|
خاتم التتبع ما رأيك فيه ؟
خاتم يبحث عن المتزوجين لمعرفة مكان الشريك الآخر ! فى خطوة مشابهة لتقنية تتبع السيارات قامت شركة ابل الشهيرة بعرض خاتم يمكنه تتبع مستخدمه عبر الاقمار الصناعية . الخاتم الجديد أُطلق عليه اسم i Ring وهو مزوّد بتكنولوجيا البلوتوث وشاشة صغيرة تعمل باللمس ويمكنه التحكم في أجهزة مثل Apple i pod وApple i phone. ويتوافر هذا الخاتم بلونين هما الأبيض والأسود. ويتيح هذا الخاتم أو المحبس للمتزوجين تتبّع الشريك الآخر في أي زمان ومكان ومعرفة موقعه بدقة عن طريق تحديد موقع الخاتم الذي يعمل مثل نظام الـ GPS لتحديد المواقع. ويقوم الخاتم بعرض موقعه عبر شبكات الاتصال بالإنترنت من خلال موقع خاص يتم من خلاله تسجيل الخاتم من خلال رقمه التسلسلي. ويستخدم الخاتم بكامل امكانياته من خلال عن طريق كلمة مرور خاصة به والتى يتم من خلالها الدخول الى قاعدة البيانات الخاصة بالخاتم لمعرفة موقعه. ويتم عرض موقع الخاتم على خريطة مفصلة كما يمكن أيضاً رصده إذا كان متحركاً . عزيزى الزوج عزيزتى الزوجه ما رأيكم فى هذا الخاتم هل هتقبل تلبسه أو تلبيسيه ؟ وهل التطور التكنولوجى على قدر عطائه يأخذ منا؟ منتظرة أرائكم |
http://uploads.sedty.com/imagehostin...1326471037.gif أكيد كل اختراع له ميزه و عيب الميزه اننا نعرف مكان الشخص سواء لو كان ولد أو بنت في المدارس و الجامعات و العمل و نطمن عليه بكل وقت و نقدر نحدد مكانه و خاصه اليومين دول و المشاكل اللي فيهم العيب انه يكون مسيطر و مقيد لحركة الشخص و يحس انه مراقب طول الوقت ودا ممل و مجهد |
اقتباس:
حزاك الله خيرا أستاذ مصطفى مع حضرتك حق انه الشخص اللى معاه الخاتم حاسس انه مراقب فهذا الأحساس يدفعه أنه يخلع الخاتم ويتركه مثلا فى عمله ويذهب كيف يشاء هو مفيد فقط للاطفال الى ممكن تتهو لكن الكبار مفتكرشى أن حد ممكن يقبل به |
موضوع جميل وجديد فكرة المراقبة فى حد ذاتها بين الزوجين مش ظريفة خالص هو ممكن يكون حل لبعض المشاكل لكن حيكون كارثة لناس تااااااانى :p وأكيد لها حل برضه http://www.thanwya.com/vb/life/icons/icon3.gif حيروحوا فين من شعبنا العبقرى |
اقتباس:
جزاك الله خيرا اخى كلام حضرتك صحيح |
الخاتم ده لو استخدم فى مصر يبقى بالتاكيد نسبة ال*** هتزيد:cool: وخصوصا *** النساء والمحامين هيشتغلوا:d شكررا على الموضوع |
اقتباس:
الحقيقة ان مش عارفه الكلمه مكان النجوم ايه واكيد مش كويسه ما دام نجوم لكن ممكن نقول ان المشاكل تيجى لو ان اللى لابس الخاتم مش عارف ان فيه خاصية تتبع لكن لو عرف ممكن يتصرف مش هيبقى فيه مشكله وللاسف كل اختراع له سلبياته وايجابياته |
الكلمة هى ق ت ل |
اظن تسبب مشاكل اكثر من الفوائد
|
اقتباس:
فعلا ممكن تعمل مشاكل و اطرف التانى لا يعلم |
لاستخدامه بين الزوجين ما اعتقدش الموضوع يستاهل دا وهيبقى عدم ثقة
لكن ممكن استخدامها فى الشرطة او العمليات اللى تستحق دا حاجات اهم من كدا وشكرا على المعلومة فعلا |
اقتباس:
جزاكى الله خيرا للمرور |
من المفروض أن كل إنسان سواء كان رجلاً أو امرأة ،شاباً أو فتاةً يرتدى هذا الخاتم العاصم من السوء والإقتراب من ملعب الشيطان،ولهذا فديننا الحنيف يحصننا بأختام طاهرةٍ،واقيةٍ عفيفةٍ ألا وهى (الصدق *الأمانة*والصلة بالله* والبعد عن المحرمات*والتقوى*والصلاة*والصوم*والسعى فى الخير وووووووووو)ألا تروا أن ديننا به كل خواتم الخير والسلامة؟؟؟؟؟
|
والله انا رائيى انة ممكن للاطفال بس ويكونوا صغيرين يعنى لحد 11 او 12 سنة بالكتير علشان انا شايفة ان الواحد المفروض يعرف انة مراقب من ربنا مش من الناس بعدين لو لبسة فالكل هيبقى خايف ومتوتر وشاكك فى الى حولية الانسان يراعى ربنا ويبقى عارف انة مراقب منة مش من الناس شكرا على الموضوع
|
صدقت والله استاذ أبو نرمين
وصدق رسول الله صلى الله عليه وسلم حين قال تركت فيكم ما ان تمسكتم به لن تضلوا بعدي كتاب الله وسنتي جزاكم الله خيرا للمرور |
| جميع الأوقات بتوقيت GMT +2. الساعة الآن 08:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.