|
منقطعين إدارة بيلا
يا جماعة في حد من المعلمين المنقطعين إدارة بيلا الناس اللي عملت عقود في شهر 7-2012 ياريت يا جماعة حد يرد علينا من إدارة بيلا ويقولنا هم بيعملوا إيه دلوقتي كشف طبي ولا إيه |
ايوة بيعملو كشف طبى وفى ناس عملت وخلصت عشان يبقى ليكم بطاقة صحية
هاتى استمارة الكشف الطبى وخلصيها من الادارة واتصلى بالخط الساخن هتلاقى رقمه ف الاستمارة والاستمارة بتيجى من مستشفى العبور ف كفر الشيخ وبتخلص من الادارة وبعدين تتصلى تحجزى معاد للكشف وبعد متروحى وتكشفى بتودى الاستمارة الادارة تانى ع فكرة انا مش منقطعين بس عارفة حوار الكشف دة |
معنى كده هتتحولوا مميز ولا ايه؟؟؟؟؟؟
|
اقتباس:
اقتباس:
السلام عليكم و رحمة الله و بركاته المعلمين المنتقطعين بادارة بيلا بيعملوا بطاقة صحية منذ فترة و حتى الان و الخطوات كالتالى سحب استمارة من مستشفى العبور ثمنها 13 جنية و الذهاب الى الاستاذ مجدى السكرى بادارة بيلا لملئ الاستمارة و تدبيس صورة شخصية عليها ثم ارسالك الى الاستاذ فتحى الصاوى لختم الاستمارة و يجب ان يوجد معاك صورة العقد لكى يختمها الاستاذ فتحى و يكتب عليها صورة طبق الاصل و بعد ذلك يجب الاتصال بالخط الساخن بالارقام الموجودة اسفل الاستمارة لتحديد الكشف الطبى لو كنت ادراى او أخصائى هتدفع 40 جنية لو معلم هتدفع 80 جنية و الكشف بيبدأ حوالى الساعة 2 ظهرا و مراحل الكشف ثلاثة تحليل بول و كشف باطنة و كشف نظر و خلال تقريبا اقل من ساعة بتكون مخلص كل شئ و بيختموا على الاستمارة لائق ثم تذهب مرة اخرى الى الادارة الى الاستاذ مجدى السكرى هيقولك صور الاستمارة و تخلى الاصل معاك و تذهب بالصورة الى الاستاذ فتحى الصاوى ليختم الاستمارة صورة طبق الاصل الخطوة الاخيرة هتاخد صورة الاستمارة و صورة العقد ( المختومين من قبل الاستاذ فتحى الصاوى صورة طبق الاصل) و صورة البطاقة الشخصية و صورة شخصية و تذهب الى الاستاذ صلاح مكتبه فوق مكتب الاستاذ مجدى السكرى وتعطيه 10 جنية و هو بعد حوالى اسبوعين هيسلمك بطاقة التأمين الصحى ملحوظة اصل الاستمارة تخليها معاك لحين التثبيت ان شاء الله لانها اعتقد انها من ضمن الاوراق المطلوبة عند التثبيت ان شاء الله و بخصوص التثبيت لا اعرف موعد التثبيت لكن فى ناس فى الادارة بيقولوا فى 7 /2014 و الله اعلم |
اقتباس:
لا دا مش مميز التعاقد تعاقد عادى مكافأة شاملة و المفروض يتم التثبيت عند مرور 27 شهر من تاريخ التعاقد لكن يوجد فى العقد تقريبا نفس مميزات المعلمين الاساسين من حيث الاجازات ( عارضة - مرضى - وضع - حج ) |
طب والمرتب مش هيتظبط وقانون الـــ 6 شهور من تاريخ التعاقد ده مات خلاص لا حول ولا قوة الا بالله حسبي الله ونعم الوكيل |
اقتباس:
للاسف مفيش اى بوادر للتثبيت الان لان عقدنا بند تقريبا 3/10 و البند دا يقتضى مرور 27 شهر للتثبيت و كل ما تكلم حد فى الادارة يقولك بعد 27 شهر يعنى على 7 / 2014 ان شاء الله و المرتب الان كما هو 423 جنية المفروض الناس دى و ايضا المحافظ يعرفوا ان المعلمين المنقطعين كانوا يعملون بالتربية و التعليم من سنين و لم ينقطعوا عن التدريس بارادتهم و لكن لظلم بعض مديرى الادارات و موجهى المواد لرفضهم استمرارنا فى العمل و جعل تلك الوظائف لاهلهم و معارفهم و ايضا لمن يدفع رشاوى |
عموما اعتقد و الله اعلم ان احنا اللى علينا الدور فى التثبيت لان العقود اللى قبلنا تم تثبيها فى 7 /2012 الماضى و ربنا يسهل يارب و يتم تثبينا احنا كمان |
والله العظيم ده ظلم والمفروض ما نسكت علي كده |
طبعا ظلم كبير حسبى الله و نعم الوكيل فيهم جميع المسؤلين لازم يعرفوا ان المعلمين المنقطعين كانوا يعملوا بالتربية و التعليم سنين طويلة و لم ينقطعوا بارادتهم و لكن نتيجه لجشع بعض مديرى الادارات و بعض الموجهين و من حقنا بعد عودتنا للعمل ان يتم تثبيتنا فورا |
| جميع الأوقات بتوقيت GMT +2. الساعة الآن 07:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.