بوابة الثانوية العامة المصرية - مجرد كلاااااااااااام

انت لما تكون واحد كل اللي شفناه منك هتش وكلام بدون فعل !
تخوين المعارضين ! استعلاء في تعاملك مع أي حد !
خيانة للوعود ! قيادة متخبطة مش عارفة بتعمل ايه اساساً ! مشروع مش موجود !
نسب كل شيء للإسلام ( حتي الصكوك ) ! نظرية مؤامرة خايبة انتوا نفسكم عارفين إنها كدب !

متستناش مني اني اقف جمبك وأساعدك

كل شجرة تزرعوها فالبلد تهللوا عليها، ماهو لو الحسبة كدا يبقي كل الكباري والطرق والمباني وغيرها انجازات مبارك !

بدل ما تاخدوا اللي بيحصل فالبلد بالدعارة الإعلامية دي وتوصفوا معارضيكم اللي ملوا الميدان بالفلول والمسيحيين وكارهي الإسلام فكروا في سياستكم الفاشلة شوية !

هو انتوا ايه معندكوش جين إسمه مراجعة النفس خالص ! كفاياكم إستعلاء علي خلق الله ! دولة العدل تقوم ولو كانت كافرة ودولة الظلم تنهار ولو كانت مؤمنة !

دلوقتي بتعرفوا تحشدوا عشان تفوزوا فالإنتخابات

يا مسلمين يا حفظة القرآن، فكروا فحساب ربنا شوية فالدين اللي بتستخدموه كل يوم لترويج مشاريع فاشلة ! في اصوات الناس ! في تشويه صورة معارضيكم ! في الناس اللي بتت*** وممكن تحافظوا علي حياتهم بجرة قلم علي ورقة لولا انانيتكم وعدم سماعكم إلا لصوت أنفسكم.

لو البلد دي ماشية لورا فدا مش عشان فيها معارضين عاوزين يسقطوكم ! لأنهم لو كانوا بالقوة دي كانوا سقطوا نظام مبارك وخدوا السلطة من زمان ! ولو كانوا فلول كانوا حموا النظام بتاعهم من السقوط ! البلد دي ماشية لورا عشان أنانيتكم وصوت نفسكم اللي مبتسمعوش غيره :)