولها أنا مصري .. مسلم .. عربي .. حر ليس لأحد سلطة على رأيي وقراراتي أعشق تراب بلدي وأكره من ينافق نفسه ولا يحكم ضميره وعقله لك خالص تحياتي |
اقتباس:
وليس كل من عارضه فلول أو جهلاء وفاسدين تحياتي واحترامي لرايك رغم أختلافنا وبالفعل احنا اخوات وليس أخوان |
| جميع الأوقات بتوقيت GMT +2. الساعة الآن 07:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.