بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   منتدى معلمي التربية والتعليم (https://www.thanwya.com/vb/forumdisplay.php?f=737)
-   -   ده نص الفاكس اللى وصل المدرسه النهارده رجاء ياستاذ شريف توضيح (https://www.thanwya.com/vb/showthread.php?t=493400)

معلمه من المنقطعين 14-01-2013 07:58 PM

ده نص الفاكس اللى وصل المدرسه النهارده رجاء ياستاذ شريف توضيح
 
[السيد مدير المدرسه بناء على فاكس المديريه فقد تقرر عقد دوره تدريبيه تطبيقات تربويه لمدة 5ايام ابتداء من3\2\2013 ويرجى ترشيح المعلم المساعد الذى لم يسبق تدريبه من قبل لحضور الدوره التدريبيه بمقر مدرسةاحمد زويل الساعه 9ويرجى عدم التخلف منعا للمسائله القانونيه ] ده نص الفاكس اللى وصل المدرسه النهارده رجاء ياستاذ شريف توضيح بعض النقاط ارجو الاستفسار من حضرتك عليها:- 1-احنا المنقطعين لينا فى الفاكس ده لاننا فى كشف المرتبات بيتكتب لنا المعلمين بالعقد وليس بالاجر ولالا 2-هل ده التدريب بديل اختبار الكادر يعنى اذا اخدناه نتنقل من معلم بالعقد الى معلم على الدرجه الثالثه ونقدر ناخد اجازه طويله انا اسفه للاطاله ولكن احنا بنحاول نفهم واخيرا ايه مميزات التدريب ده وايه الضررلو ماخدناهوش وشكرا لك استاذ شريف

شريف حسن . 14-01-2013 08:10 PM

حضرتك ده تدريب لكل معلم مساعد لم يدخل التدريب ملوش دعوة عقد ولا اجر هو يقصد المعلم المساعد

والتدريب ده بدلا من الاختبار لان الاختبار خلاص اتلغى

وبعد التدريب ان شاء الله هيصدر قرار تعيين على درجة معلم لكن على دفعات

وبعدين الاجازات دلوقتى متاحة للمعلم المساعد بعد التعديلات الاخيرة للكادر

تم ضم المعلم المساعد لقانون الكادر 155 واصبح من حقه جميع الاجازات مثل المعلم

المهم اللى هيتدرب لازم يحصل على الدبلومة التربوية او يكون مؤهله تربوى حتى يتم ترقيته لمعلم

mona_kids 14-01-2013 08:17 PM

رجاء توضيح انت ادارة ايه وفين مدرسة احمد زويل

معلمه من المنقطعين 14-01-2013 08:21 PM

معلش يااستاذ شريف لما سالت فى الاداره قالولى لما تكملى 27 شهر متواصل تاخدى مميز وتمتحنى الكادر وبعدها تنزلك الدرجه وتاخدى الاجازه بعد كده دلوقتى الكلا م ده اتغير بعد الفاكس ده مظبوط ولاايه وبعدين حضرتك بتقول التعيين على دفعات هيكون ازاى وبناء على اساس ايه واناخريجة تربيه ومعايا دبلومه تربوى كمان معلش يااستاذ شريف استحملنى لانى مش بافهم حاجه فى الحاجات الاداريه يعنى بالتقريب كده يصدر لنا قرار التعيين امتى بعد التدريب ده

معلمه من المنقطعين 14-01-2013 08:22 PM

ادارة دسوق محافظة كفر الشيخ

شريف حسن . 14-01-2013 08:27 PM

اقتباس:

المشاركة الأصلية كتبت بواسطة معلمه من المنقطعين (المشاركة 5068054)
معلش يااستاذ شريف لما سالت فى الاداره قالولى لما تكملى 27 شهر متواصل تاخدى مميز وتمتحنى الكادر وبعدها تنزلك الدرجه وتاخدى الاجازه بعد كده دلوقتى الكلا م ده اتغير بعد الفاكس ده مظبوط ولاايه وبعدين حضرتك بتقول التعيين على دفعات هيكون ازاى وبناء على اساس ايه واناخريجة تربيه ومعايا دبلومه تربوى كمان معلش يااستاذ شريف استحملنى لانى مش بافهم حاجه فى الحاجات الاداريه يعنى بالتقريب كده يصدر لنا قرار التعيين امتى بعد التدريب ده

ما انا بقول لحضرتك

المعلم المساعد هو اللى هيدخل التدريبات وليه الاجازات اللى قولتلك عليها

وبعدين مفيش امتحانات كادر تانى خلاص اتلغت

وقرار التعيين هما بس اللى عارفين متى يصدر

الأولوية الأولى للمتعاقدين وعلى رأس عملهم حتى 30/3/2011

ثم للمتعاقدين وعلى رأس عملهم حتى 30/6/2011 من ثم تأتى المراحل تباعاً.

معلمه من المنقطعين 14-01-2013 08:35 PM

انا شاكره لحضرتك واسفه اذا طولت على حضرتك وربنا ييسر لنا كلنا ويهيئ لنا الخير دايما

شريف حسن . 14-01-2013 08:40 PM

اقتباس:

المشاركة الأصلية كتبت بواسطة معلمه من المنقطعين (المشاركة 5068098)
انا شاكره لحضرتك واسفه اذا طولت على حضرتك وربنا ييسر لنا كلنا ويهيئ لنا الخير دايما

الشكر لله

لا شكر على واجب

بالتوفيق لحضرتك وللجميع ان شاء الله

balaha2090 15-01-2013 01:02 AM

ذهبت صديقتى للاكاديمية اليوم وكلمت ا/ شعبان مندوب الاكاديمية لادارة شمال وانه قد بعثوا فاكس لادارة شمال من 20 يوم يطلب منهم احضار صور شهادة icdl واخلاء الطرف الخاص بالتدريب على التطبيقات التربوية
وعرفت ايضا انه يمكن احتساب تدريب المنهج لرياض الاطفال للى خدوه فى رمضان للتثبيت بدون دخول تدريب التطبيقات التربوية وطبعا ادارة شمال كنت فيها امبارح ولا فى دماغهم ومسئول التدريب مصر ان الفاكس يخص التدريب ل 2011 برضه نعمل ايه حيضيع التدريب على كل العقود 2010
وزميلتى فى ادارة الوراق ابلغتنى اليوم ان اسماء 2010 وباقى من لم يدخل التدريب من 2011 و 2012 تم اعلان اسماؤهم والتدريب فى نصف السنة بعد الامتحانات انا حتى اذا قالوا يتحسب تدريب رمضان لنا نحن رياض الاطفال قرر اغلبيتنا الدخول برضه فى تدريب التطبيقات التربوية تانى لان اللى فى ادارة شمال على ما يفهموا الفاكس نكون طلعنا معاش
هوا المقصود هنا خاص بمين بالضبط بالمعلم المساعد ام المعلم المتعاقد ام المعلم المعين حديثا بعد ممتحن الكادر ام خاص بمين بالضبط

balaha2090 15-01-2013 01:04 AM

وتسليم شهادة icdl خاص بالمعلم المساعد ولا لمين بالضبط
هيا شهادة icdl مش دي شهادة لا يصدر تعيين الا بالحصول عليها ام يمكن الحصول عليها بعد التعيين

mona_kids 15-01-2013 12:47 PM

للمعلم المساعد تعاقد2010 اللى حيدخلوا الكادر حاليا

شيماء عبدالله* 15-01-2013 09:14 PM

طب معلش يا جماعة انا عندى استفسار اللى مش نزلهم تدريب زى المسرح كدة هايحصل معاهم اية انا اصلا تربية جغرافيا لكن اتعينت اخصائى مسرح فى القليوبية على قرار 515 من شهر 7 /2011
بالنسبة لينا هايحصل اية

balaha2090 15-01-2013 10:37 PM

حضرتك اتعينتي ع القرار ده ولا اثبتي

balaha2090 15-01-2013 10:39 PM

يعني امتحنتي الكادر ولا لا

عبدالرحمن رجب عبدالفتاح حسن 16-01-2013 12:56 AM

خالص التقدير للأستاذ شريف
 
جزاكم الله خيراً


جميع الأوقات بتوقيت GMT +2. الساعة الآن 07:17 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.