لسة في امل
 

السلام عليكم ايه اخبار الثانوية معاكم
لكل طلاب الثانوية اوعوا يكون حد مدايق ولا متوتر لسة الوقت بدري وفي فرصة كبيرة جدا انك تذاكروا وتتفوقوا كمان يلا كل حد مدايق ومخنوق ولا مش عايز يذاكر معلش قوم اضغط علي نفسك شوية واصبر ربنا مش هيضيع تعبك وصبرك انا فاهمة احساس اي حد مدايق لاني ياما مريت بالاحساس ده وكل اللي بيحصل معاكم حصلي وحصل مع غيري بس معلش صدقوني كل ده بيهون لما تشوف فرحة اهلك بيك يوم النتيجة بجد انا لما شوفت الفرحة في عين بابا وماما يوم النتيجة بتاعتي ندمت علي كل يوم ضيعته وقولت يارتني كنت ذاكرت اكتر وجبت مجموع احسن علشان يفرحوا اكتر انت محتاج تفرح بنفسك زيهم قوم ماتخليش الشيطان يأثر عليك
ربنا يوفقكم ولو حد محتاج نصيحة او مساعدة يتفضل يقولها وربنا يقدرني واقدر اساعد

مشكور على هذا الموضوع الجميل