بوابة الثانوية العامة المصرية - أنا لا سلفى ولا أخوان

بوابة الثانوية العامة المصرية (https://www.thanwya.com/vb/index.php)

- الأدب العربي (https://www.thanwya.com/vb/forumdisplay.php?f=28)

- - أنا لا سلفى ولا أخوان (https://www.thanwya.com/vb/showthread.php?t=483836)

أنا لا سلفى ولا أخوان

أنا لا سلفى ولا أخوان
بس بكرة رايح الميدان
أنا مع قرارات الرئيس وكنت
أتمنى انها تحصل من زمان
فى حد فى مصر عايز النائب العام
فى حد فى مصر عايز حد من رجالة النظام
ولا من القضاة بتوع مبارك العظام
الصراحة كل مشكلة مرسى
أنه من الاخوان
معايا حق ولا غلطان
مش عايز حد يخوفنى من الدستور
ويقولى دا سلق بيض
زى كل اللى بيقول
طيب انا راضى ضميرك
فيه بيض بيتسلق فى ست شهور
وماتقلش مين اللى كتب
قول أية اللى انكتب
والدنيا دايرة وبتدور
واوعى تقعد فى الضلمة
قوم ولع النور
ووصيتى لك
لما تشوف الظلم اغضب وثور
ومن الموج اتكونت البحور
وواعى تنسى ان مرسى رئيس منتخب
يعنى جاى بالصندوق
مش عايز حد يقولى
على مرسى فرعون
ومرسى قدامكم بيتشتم ويتلعن
كل ساعة وكل يوم
يبقى ازاى يا ناس
يبقى ازاى يا عالم
هايبقى فرعون
هو فرعون بيلعب
والله الشعب اللى اتفرعن
الشاعر
عبد الحميد بدوى

جزاك الله خيراً

:078111rg3: :078111rg3: :078111rg3: :078111rg3:

اقتباس:

المشاركة الأصلية كتبت بواسطة حميد بدوى (المشاركة 4994615)

كلام جمييييل ومحترم

اشكركم وتحياتى للجميع