اللي عايز يرتاح من امتحان التفاضل وحساب المثلثات يخش هنا
 

كل واحد جاي يحدف كلمه في المنتدى ويمشي :D

انا بقى خير اللهم اجعله خير دخلت الامتحان ببص للورقه رحت اعدت اضحك هههههههههههههههههه زي البنت الهبله اللي في فيلم اللمبي المراقب بيقولي مالك قولتله اصلي الامتحان سهل اوي ومن سهولته مش عارف احل ايه ولا ايه هههههههههههههههههههههههههههههههه

بقولكوا ايه انتوا هتوجعوا دماغكم ليه

انا خارج والكل بيعيط وانا بضحك اصل لو عيطت مش هيغير حاجه واللي اغمى عليه ايه يا جدعان احنا كنا بنحارب

انا ارتحت لما افتكرت قوله تعالى {الذين اذا اصابتهم مصيبه قالوا انا لله وانا اليه راجعون }

وكمان قولت ايه يعني لو نقصت درجات نقصت هواء وماء

طبعا في ناس زي الاستاذ الكريم هيقولي انت واحد بايع مستقبلك

وانا هرد على حضرتك واقولك مش قصه بايع ولكن قل لن يصيبنا الا ما كتبه الله لنا

وكمان قال رسول صلى الله عليه وسلم قائدنا ومعلمنا وسيدنا وسيد الخلق اجمعين { لو اجتمعت الامه على ان يضروك بشيء لن يضروك الا وقد كتبه الله عليك ولو اجتمعت الامه على ان ينفعوك بشيء لن ينفعوك بشيء الا وقد كتبه الله لك }

دي وجهة نظري

والاختلاف للرأي لا يفسد للود قضيه

وتحياتي

بئر الدموع ..,,,,

صوره المراقب كان زي القمر


http://www.abunawaf.com/filesplus/20...XKOiSeBjKJ.jpg

عين العقل والله

شكرا يا بابشا ونفض تعيش تاكل اراقيش

فعلا صح ولازم نركز عالجاي

بقولك ايه نفضي للامتحان بقى وسيبيها على الله انا دماغي وجعتني من الامتحان ده

على العموم شكرا على مرورك

والله كلامك صح يا صحبى وربنا يستر على اصحاب لفى علمى رياضه وربنا معهم ومعانا

والله انت شكلك نجم وبرنس والوحيد اللي فاهمني

:D

انسوووووووووووووووا

روحوا ذاكروا الانجليزي

ولو حد عايز اى مساعده ف الانجليزي يبعتلى رساله او يكتب هنا

ونكلم ع الياهوو

يلا سلام يا شباب

شكرا لكل من مر على الموضوع وبجد انسوا لان اللي فات مات

تحياتي

الحمد لله قل لن يصيبنا الا ما كتب الله لنا

انا غير ان الامتحان كان عجيب .ومش عارفه احل حاجه طبعا. المراقب كان نايم والمدرسه التانيه لو كان حد عايز يغش كان شكلها طيبه .
بس مييييييييييييين بقى الى عارف حاجه عشان يقولها لحد وحتى الى عارف اكيد عارف غلط . انا نزلت من الامتحان لاقيت واحده بتقول لصاحبتها خلاص مش مهم المهم الى جاى وهى عاماله تعيط

انا اللجنه بتاعتي كانت اشطه بس للاسف مكاني مش اشطه خالص المراقب قاعد جمبي وياريت كده بس ده مكاني جمب الباب في النص يعني ولا عارفه اغش ولا عارفه اركز في ام الامتحان ونسيت قوانين ضعف الزاوية والراجل اللي قاعد جمبي مبلم في الورقه بتاعتي يعني درجه منيله ان شاء الله .