|
الغربه علمتنى (((متجدد )))
بسم الله الرحمن الرحيم والصلاة والسلاام على خير المرسلين اما بعد الموضوع دا هو المشاركه رقم 1000 ليا فالمنتدى فحبيت ان اشارك بموضوع جديد المهم الموضوع عباره عن (الغربه علمتنى ) طبعاً مش كل الناس اتغربت وبعدت عن اهلها فليحمدو ربهم دا لو الكلاام عن الغربه العاديه مع ان فى انواع كثيره للغربه والاحساس بها منها غربه الاهل (متغرب ومسافر وبعيد عن اهلك) وغربة العقل او النفس (غريب عن نفسك ) وغربة المكان (غريب فى بيتك وبلدك ) وغربة عن الله والعياذ بالله (البعد عن الله ) وانا عن نفسى جربتهم كلهم وفيهم اللى مأثره فيا لحد دلوقتى واللى قدرت ارجع منها لبر الامان المهم هنتكلم النهارده عن غربة الاهل والبعد عنهم النوع الاول ودى بالنسبه للى بيعانى من غربة المكان عاديه لانو كده كده مش واخد بالو ولا بيحس بحد ولكن للانسان اللى عمرو ما جرب البعد عن اهلو وبلدو بتبقى صعبه جداً جداً جداً (اول اسبوع او اول شهر ) لحد ما يتعود بس التجربه دى بتبقى مهمه جداً مع انها صعبه لكن الواحد بتعلم منها كتيييييير وكل يوم بيبقى فحال وفمواقف عمرو ماتحط فيها وخلاصه الموضوع بقى هى الحاجات اللى اتعلمها الواحد من التجربه الصعبه دى نكمل بعدين (كالعاده الموضوع متجدد لحد ما يتقبض علينها ههههههههههههه) اللى عايز يقول اللى اتعلمو عادى جداً او يحب يضيف اى حاجه فليتفضل سيادته مشكورا |
فكرة ممتاااااااااازة جداااااااااا بس انا مش هينفع اشارك في الموضوع لاني الحمدلله عمري ما بعدت عن اهلي او حسيت بالغربة في اي مكان.. وربنا يكون في عون اللي حس بالاحساس ده قبل كده والتوبيك في غاية الروووووعة جزاكم الله خيرا |
موضوع فكرته كويسه
وان شاء الله هشارك يعني ميهونش علينا ينقبض عليك لوحدك :d |
اقتباس:
ميرسى جداً على مرورك ومفيش مشكله على عدم المشاركه ربنا يحفظك لاهلك ويخليكو لبعض وبارك الله فيكى على مرورك |
اقتباس:
بارك الله فيك على مرورك ومنتظرين مشاركاتك وابداعاتك معانا |
انا كنت مسافر فبلد فشمال سينا اسمها بئر العبد وخلصت الترم الاول هناك هنبتدى مع بعض باول الدروس اللى الواحد اتعلمها وهوا (عدم الثقه ) واللى مكنتش ماشى بيه لحد ما اتقرصت منو لسذاجتى ولان الواحد كان ماشى على نياتو بس دا كان زمان المهم بعد كده بقيت ماشى بمقولة ( لا تثق بشخص لا تعرفه حتى تعرفه ولا تثق بشخص تعرفه حتى تجربه ) وعدت الايام وكل يوم الواحد كان بشوف وبيتعامل مع ناس عمرو متخيل انو هيعاملهم .... يتبع |
قكرة رائعة
|
تم تثبيت الموضوع ليتم المشاركه فيه باستمرار من جميع الاعضاء بالتوفيق |
اقتباس:
|
اقتباس:
منتظرين باقى الدوس |
اسف جداً على تاخرى فالمشاركات
وشكراً للاشراف على تثبيت الموضوع وشكرا للاعضاء الكرام على مرورهم هعوض ان شاء الله التاخير دا |
تاانى اهم درس اتعلمتو (لسانك حصانك فاحسن ترويضه )
وطبعاً لانك غريب محدش يعرف عنك اى حاجه فاول انطباع حد هيخدو عنك هيبقى من لسانك واسلوبك الحوارى فممكن كلمه واحده تخلى الناس تحبك وكلمه تانيه تخليهم يخدو فكره غلط عنك والحمد لله لان الواحد لسانه حلو فقدر يتعامل مع كل الناس وكل واحد بطريقتو فالموضوع عايز دماغ شغاله ولسان حلو واسلوب راقى فالمعامله هتكسب قلوب الناس بدون نقاش ...يتبع |
و3 درس بقى (متخسرش حد )
لان الغربه بتحوج الانسان للى يسوى واللى ميسواش فحاول بقدر الامكان انك تكسب اكبر قدر من الناس ( الطيبين والوحشين فكلو بينفع ونصيحه خليك مع الطيبين احسن لانهم بيساعدو عالخير طبعاً ) وتدور على مصلحتك (بس مش على حساب مصلحة الغير ) ومتعملش اى حاجه مفيش من وراها منفعه ليك او لغيرك ...يتبع |
4 درس ( تعلم اختيار الاصدقاء )
طبعاً الاصدقاء شئ اساسى فالغربه واثارهم بتبان اكتر على العكس لما تكون مع اهلك بيقدرو يحكمو على اصحابك ويدوك نصايح ويبينو عيوبهم لكن لوحدك بيبقى الاعتماد كلو على شخصية الواحد بعد ربنا طبعاً فعن نفسى شفت ناس كتيره كانت شخصيتهم ضعيفه فانجرو فطريق السجاير والمخدرات وناس العكس ربنا هداها وانا عن نفسى بقيت زى مانا متغيرتش كتير وشفت صحاب كتير واتعاملت مع ناس كتير وبقيت اعرف افرق بين الصاحب والزميل (مكنتش بفرق فالاول ) واعرف كل واحد حدوده او حدودى معاه وفى صحاب كتيره كانت ندله (بس انا مبخسرش حد ومبحبش انتقم ) فتعاملى معاه بيبقى بحذر بعد كده ولو حصل ايه مبحبش اطلب منو اى حاجه حتى لو محاضره وفى صحاب جدعه وقفو معايا وقفة رجاله فمواقف كتيره وانا وقفت معاهم بزياده ....يتبع |
مواقف ودروس رائعة
جزاك الله خيرا |
| جميع الأوقات بتوقيت GMT +2. الساعة الآن 07:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.