بوابة الثانوية العامة المصرية - هــــــــــام جــــــــدا للمعلم المساعد اللى داخل الاختبار القادم

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

هــــــــــام جــــــــدا للمعلم المساعد اللى داخل الاختبار القادم

السلام عليكم
[انا اخوكم / محمود معلم مساعد حاسب الى من قنا - ابوتشت النهاردة ياجماعة الاكاديمة بعتت فاكس للادارة عندنا وطالبين فيها من المعلمين المتقدمين لاختبارات الكادر فى شهر 1 مطلوب شهادة icdl على وجه السرعة زبيقولو كمان انو هيثبتونا من غير اختبار مباشرة هو ده اللى ورد فى الفاكس وحبيت ابلغكم لاحسن تروح عليكم الفرصة وماحدش يبلغكم واستفسرو انتو فى ادارتكم وربنا يوفق الجميع []

اللهم وفقنا جميعا يارب

ربنا يكرم حضرتك بس هل فيه تاريخ تعاقد معين للى يقدم ورقه واللى ماأخدش التدريب يعمل ايه؟؟

انا بقصد حضرتك المتعاقدين من تايخ 31/3/2010 الى تاريخ 31/3/2011 دول اللى طلبين منهم واكيد كل العقود المميزة اللى قبل التاريخ ده وربنا يوفقك الجميع انشاء الله

الله وفق جميع المسلمين

حضرتك لو فيه امتحان هيبقى اكيد فى شهر واحد اصلى ناوية اسافر للعمرة فى الاجازة وخايفة يروح الامتحان عليا الميعاد ده اكيد ولا لا؟؟

لا اصبرى طبعا ماتسافريش كل اللى قدم اكيد هايمتحن بس كل اللى عاوز اوصلو انا لكم انكم تتاكدو انو الفاكس بتاع طلب icdl جاء ادارتكم ولا لا وانا والله هسأل ولو فيه جد يد هبلغ حضراتكم

بارك الله فيك

ان شاء الله مافيش امتحان
واحتمال نتعين من غيره
ربنا يسهل

ياريت حد يتاكد من الخبر دة

يا جماعه انا كتبت موضوع اول امبارح وولاد الحلال مسحوه ماعرفشى ليه ، مع انى مغلطش فشئ ، والموضوع بيقول انه تم الغاء الاختبارات ، واستبدالها ببرنامج التطبيقات التربوية للمعلم المساعد ،

ونزلت صورة للنشرة اللى أرسلتها الأكاديمية فرع قنا لمديرية التربية والتعليم بقنا ، واللى بتأكد كلامى دة ، واللى فيها الأشياء الأخرى المطلوب تقديمها من المعلمين المساعدين المتعاقدين قبل تاريخ 31/3/2011 اللى لم يدخلوا الاختبار نهائيا ، واللى دخلوا وأخفقوا فى مادة أو أكثر ، وأنا هانزلكم صورة النشرة تانى ،

ملحوظة : كان فيه أخ فاضل كتبلى رقم مدير الأكاديمية فرع قنا واتصلت بيه للتأكد من هذا الكلام ، بالرغم من ذهابى للأكاديمية قبل الاتصال به ، وأكدوا لى أن هذا الكلام لا جدال فيه ، وأنه صحيح باذن الله .

وأعتقد فيه أخ من سوهاج نزل نشرة تانى فى موضوع آخر والنشرة أكدت المنشور بتاعى ، وهى تخص فرع سوهاج .

والسلام عليكم ورحمة الله وبركاته

فعلا ياخى الفاضل كلامك صحيح والوارد فى النشرة صحيح وحاليا علقو نشرة فى الاداراة على اساس الكلام ده وطالبيت icdl ?عشان يكتمل التعين ونتثبت انشاء الله بدون اختبار كادلر والف مبررررررررررررررررررررررررررررررررررررررررررك للجميع

الله يبارك فيك يا أخى العزيز

واضافة لكلامك السابق المطلوب بالتحديد :

1 - صورة طبق الأصل معتمدة ومختومه لشهادة icdl ، مع احضار الأصل للاطلاع عليه فقط ،

مع التأكيد على عدم تسليم الأصل لهم من ضمن الأوراق فى قسم الاحصاء ، لأن الشهادة الأصليه تبقى معك ولا يحق لهم أخذها ، ولكن يحق لهم الاطلاع عليها فقط للتأكد من صحتها وعدم تزويرها .

2 - بالنسبة لتدريب التطبيقات التربوية يجب على من حضر التدريب أن يحضر صورة طبق الأصل معتمدة ومختومة لاخلاء الطرف الذى سلم له من الأكاديمية بعد حضوره التدريب - ان لم يكن قد أخذ الشهادة - .

- ومن لم يحضر التدريب - تطبيقات تربوية - يجب عليه سرعة التوجه لقسم التدريب بادارة قنا لتسجيل اسمه ، أو لكى يعرف موقفه من التدريب ،

- معلومة أخرى علمت بها اليوم من الأكاديمية وهو انه هناك دورة أخرى مكملة لمن حضر التدريب مدتها 4 أيام ، متى ستؤخذ الله أعلم .

والله الموفق والمستعان .