|
موضة الالفاظ ولغة الشباب اليومين دول
السلام عليكم احبائي الكرام انا هتكلم معاكم انهارده في موضوع موضة الالفاظ الفاظ الشباب اللي طالعة موضة اليومين دول زي روش طحن كوول بيأفلم كبر نفض طير انت فكك يامان استكانيس: يعنى انا مرتاح كده اوى - فى الامبلايز: يعنى الحكايه بايظه بايظه - استمورننج: دى بقى بتتقال على الصبح - لحوس : لخص - خليك فرش عشان الوش ميكرمش -خليك اون ومتبقاش اوف ( خليك ايزززى ومتبقاش قفل) -انا جالى هبووط في الزعبوط (هبوط حاد ) - واد شامبو ( واد طيب) - اددينى سلك ( اديينى رنة ) - خليك فى كوزك لحد منعوزك : ( متتحشرش في اللي مالكش فيه) ألفاظ شاذة وغريبة على لغتنا العربية بدأت تنتشر بين أوساط الشباب ، هذا ما أكده تقرير شامل وخطير صادر من مجلس الوزراء المصري وكشف التقرير كيفية وصول وانتشار هذه الألفاظ وأكد أن البطالة والإحساس بالسلبية والشعور باللامبالاة وراء ظهور مثل هذه الألفاظ الشاذة شايفين ياجماعة مستوانا الفكري والادبي واللغوي وصل لفين شايفين جيل الشباب الروش طحن بيدمر في ثقافة شعب ازاي ناهيك عن استخدام الللغة الانجليزية عمال علي بطال وكأن اللغة العربية اصبحت بلدي اوي سوفاج يعني بجد انا وداني بتتعب لما بسمع الالفاظ والتعبيرات الغريبة والغبية في نفس الوقت مع اني لسه شباب زيهم بس بحس بحالة ارف لسماع تلك الالفاظ موضوع مطروح للنقاش |
جزاكى الله خيرا يا اختى
|
عندك حق كتير بصراحه
لغتنا العربية كل يوم تنتهى وتخرج تعبيرات جديده ربنا يلطف بينا :( |
بجانب إنه أنهيار لغوى ويمثل أنهياراً أخلاقياً، علينا سرعة تداركهِ
|
أنا سمعت كتير من الشباب وللأسف بيتكلم بالطريقة دي ومش عارفة هم بيجيبوا الالفاظ والمصطلحات الغريـبة دي منين أصلا..!! وأنا شايفة ان ده ناتج عن قلة وعي يعني معتقدش ان فيه انسان علي مستوي عالي من التعليم والوعي التام هينطق مصطلحات بالشكل ده!! وكمان فيه شباب بتعتقد ان هو ده الاستايل والموضة وكمان ياريت ع اللغة وبس وطريقة لبسهم وطريقتهم في التعامل موضة ما يعلم بيها الا ربنا!! انا اتمني فتح موضوع ونقاش عام عن الشباب وتقليدهم للغرب وأسباب الانحطاط الاخلاقي وكيفية مواجهته والقضاء عليه؟؟ ويكون موضع نقاش مع الجميع... جزيل شكري وتقديري.. |
اقتباس:
كلام جميل اوي وعين العقل والله سلمت يداكي |
كل ده نتاج عصر المخلوع اللا مبارك
|
شكرا لحضرتك
وانا اعرف ان اللغات فى الفترة الاخيرة تطورت بمصطلحات غير مسبوقة لتواكب متغيرات العصر زى مثلا كلمة Green (تستخدم بمعنى غشيم) وهذا تطور ممكن يكون مقبول. اما ما نسمعه الان فى لغتنا وفى اغانينا من كلمات فهى اسفاف وافساد للزوق العام بتكرارها كثيرا على مدار اليوم . ويجب ان نحترس ونقاوم هذه الالفاظ . اكرر شكرى لحضرتك |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.