تعاقدات محافظة الغربية
 

برجاء كل من يعرف الجديد عن تعاقد المكافأة الشاملة بمحافظة الغربية ان يضع ما يعرفه فى هذا الموضوع وشكرا

كنت جبت الفاكس لأختى و هى تعمل بالمكافأة بالاجر منذ 11 / 2011
و الفاكس بيقول ان العقد يمد بنفس الواصفات و القيمة السنة دى و السنة اللى جاية كمان

و الوزير قال ان الموازنة الحالية ليس فيها بند ليهم و مشكلتهم قائمة حتى شهر 6

و قياسا بالاحوال الحالية للبلد يبقى قدامنا لغاية سنتين

سمعت ان العقد تم تغير المرتب من 125 الى 250جنيه

يا كريم

يسمع منك ربنا

فى كفر الشيخ وصلوا 350

الغربية
ربنا يسامحهم محدش بيعبر حد
اللى يخوف انن نفضل على كدا مكافاة شاملة
امتى ربنا يسهل لنا وناخد المميز
حيتنا متوقفة على العقد دا

هناك وقفه لمعلمى المكافاه الشامله يوم الخميس 17/1/2013 القادم يعنى بعد بكره
امام مبنى المحافظه يطنطا ......وذلك للضغط على المحافظ للتحويل الى عقد مميز ومن المتوقع
ان يضحك عليهم المحافظ ويفرحهم ب100 جنيه زياده
يعنى هيبقى المرتب بعد الزياده حوالى 230 جنيه
لذا يجب الصمود وكئره العدد لكى يصبحوا مميز باذن الله

مين اللى قال ان كفر الشيخ 350 كفر الشيخ زيكم بالضبط مفيش تغيير وكان ع رؤسهم الطير

المشكلة العدد صغير
ومش بيصمدوا للاخر
يعنى كل شوية واحد يمشى
لازم تكزن منظمة والاعداد تكون كبيرة
مش معقول 8000 معلم
يحضر بس منهم
20 و30
ننظمها الاول علشان نكون وسيلة ضغط