|
ايه رأيكم
الأول : تلاعبنى شطرنج؟ الثانى : ماشى .. معاك الشطرنج؟ الأول : آه .. أهه الثانى : و ده مصنوع فين؟ الأول : فى مصر الثانى : لأ طبعاً ... مش هلعب .. هوه أنا إتجننت؟ الأول : ليه؟ الثانى : يابنى الشطرنج اللى معاك ده الوزير فيه مش بيتحرك من مكانه قبل 20 سنه الأول : خلاص نجيب واحد تانى الثانى : أنا معايا واحد .. بس فيه حاجه غريبه الأول : إيه الثانى : مكتوب عليه Made in China .. especially for Egypt االأول : إشمعنا؟ الثانى : حاطين فيه الوزير على كرسى بعجل الأول : ليه ؟ الثانى : لسببين : أولا: السن له حكمه ثانياً : علشان ميبعدش عن الكرسى حتى لو إتحرك من مكانه ... تعرف إنى سمعت أن أغلب المسئولين المصريين بيعتبروا الفيل أهم قطعه فى الشطرنج؟ الأول : لأ .. ليه؟ الثانى : علشان عمره ما بيمشى مستقيم الأول : على كده بقى بيلعبوا من غير طابيه الثانى : و عندهم الملك بيقتل أى حد و يمشى زى ما هو عايز و معندهمش حكايه الخطوه الواحده دى .. الملك خطوته قفزه للأمام الأول : هما برده عندهم الحاكم من النوعيه بتاعت : شلوت سعادته دفعه للأمام؟ الثانى :يابنى ده الطبيعى الأول : طب و العساكر الثانى : أصلاً مش موجودين الأول : ليه؟ الثانى : مشغولين بالشعب __________________ |
حلوة جدا. شكرا.
|
حلو على رأى الأستاذ / فسيولوجي
|
حلوة بجد شكرا ليك
|
شكرا ع المرور
|
رهيييييييييييييييييييبة
شكراااااا |
هههههههههههههههههههههه علي كده بقي في حاجه عايزه تتعدل في الشطرنج طبقا للمعطيات الجديده
ان الملك مش بيتحرك ومش هيتحرك ومهما يعملوا هو في مكانه مش هيسيبه اما حكاية القفزات اللي بيعملها فيكفي فقط الاشاره منه سيادته لاي من باقي القطع فيقوم هو بالمهمة المطلوبه شكرا اينشتاين |
حاجة كمان لازم نضيفها
ان مفروض يبقى فيه قطعة احتياطى ونسميها ابن الملك عشان الملك لو مات ابن الملك ينزل مكانه شكرا لكم جميعا ع المرور |
الفروض لما حد من الشعب يلاعب احد المسؤولين عن الدولة
يكون قطع اللاعب عادية وكلها عساكر وبس ويكون ممثل الدولة معه الملك .. اولاد الملك .. 5 وزير ... 5 طابية ... 5 فيل ... 5 حصان ... والباقى عساكر امن مركزى |
شكراً ليك يا أينشتاين على الموضوع الحلو...
|
حلوة جدا
|
نسيت حاجة يا استاذ بورسعيدى
زوجة الملك وحزب الملك |
فعلا عندك حق
انت كده معاية على الخط بس زوجه الملك لا تلعب الشطرنج زوجة الملك تشاهد افلام توم وجيرى مع الاطفال |
بجد أنتم رائعون كموضوع وتعليقات
|
يشرفنى مرورك يا استاذ عبد العظيم
|
| جميع الأوقات بتوقيت GMT +2. الساعة الآن 06:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.