لائحة الحضانات تدعم التحرش بالاطفال
 

هذا من لائحة تنظيم عمل الحضانات



انا عايزة بس اللي عمل القانون ده يقول ازاي مشرفة تراعي ل 6 رضع في وقت واحد


عايزة بس اللي عمل القانون ده ياخد 6 رضع في ايده و يراعيهم في نفس الوقت ، اللي بيصرخ و اللي جعان و اللي مفروض يغيرله هدومه



ربنا عز وجعل جعل فترة الحضانة للطفل سنتين غالبا الام مش حتحمل فيهم عشان تتفرغ لرعايته


يعني القانون الالهي ان مفيش حد يقدر يراعي اكتر من طفل في نفس الوقت بالكتير طفلين ، ده غير ربنا عز وجل زرع محبة الاطفال في كل القلوب ، يعني مش بس الام اللي بتراعي الطفل ده الخالة و العمة و الجارة و الاخوات




طبعا دي الارقام اللي مكتوبة في القانون ، اللي طبعا الحضانات مش بتلتزم بيه و ممكن نلاقي اضعاف هذا العدد مع عدد قليل من المشرفات



يا تري بيسكتوا الاطفال ازاي في الحضانة هو ده السؤال الخفي اللي محتاج الاجابة عنه


ممكن المشرفة و هي شايلة الطفل تضغط علي اعضائه التناسلية عشان يسكت ، في الحضانات بيشيلوا الاطفال بطريقة غريبة


طيب و المشرفة اللي مسئولة عن 10 اطفال اما يحب 5 من الاطفال دول انهم يقضوا حاجتهم في نفس الوقت ، للأسف بتاخدهم دورة المية و بيقضوا حاجتهم بشكل جماعي


و ده طبقا للقانون هي مش بتخالف القانون في حاجة ، فين الوقت اللي عندها عشان تودي طفل طفل لوحده



تفتكروا لو الواحد حب يجيب دادة و معلمة لأبنه في البيت يا تري حيدفع كام ، اكيد مش اقل من 2000 جنيه في الشهر


تفتكروا الحضانات اللي ب 100 جنيه و ب50 و ب 20 ايه الخدمة الللي بتقدمها للطفل ، اذا كان السعر الحقيقي اللي بيحدده السوق هو 2000 جنيه حد ادني

http://www.almesryoon.com/permalink/42355.html



مش عارفة هما بيضحكوا علي مين ، يعني ايه بناء جيل علي اسس علمية ، و قادر علي خدمة وطنه ، الطفل في الحضانة مش عايز غير حد يأكله و حد يغيرلوه هدومه ، الرضع دول حبينوا


مش مكتوب في اللائحة الجديدة دي ايه التغيير بالظبط ، بس حيكون ايه يعني اكيد تغيير طفيف


ما هي لو الوزيرة عايزة تعمل لائحة و تراعي ربنا فيها ، يبقي اللائحة دي حتلغي الحضانات اصلا ، عشان مفيش حد يقدر يراعي الطفل زي امه

فكرة الحضانات ليه في الاصل


ليه وزارة الشئون الاجتماعية تصرف علي الحضانات و تدعمها


هل دافع الضرائب ملزم انه ينفق علي طفل امه علي قيد الحياة مش عايزة تربي ابنها و تراعيه و تأكله و تشربه


بس هي دي سياسة الدولة العلمانية هو اخراج النساء من البيوت بأي طريقة ، اخرجي انت بس و احنا حنراعيلك ابنك ، مش مهم حنراعيه ازاي ، المهم يقعد نص اليوم في اي مكان لغاية ما ترجعي تستلميه
أ

الالعاب موجودة في الحضانات بس الاطفال مش بيلعبوا بيها ، دي بس موجودة عشان اللي بيجي يراقب الحضانات يتأكد انها موجودة


عشان الاطفال دي لو لعب بيها الاطفال حتتقطع و تتكسر ، و هما معاهم فلوس يصرفوا علي شرا العاب كل يوم


اما الالوان الزاهية دي بس عشان يضحوا بيها بس علي الامهات و يحسوا ان اطفالهم رايحين مكان جميل ، لكن الطفل مش فاهم الالوان الزاهية دي هو فاهم بس ليه امه سابته في المكان ده ليه حتمشي و تسيبه

ليه بقي بيعلموا الاطفال القراءة و الكتابة مبكر ا في الحضانة رغم ان ده سن مش مناسب و لا حي لحفظ الاناشيد و الطفل لسة مش بيعرف ينطق كويس


ده عشان بس يشغلوا الاطفال ، لأن لو سابوا الاطفال تلعب مش حيقدروا ياخدوا بالهم من الاصابات الناتجة للعب


عشان كدة المراجيح و لعب الاطفال دي بالكتير الطفل بيقعد في ربع ساعة في اليوم



يعني طفل الحضانة لازم يضرب و ياخد واجب و يقرا و يكتب

ده كلام الدكتور هبة قطب





الدكتورة لو هي ام فعلا و الامومة اهم من الدكتوراة ، كانت تأجل الدراسة بتاعتها عشان بنتها


هي اختارت افضل واحدة ، طيب هي عرفت منين ان هي افضل واحدة ، و بعدين دي لو خدت اجازة و لا بدلت شغلها مع واحدة زميلتها هي حتعرف منين


المهم ان هي كمان اخارت افضل واحدة ، يعني عارفة ان الباقيين مش كويسين ، و مع ذلك ساكتة و دخلت بنتها الحضانة دي و منصحتش الامهات اللي بيتعامل اطفالهم مع المشرفات الاخريات انهم يخرجوا ابنائهم من الحضانة

كل ده و اكيد مودية بنتها حضانة غالية ، فما بالنا بالحضانات الرخيصة مستوي الخدمة فيها ايه

من الاعاجيب اللي بنسمعها عشان ندافع عن الحضانات


نقول للطفل اللي عنده كام شهر و لا كام سنة نقول اتعلم تحمي نفسك ازاي


دي مش عارفة طرائف و كمان من واحدة مفترض انها دكتورة مش عارفة خدت شهادتها دي ازاي


الست الدكتورة مفروض تكون عارفة ان الحماية الوحيدة للطفل هي بصر امه ، انه ميغيبش عن بصر ابويه او اخواته او اهله دول الحماية الوحيدة للطفل


لكن الدكتورة لا تجرأ انه تقول ان بعد الطفل عن الام هم سبب التحرش


تقول ازاي و هي نفسها رمت بنتها في الحضانة

http://www.alarab.net/Article/446885



المهم طبعا ان طبعا كاتب المقال لا يجرؤ ان يقول ان الحل ان الامهات يقعدوا في بيوتهم يربوا ولادهم


لا الحل ان الام ترمي عبأ ابنها علي غيرها ، علي الجدة و الاقارب طيب و ايه الحل اما تكون الجدة و الاقارب نفسهم موظفات برضو


يبقي مفيش حل غير انه يروح الملجأ اللي بسميه الدولة حضانة

من نفس القانون برضو لو المشرفة دي حبت تاخد اجازة ، اكيد زميلتها بتمضيلها قائم بالعمل و تستلم هي ال 12 رضيع ولا ال 26 طفل مكان زميلتها