نداء الي معلمي القرار 75 -تثبيت 1/7/2011 عمومااا ** علي وجه الخصوص كفر الشيخ
 

الي كل معلمي تثبيت 1/7/2011 عايزين نطالب بحقنا
الوزارة عايزة تدخل ناس متعاقدين بعدنا
واحنا مفيش حد معبرنا يا اخواني لازم نتحد جميعا علشان نعرف ناخد حقنا
احنا لازم نروح نقابل وكيل الوزارة

فيه مجموعة راحت بس للاسف كان عددهم بسيط ياريت اكبر عدد يجمع
ياريت كلنا ننسق مع بعضنا ونروح جميعا
بحيث اكبر قدر يضغط ويجيب حقنا
الوضوع هااااام جدا
والله المستعان والموفق

يا ريت اللي عنده معلومة مايبخلش علينا
\نرجو من يعرف شيئا او يح
اول المساعدة يتفضل

اعطونا الدرجة المالية في المديرية

من موظف في التعيينات في المديرية واسال

مين اللي قال لحضرتك
يعني نفضل معلم مساعد

ايوة عايزين يدخلو ال 70 عقد عادى الى اتاخدو بالتقدير ف 2/5/2011 كادر ف شهر يناير وهما اصلا مش معلم مساعد وبيعملو ليهم ورق تثبيت دلوقتى عشان يدخلوهم كادر وهما بقالهم سنة ونص شغالين بس
واحنا شغالين من 2008 ولسة لحد دلوقتى مدخلناش حرام الى بيحصل دة

علشان كده يا استاذه
احنا لازم نجمع اكبر عدد
وان شاء الله هيكون فيه موعد ونقابل وكيل الوزارة
بس ياريت تبلغي كل زمايلك

يا استاذ حضرتك بتقول عاوزين يدخلو الناس اللي خدت عقد بعدنا وبتقول هيدخلو ا السبعين اللي خدو عقد 2/5/2011 يبقي الناس دية بعدنا ازاي واحنا عقدنا من 1/7/2011 مع العلم لابد ان تعرف انكك لو شغال من 1998 مدرس عادي ب105 جنيه فهذا ليس قانوني العبرة بالوقت الذي اصبحت فيه معلم مساعد وبكده هموا هيكونوا من حقهم انهم يدخلو الكادر قبلنا

حضرتك ال 70 دول عقد عادى من 2/5/2011 لحد دلوقتى
احنا تثبيت 1/7/2011 ومعلم مساعد
هما لسة مش معلم مساعد اصلا حضرتك مش واخد بالك بس

ايه يا شباب في جميع المحافظات
ايه اخبار معلمي تثبيت 1/7/2011
ياريت كلنا نتحد ونعرف هنعمل ايه او الكل يعمل ايه
علشان ناخد حقنا
ياريت كلنا
نعرف هنعمل ايه
....................................نرجو الاهتمام وراي الاستاذ شريف يهمنا

الاكاديمية بتتعامل مع المثبتين بالقرار 75 على انهم معينين وبتعاملهم معاملة المعلمين القدامي المعينين على قانون 47 وعلشان كدة الاكاديمية ومديرها بيقول المعين فى 1/7/2011 بناءا علي القرار 75 يجب ان ينتظر عامين على دخول الكادر .. بمعني اصح عامين اقدمية على الدرجة المالية التالتة . لان المثبت بالقرار 75 اخد الدرجة .

ولو اتصلت بالاكاديمية وقلت له من حقي بناءا على القانون 155 وتعديلاته انى ادخل بعد شغل وظيفة معلم مساعد لمدة عام على الاقل .. هيقولك دة لو كنت متعاقد ام انت مش متعاقد انت معين ... اصل انا كان ليا لفة فى الموضوع ده وعارف ابعاده كلها .. ومازلت بعاني منه
رغم ان اسمى نزل فى المعينين بالقرار 280 الاخير وامتحنت كادر فى ابريل الماضي .. وكنت مثبت بالقرار 75 في 1/7/2011

لو سمحت يا مستر ممكن حضرتك تقول جبيت الكلام ده من اين
يعني نفضل مسمي معلم مساعد لغاية 7/2013
ولا هيعملو فينا ايه
لو كده المفروض يبقي المسمي معلم وليس معلم مساعد

مفيش امتحانات كادر لاي معلم مساعد وهزا مؤكد

الكلام ده من د/ رمضان مدير الاكاديمية
طبعا الكلام ده قالوا ليا شخصياً بالتليفون قبل تعديلات قانون الكادر
وقال بالنص المثبتين بالقرار 75 بنتعامل معاهم معاملة المعلمين القدامى يعني على قانون 47 ولازم يستنوا سنتين اقدمية على الدرجة المالية ويدخلوا بعدها الكادر اى في 1/7/2013 ولما يدخلوا ان شالله يسقطوا ميت مرة زيهم زى المعلمين القدامي ميهمنيش

وانا مثبت بالقرار 515 بمحافظة القليوبية بناءا على القرار 75
والقرار 515 ده عمل مشكلة كبيرة فى المحافظة فى اختبارات كادر ابريل الماضى وسبب المشكلة

انه عندما تم تنفيذ القرار 75 تم تثبيت كل من أمضي 3 سنوات بالاجر + تثبيت المتعاقدون تعاقد مميز ومر عليهم 3 سنوات بالعقد او بالعقد والاجر ولم يخوضوا الكادر . وطبعا مكنش ينفع تثبيت العقود مع الأجر ولكن كان لازم نفضل تعاقد زى ما احنا ملحوظة ( انا كنت تعاقد 1/3/2009 )

ولما تم الاعلان عن اختبارات الكادر في ابريل الماضي كانت الشروط عقد معلم مساعد قبل 31/3/2010 +تربوي

وانا ومعايا 4157 كنا تعاقد مميز فينا من 2008 و2009 ومكناش دخلنا الكادر
وقدمنا ورقنا وتم قبوله واختبرنا ونجحنا ونزلت اسمائنا فى المجتازين على موقع الاكاديمية وفي القرار 280 ولكن بعد كدة الاكاديمية وقفت تعيينا فى محافظة القليوبية بس لحين مرور سنتين على تاريخ التثبيت 1/7/2011 بحجة ان فينا ناس دخلت الاختبار وهما مثبتين ولكن كانوا بالاجر مش متعاقدين طبعا ده ترييح دماغ من د/رمضان
لكن المديرية نفذت التعيين على مسئوليتها وبناءا على ملفات المعلمين المساعدين المجتازين ، وكل اللى نجح وكان متعاقد قبل 31/3/2010 تم تنفيذ التعيين اما من يتضح انه مكنش معاه عقد معلم مساعد ودخل غلط تم ايقاف التعيين لحين مرور السنتين

تنويه : كل المثبتين بالقرار الوزاري 75 في حكم المعينين ولن يستطيع احد فصلك او انهاء عملك تحت اى دعوي حتى لو لم تستطيع اجتياز الدورات التدريبية او حتى لم تحصل على التربوي .. فقط سوف تظل على ما انت عليه لحين استيفاء تلك الشروط وبعدها تحصل على بدل الاعتماد .. وذلك اسوه بالمعلمين القدامي

ملحوظة مهمة: مفيش اختبارات تاني كله هيكون دورات تدريبية حتى تثبيت 1/7/2011 وعلى 1/7/2013 هتكون على وظيفة معلم معين على قانون 155 مش على قانون 47 للعاملين المدنيين فى الدولة .

اسف على ذكر التفاصيل ولكن علشان افهمك ابعاد الموضوع

الف شكر يا مستر ابو الفاروق
والله انت راجل محترم
واشكرك مرة تانية علي التوضيح

والله انا مش عارف اقدر حضرتك قد ايه
وفي النهاية تحياتي لك