|
صراحة مش عارفة أسمى الموضوع .........بس ياريت تدخلو و تقولو الصراحة
السلام عليكم و رحمة الله و بركاته
مبدأيا انا عارفة ان معظم اللى ع المنتدى هيستغربوا من الموضوع لان المفروض انى عليا امتحانات ثانوية و ده مش وقته ........انا عارفة ده كويس جدا و عارفة برده ان فى ناس هتقول عادى هيا شكلها مش شاطرة او بايعة السنة دى .....اقولكم لا انا يمكن عشان انا مش بايعة السنة هكتب الموضوع ده وطبعا بتاسف لاى حد وقته ممكن يضيع فى قراءة الموضوع هو تقريبا تكملة لموضوع هو احنا بنحب بعض دلوقتى يا جماعة انا هقولكم ع موقف حصل و عايزة رايكم بس بمنتهى الصراحة لان بجد نفسيتى تعبانة جدااااا و ماثر ع مذاكرتى و عشان كده كتبت الموضوع لان اكيد فى ناس هنا اكبر منى و تفكيرها ناضج عنى يا جماعة انا من اسبوع تقريبا كنت قاعدة انا و واحدة زميلتى قريبة منى جدا او المفروض انها تكون كده و مدرستى وكنا بنتكلم عن النت و الحياة العادية و الطلبة فانا كان كل تعليقى ع الغباء بين الطلبة و انهم مش بيحبو مصلحة بعض _الا من رحم ربى_ اننا فعلا مفتقدين روح الجماعة يعنى مفتقدين اننا اه نفسى اطلع الاولى بس مافيهاش حاجة لما 10 او 20 يجيبوا نفس المجموع عادى ما انا كده او كده جبت المجموع العالى برده مافيهاش حاجة لو لاقيت سؤال حلو و اديته للناس التانية لا الراى التانى ما ينفعش لان ده كان زمان مش دلوقتى دلوقتى كله ياللا نفسى فانا كنت بقول انى بحب ادخل المنتدى جداااااااا لاننا كلنا بنحب بعض كلنا بنفيد بعض بجد فى روح اخوية جميلة بحسها اوى لما يبقى الامتحان قرب بس ندخل مخصوص عشان نجاوب لبعض ع الاسئلة و نساعد بعض و نطمن بعض و نطمئن ع بعض لما قلت كده اتفاجئت ان مدرستى و صاحبتى بيقولو لى ده لاننا مانعرفش بعض يعنى ده معناه اننا لو مع بعض فى مدرسة واحدة مش كنا هنساعد بعض ده معناه اننا لو كلنا فى منطقة واحدة ماكناش هنخاف ع بعض ده معناه ان فعلا الناس كلها او معظمها خلاص بتتعامل بمبدا نفسى ثم نفسى ثم نفسى ثم ماحدش قريب منى طب ليه يا جماعة ليه بندمر فى نفسية بعض ليه ما بنحبش بعض مش هنخسر حاجة لو كلنا جبنا100% انا مش شايفة انى هخسر حاجة لو ده حصل البنات كلها لما نيجى نتكلم على الترتيب _وانا الحمد لله الاولى ع المدرسة_ بيتصدمو لما اقولهم نصايح او لما اعملهم جدول و لما بقولهم طبيعى جدا ان الكل عايز يبقى الاول يتكلمو براحتهم _بس طيعا بيتقال من ورايا حاجات ما يعلم بيها الا ربنا_ فى ايه يا جماعة ليه بقينا كده حتى المنتدى اللى بجد بحس فيه بروح اخوية فوق الوصف و بحس انى فى بيتى التانى بقيت غالبا لما ادخل الاقى خناقة بين حد و الادارة او بين 2اعضاء صراحة انا مش عارفة اقول ايه يمكن كتير منكم هيقول ده مكانه الاجتماعيات بس انا حبيت اكتبه هنا عشان اعرف الاراء مش كمشكلة خاصة بيا و بس ياريت يا جماعة تجاوبونى هل فعلا مافيش امان لحد هتقولو مش كله هقول طب اديه لمين لما اديه لواحدة و احس انها خانتنى و لما اجى الوم عليها الاقيها بتعيط و تقولى انا مش بعرف اعبر عن حبى لحد بخاف اظلمها و الموقف كل شوية يتكرر......... معلش يا جماعة طولت عليكم بس بجد انا بقيت متضايقة جدا و مش عارفة اخرتها ايه هل فى امل نحب بعض تانى و لا خلاص |
مش عارفة اباة مع راى مدرستك وصحبتك والا يباة رايى غيرهم بس هما كلامهم فى كتير من الواقع ...كمان يعنى اية لما تيجى تلوميها تعيط استنى لما تهدى واعرفى منها اية اللى حصل واوعى تظلميها ولازم تتاكدى وبالنسبة للخناقات اللى فى المنتدى او فى الحياة اليومية دى بتباة حاجة طبيعية لان الدنيا عبارة عن خير وشر بس فى النهاية كلنا بنحب بعض ومتحطيش الموضوع دا فى دماغك اوى ولا تفكرى فية بالطريقة دى انا حسيت انك مصدومة فى الدنيا وفى الناس من موضوعك اللى فات كمان لو راى مدرستك كدة انتى كمان ليكى راى وانا كمان ليا راى مختلف ومش اى حد بيفكر بنفس الطريقة وهقولك الخلاصة لو حد بيحب حد هيباة بيخاف علية
|
طب انا لو مشيت ع كلامهم ما انا مش هعرف اتعامل مع حد
لانى ازاى اتعامل مع حد انا مش واثقة فيه انا عارفة ان ثقتى المفروض مش اديها لحد كاملة بس مش انا لو طبقت كلامهم هما عايزين مافيش ثقة انتى متخيلة انهم يقولو عشان مانعرفش بعض انا شايفة انه بالعكس لو نعرف بعض يمكن كنا قدرنا نساعد بعض اكتر من كده هو انا كده غلطانة فى نظرتى للناس |
بصي انا مفيش واحدة صاحبتها من قلبي الا وكانت هي مصحباني علشان مصلة وده للاسف يببان بعد ما اتعلق بيها (يعني من الاخر مفيش واحدة صاحبتها الا وخانتني)
يعني مثلا اخر واحدة كانت علي طول تتصل بيا تسألني علي حاجات وانا كنت عادي لان احنا (اصحاب) وكنت كل يوم اصحيها علشان دروسها ماتفتش عليها بس للاسف اول ما اعدنا من الدروس ماكنش فية حتي رنة علي الموبايل بعد التجارب الكتيرة الي انا مريت بيها اكتشفت ان الي _بيطنش_ كل الناس هما بيجروا وراه لكن الي يخلص بياخد بال....... انا معاكي في كل الي قلتيه الا اننا نغشش بعض في الامتحانات يعني اسمك(شموخ مسلمة) ونسيتي ان من غشنا فليس منا ارجوكي مش تزعلي مني انا بس حبيت انبهك :d |
اقتباس:
من سنه كان ليا صحبى يعنى كنا روح واحده ولحد الان والحمد لله محصلش بينا الموقف دا ولا هيحصل ان شاء الله بس كتير من اصحبنا نفش المشكلة شوف راح قال لدا كذا وكذا مع انهم حبايب هقولك حاولى تكونى غامضه وقليله الكلام وخلى كل حاجة فى نفسك ومش اى حاجة تتحكى وتتقال فى وفى وانتى يعنى اكيد بعدى لما عشرتى اصحابك فاهمه دماغ كل واحده المفروض انك تكونى بتقراى افكارها فى الاخر مش كل حاجة تتقال بس وربنا يوفقك |
اقتباس:
ليه بتقولى نغشش بعض هو انا قلت كده حبيبة قلبى انا لو هجيب صفر عمرى ما اغش وانا مش قلت كده |
معتقدش ان احنا لو قريبين مش هنفيد بعض
هى هى بس ممكن يكون قصدهم ان الغيره بين الطلاب هتكون اكتر بس احنا هنا بجد كله بيحب كله يعنى هنفيد بعض فى كل الاحوال واعتقد ان اللى بيفكر يفيدحد بيفيده ومش بيتراجع حتى لو قربنا هتكون غيره ولكن بحب |
السلام عليكم
متسمعيش كلام صاحبتك والمدرسه واى حد يقولك كدا يعنى ايه مفيش صداقه انا ابتديت اضايق لان الموضوع دا بدا يكترررر هو فى ايه بالظبط هو انا مش عايش فى الدنيا ما اانا ليا اصحاب كتير محدش عمل معايا كدا ليه اكيد فى حاجه غلط حاولوا تشوفوا اى تقصير من ناحيتكم وعالجوه دى اجمل حاجه فى الدنيا الصداقه وعلى فكره حلو اوى اللى انتى بتعمليه دا انك تساعدى اصحابك انا فى ثانوى مكناش بنتجمع كتير فى المذاكره عشان نقول لبعض حاجه بس الحمد لله لما رحت الكليه هتشوفوا حاجه تانيه خااااااااااااااااااااااااااالص والله احنا كلنا بنخاف على بعض واللى عنده حاجه بقولها ومبيخبيش مش عارف ليه يمكن الدماغ كبر شويه وبعدين كان الله فى عون العبد مادام العبد فى عون اخيه احنا معانا فى الكليه واحده بنت دكتور طالعه الاولى علينا من الطبيعى ان احنا نقول انها عشان بنت دكتور وكدا لا والله البنت دى انا لو عميد الكليه هخليها دكتوره من بكره تفتكرى ليه بص ياستى اولا ادب واخلاق واحترام فوق الوصف اللى يروح عايز منها اى حاجه بتجرى معاه وتفهمه كل حاجه ومش بتسيبه لحد لما يقولها خلاص عرفتى القسم كله بيحبها ليه عشان متعاونه معانا ومش بخيله علينا بحاجه اللى عايز اوصله ان انتى كدا تمااااااااام ومتسمعيش كلام حد وطالما ربنا موفقك فى دراستك حاولى تساعدى اصحابك يمكن طريقه لمساعده هى اللى مش بتعجبهم حاولى تغيرها ممكن هما يكونوا حاسين انك اعلى منهم بمعنى اوضح انك شايف نفسك عليهم حاولى تغيرى الفكره دى بحبك ليهم حتى لو مش بحبوكى على الاقل قوليلهم احنا قبل مانكون مع بعض فى منافسه احنا اصحاب ولازم نخاف على بعض دا عشان تكون منافسه شريفه كلها حب واخلاص وتحوى كل معانى الصداقه وارجع اقول بايدك كل حاجه بايك انك تجبرى صاحبتك انها تحبك لو حسستيها انك فعلا بتحبيها علش طولت شويه عشان انا بصراحه مش عارف اقول ايه فى الموضوع دا تانى سلاااااااااام |
اقتباس:
ياريت تفهمى قصدى |
متاسفة يا خالود لو ضايقتك بس يا جماعة انتو فهمتو الموضوع غلط انا ما اقصدش اتكلم ع البنت انا ده اللى جه فى بالى
وبعدين نا انا اتكلم ع المنتدى يا جماعة و الله انا بس يمكن حاسة بغربة عن الدنيا دى بس و الله ما اقصدش اضايق حد او ازعل حد Iam Sorry بجد و الله ما اقصد اضايق حد وياريت يا جماعة لو حد هيتضايق الموضوع يتحذف و الله مافيها حاجة |
انا مش اضايقت منك
انا اضايقت من اللى بيحصل على الحب اللى بيضيع على النفاق اللى موجود بين الاصحاب على الخداع والمصالح والله حرام اتقوا الله وحاولوا تحبوا بعض دا اجمل حاجه فى الدنيا اننا نحب بعض مفيش زعل لتانى مره بالعكس احنا لازم ناقش المشكله دى عشان متزدش اكتر من كدا جزاكى الله خيرررررا |
في حب و في صداقة و في كل حاجة بس المشكلة ان الحياة بقيت تلزم الواحد انوه يروح يدور علي المصلحة اولاا ثم الصحوبية """"
يعني انا مش هكدب عليكي ان باذبت يتعدوا علي الصوابع البئمنلهم علشان اعرفهم من 10 سنين و ليه اصحاب اعرفهم من زمان بس مبئمنلهمش علشان انا فهمتوا خلاص يعني انا ليه واحد صحبي و الله بحبوا بس ما بئمنلش غير علي المواضيع الهيفة بس انا دلوقتي صداقاتي الجديدة مبقتش أمن لحد غير ملقيه بيحاول يساعدني بحاجة يعني نتعرف علي بعد و كل حاجة و اجي اطلب منوا طلب :::: مبيبقاش حاجة صعبة بتبقي حاجة سهلة :::: بس هيبان فيها لو هو صاحب ولا لا لان الصاحب هو البيساعد صاحبه وبعدين انا في اسماعلية معظمهم بيقولوا يلا نفسي بس بجد في اصحاب جامدين جدااا :!!! و شكراا علي الموضوع |
اقتباس:
ثانيا ع فكرة احنا من نفس البلد |
انت اتكلمت فى موضوع نفسى اتكلم فيه من زمان اوى
على فكره انا كثير من صحابى خانو عهد الصداقه اللى كان بنا بس انا بكمل الطريق صحيح انا تعبت كثييييير بس انا الدلوقتى عندى صاحبه كثير كويسه وبتخاف عليا مثل لما بتخاف على نفسها صحيح الكويسين فى الدنيا مبقوش كثير بس موجودين الواحده لما بتكون عارفه دينهعا بتعامل الناس كويس بس تكون عرفاه صح مش عامله نفسها متدينه وهى مش كده على فكره انا برده فى ثانويه عامه بس بحب كل يوم اشوف ايه الجديد فى المنتدى الجميل ده وعلى فكره الحب مش موجود فى النت واللى بيعمل خير هنا هيعمله برده بره وانا مش موافقه على راى صديقتك وعلى فكه موضوعك حلو كثيييييير |
شموخ المسلمه
انت ليه حزينه للدرجه دى يعنى ليه انت فى الدنيا غريبه؟ حاولى تخرجى من اللى ات فيه ده انا جت عليا فتره وبقيت حاسه انى لوحدى فى الدنيا بس لما تلاقى صاحبه تحبك بجد وانت تحسى بكده هتحسى انك مبقتيش لوحدك فى الدنيا انت محتاجه حب صادق وباذن الله تلاقيه |
| جميع الأوقات بتوقيت GMT +2. الساعة الآن 06:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.