بوابة الثانوية العامة المصرية

فلسفة الحمار

عجبي عليك يابن آدم يا كبير الدار
قوّمت الدنيا و ماقعدت لما قالوا حمار
هو إسمي شتيمه ولّا جنسي ده عار
خلقني ربّي و خلقك ولا حدّش له خيار
و أنا مهما زاد الحمل فوقي صابر على المشوار
لا في يوم أقول إشمعنى أخويا ولا آخد منه تار
ولا يوم أبص لرزق غيري و أطق منه و أغار
و لا أرفع في يوم عيني على جارتي و أصون الجار
ولا مهر أدفع لحمارتي و شبكه و سوار
ولا شقه أجمع في تمنها و أجهز دار
ولا حرمي حامل تتوحم و عايزه الكافيار
ولا بنت تخرج عن طوعي و تجيب العار
و لا إبن يدمن و يلهوس و يقع و ينهار
عايش في حالي متهني و ليا أفكار
باكل و بشرب و بنهق و مفيش أسرار
و عندي إبن آدم يخدمني ليل و نهار
إن جعت يشتري برسيمي بأغلى الأسعار
و في مرضي يفضل يعالجني و يدعي الستّار
خادم امين من غير راتب ولا حتى إيجار
و دلوقتي عرفت يابن آدم....مين فينا الحمار ؟؟؟؟
منقول