الدستور الفرعونى
 

اول القصيدة كفر التعليم الزامي يعني ايه ، هل الانسان بدون تعلم القراءة و الكتابة مش حيبقي انسان هل ميقدرش يعيش بدون ما يعرف يقرا و يكتب ، طيب ما قولنا في ان نسبة بطالة الاميين صفر و ان نسب البطالة كبيرة جدا بين الجامعيين

طيب لو افترضنا جدلا ان من شروط بقاء االانسان هو تعلم القراءة و الكتابة هل يعقل انه يتعلم القراءة و الكتابة في 9 سنوات ، و لو الطالب اخد اعدادية يبقي حيشتغل بيها عامل نضافة يعني زيه زي اللي واخد محو امية ، هل يعقل ان 9 سنين بحالهم عشان الحكومة تدي للطالب شهادة انه بيعرف يقرا و يكتب

طيب التعليم الزامي علي مين ليه الحكومة بتلزم الاب بنفقات التعليم و هو مش ملزم بيها ، الاب ملزم بنفقات اولاده من حيث المسكن و المأكل و العلاج لكن ليس من ضمنها نفقات التعليم

المصيبة الاشد ان اذا الاب متوفي تخرج الام للأنفاق علي ابنائها بدل ما هما اللي يشتغلوا و يصرفوا عليها ، هل المرأة ملزمة بالانفاق علي عاطلين لا يعملون


و تتولي المصائب ( و السعي الي مد الالزام الي فترات اخري ) يعني الطالب يكون عدي ال 15 سنة و الاب ملزم ينفق عليه ، فأي دين و فأي شرع ان الواحد يبقي ملزم ينفق علي راجل زيه ، راجل يبقي عاطل و قاعد علي التختة في المدرسة وواحد تاني يشتغل و يصرف عليه ، علاقة الابوة دي مش علاقة اتكالية و متديش الحق للأبن انه يبقي عالة علي ابوه


و التعليم ليه مجاني بجميع مراحله دافع الضرائب ليه ملزم ينفق علي واحد بيتعلم ، ما كل واحد اولي بولاده يصرف عليهم ، وحتى دي برضو مش واجبة علي الاب ده فضل منه ، مفروض كل واجد ملزم يصرف علي نفسه

بسط سيطرة الدولة علي التعليم عشان تشتري و تبيع في الطلاب زي ما هي عايزة ، يعني لو مدرسة خاصة و حتعلم الطلاب في 5 سنين بدل ال 12 سنة اللي قبل الجامعة طبعا مينفعش ، و لو مدرسة خاصة و عندها احدث المناهج برضو مينفعش ، لو واحد حيتعلم من النت ميقدرش برضو ياخد شهادة معترف بيها من الدولة

تجفيف منابع الامية يعني اللي ميدخل ابنه المدارس يتحبس ، طيب الوزارة بتدي شهادات ملهاش قيمة و بعد 16 سنة الطالب يلاقي نفسه عاطل ، باستثناء المحظوظين اللي بتشغلهم الحكومة

و الطالب الذكى اللي بيتخصر الطريق ده كله و يسيب المدارس و حبستها و يخرج يساعد ابوه و يشتغل الحكومة تلاحقه بتهمة انه متسرب من التعليم


برامج محو الامية لم تحقق اي نتائج ملموسة ، هي برامج دعائية فقط ، عشان نخوف الناس و ترعبهم عشان ميفكروش يسيبوا حبسة المدارس ، برامج بتعامل الاميين باحتقار ، و تتهمهم بالجهل ، و تبين ان خريجي المدارس افضل منهم ، و العكس هو الصحيح

اقرا في دينك شوية و انت تعرف ان التعليم مش الزامي

و ان دافع الضرائب مش ملزم يصرف علي ناس في الجامعات و المدارس ، و ان اصلا فرض الضرائب حرام


و ان الاب مش ملزم بالانفاق علي اولاده في التعليم ، و ان حرام علي الحكومة تخلى الابناء عالة علي اهاليهم

http://www.thanwya.com/vb/showthread.php?t=481886


الموضوع ده بيتكلم عن الاموال اللي بتستخدمها وزارة التعليم و انه الدولة بتجمع الضرائب بغير وجه حق

http://www.islamweb.net/fatwa/index....twaId&Id=40628


المشاركة في الاموال كفر


المسلم كل اللي مطلوب منه انه لو زاد ماله في السنة عن 85 جرام دهب في السنة عليه يدفع ، عن كل 1000 جنيه 25 جنيه بس
ده غير زكاة الزروع و الثمار و لو قارنا بين المبالغ دي كلها و بين الضرائب ، حنلاقيها مبالغ لا تذكر ن بالنسبة للضرائب اللي بتوصل الي 40 %

و منافذ الزكاة 8 و حنلاقي انها بتسد حاجة الفقير و المحتاج و ليس من ضمنها التعليم الا في البند الاخير ( و في سبيل الله ) اذا رأي و لي الامر ان هناك حاجة الي ذلك

اما ناخد فلوس الفقير و نصرفها علي طالب بيتعلم الكمبيوتر ولا طالب بيتعلم في كلية طب مش حرام ، ولا حتي ناخدها نصرفها علي طالب بيتعلم مجرد القراءة و الكتابة مش حرام ، مش اولي يصرف عليه والده بدل ما يصرف عليه الفقير


http://www.islamweb.net/fatwa/index....twaId&Id=16101

http://www.islamweb.net/fatwa/index....twaId&Id=32887

فرض الضرائب لا يجوز ، يعني التعليم الحكومي من اساس فكرته خطأ

طيب الناس اللي حتقول طيب الفقير حيتعلم ازاي ، بالعكس بدون سيطرة الدولة علي التعليم الفقير حيتعلم افضل

بدل ما يقعد يطلع عينه في درسة 16 سنة في مؤسسات وزارة التعليم ، حيدرس اللي عايزه مباشرة بدون تضيع وقت في مواد ملهاش لازمة

الناس بدل ما تدفع الضرائب للدولة عشان تصرفها علي المجلات و الجرايد و الفنانين و الفنانات ، الفلوس دي ممكن الواحد يعلم بيها فقير محتاج اولي

الدولة بتعلم الفقراء تعليم غير ادمي مفيهوش وسائل ترفيه للأطفال ولا اهتمام بالجانب النفسي لهم ، الفقراء دول اي قيمة الشهادة اللي بيحصلوا عليها بعد ما تحطمت شخصياتهم في التعليم الغير ادمي ده

لو فيه مرونة في قوانين التعليم و الطالب يقدر يدرس في الكلية في اي سن ، ممكن الفقير يشتغل و يصرف علي نفسه في الدراسة في اي سن

اوقاف الازهر اللي الدولة استولت عليها كانت بتنفق علي طلاب العلم

مواد التعليم في الدستور مواد حبس المواطن ، مواد لمصلحة السجون

التعليم الزامي و الدولة هي الوحيدة اللي مسئولة عن التعليم و اللي مش عايز يعلم ولاده بالطريقة دي حيتحبس

ما هذا الهراء وما هذا المستوى من الفكر إحنا خلاص لم يصبح فينا عقل ايه الهبل اللي بيتقال ده يعني الدولة لما تحرص على تعليم أبنائها تبقى غلط ولما تسيبهم جهلة هو ده الصح لا حول ولا قوة الا بالله وإنا لله وإنا إليه راجعون