ساعدونى محتاجة المشورة بجد........
 

[IMG]http://www6.0zz0.com/2013/01/12/17/246239981.gif[/IMG]
سؤالى موجه للى هم خلصوا اولى علوم او اللى عندهم رأى مفيد...أنا تقريبا شبه قررت انى احول من الكلية لأنى بصراحة حاسة انى زهقت و كل اللى عليا انى احفظ المناهج و كمان انا مش حابة المواد اللى بندرسها زى الكيمياء و النبات و الحيوان و الرياضة (عشان هى رياضة 2 فانا مش فاهماها خالص) ......عارفة ان ممكن تقولولى عدى بس من سنة اولى و بعدين اتخصصى .....بس المشكلة انى مش حابة اى تخصص من التخصصات لان أغلبها بيعتمد على الكيمياء.......المشكلة انى لو حولت ان شاء الله ححول لكلية اقل من علوم وهو ده اللى مخلينى مش عارفة اخد قرار نهائى...........انا اولى علوم اسكندرية بيولوجى
عارفة انى طولت عليكم بس معلش عشان عايزة رأيكم بجد
[IMG]http://www6.0zz0.com/2013/01/12/17/929104846.gif[/IMG]

كليه علوم مش عايزه حفظ نهائي
حاولي تفهمى المنهج وربنا معاكى باذن الله

شكراا على الرد....المشكلة ان انا مش بحب المواد اللى بندرسها فمش عايزة ابذل فيها مجهود ويضيع بمجرد ما اخلص الامتحانات ..يعنى نفسى احس ان انا اكتسبت معلومات تفيدنى.......وبعدين انا اصلا مش بحب الكيمياء و لا الميكروبيولوجى ولا الكيمياء الحيوية او بمعنى اصح مش بحب المواد اللى بتعتمد على الميكروسكوب...عشان كده حاسة انى مش ماشية فى الكلية:bosyht9:

وانا برده زيك اول مرة احس اني فاشلة اوي كدة:(:(:(
محتارة بجد ومش عارفة ااعمل ايه كفاية اني حاسة اني هشيل معظم المواد

ده انتى كده حلو ده انا حشيل كل المواد من غير مبالغة عشان انا اصلا مكنتش بذاكر عشان مش حابة المواد.........يا ريت يا جماعة كل اللى عنده معلومات يفيدنا عشان محتاسيييييييييييييييين

طيب أقولك أنا
أنا برده أولى علوم بيولوجى ( كيمياء وحيوان ) وغالبا بدرس زيك فى أولى ونفس شعورى بس تاكدى ان ده بس لاننا اول سنه أنصحك ماتحوليش صدقينى علوم كويسه ومافيهاش حفظ ومع الوقت هتحبى المواد
وعلى فكره احنا ممكن نساعد بعض كتير بحيث نشجع بعض ونغير فعلا من كتير بس قولى يارب

والله ما عارفة اقولك ايه حقيقي ربنا يستر

يا جماعة مفيش حاجة اسمها اقل او اعلي

اللي انتي حاباه ادرسيه

لكن لو مش حابة المواد وهتدرسيها مش هتفهمي فيها اي حاجة

الكلية مش عايزة حفظ خاااالص

بصي انتي لو مثلا مستصعبة المواد .. عادي كلنا مرينا بالموقف دا

لكن لو كارهاها خالص ومفيش امل ... هتضري نفسك من غير فايدة

انا عارفة ان اولي صعبة من نواحي كتير

بس التخصص بيسهل كتير عليكي

شوفي عندك قسم مفيهوش كيميا واتخصصي فيه بس حكاية الميكرو وكل حاجة دي .... انتي دخلتي الكلية دي ليه اساسا هههههههههههه

ادخلي جيولوجي ... مفيهوش ميكروسكوب اهوو :p
و ربنا يوفقك ياارب

المشكلة ان الاقسام اللى مافيهاش كيمياء بتبقى فى الغالب عايزة حفظ........عموما شكرا على الرد