مدير المدرسة بيلم فلوس من التلاميذ
 

عندى سؤال :
مدير المدرسة بيلم جنية من كل تلميذ مقابل ورق امتحانات نصف العام ..
فهل ده قانونى؟
ياريت رد سريع

هتلاقى التلاميذ مادفعوش المصاريف والمدرسه مافيهاش ميزانيه

دى الاتاوة بتاع كل سنة هذا الشيى يحدث فى كل المدارس

لا طبعا... التلاميذ عندنا بيقسطوا الفلوس ودفعوا نصف الرسوم للترم الاول
وطبعا الصف الاول دفع كله

المشكلة ان المدير لما قلنا له ده غلط
قال: انا واخد موافقة مجلس الامناء

والله عندنا اللى لم يدفع مصاريف الكتب لم يتمكن من ملا استمارة 3 اعدادى سلام لكل النظار المحترمين

الموضوع ده بيحصل فى كثير من المدارس وده حصل فى مدرستنا لان الادارة حولت كل الفلوس الخاصة بميزانية المدرسة ليها لا يتم صرف مليم الابفواتير وخلافه
والله العظيم عندنا المدير بيدفع فى الشهر اكتر من 150 جنيه من جيبه علشان حاجات محتجاها المدرسة ضرورى وفين لما تتصرف فاتورة يقدر ياخد جزء من الى دفعه .

ياجماعة المدرسة بتصرف كثير وخصوصا فى الامتحانات
انتوا علشان بتتفرجوا من بعيد مش فهمين
حاولوا تتعاونوا مع ادارة المدرسة وانتوا هتعذروا المديرين والنظار