استفسار عن الالتحاق بوظيفة مدرس بالازهر
 

السلام عليكم ورحمة الله وبركاته
انا خريج كلية الاداب قسم لغة انجليزيه بتقدير جيد
وعايز التحق كمعلم للغة بالازهر الشريف
ممكن لو تكرمتم تعرفونى التقديم بيبقى مفتوح امتى وازاى التحق بالعمل فالازهر لو تكرمتم اخوانى الكرام؟
وشكرا

التقديم لما بينزل بينزل في جريده الازهر وحاليا بياخدوا ابناء الازهر

ممكن حضرتك تسأل عن بعض المسئولين عن المعاهد المنضمة
وتدفع له مبلغا من المال
ليتم تعيينك سريعا مع العمالة المنضمة لهذه المعاهد
لأن تقدير حضرتك جيد فقط ومن الصعب جدا أن تعمل من خلال المسابقات العادية

اذهب الى المنطقة الازهرية فى محافظتك واسال عن اى مسابقات او تعاقدات حالية واذا لم تجد اسال عن نظام العمل بالحصة لانك ممكن تتعاقد بعد كدة او حتى تتثبت على طول، وتابع فى نفس الوقت جريدة صوت الازهر الاسبوعية كل يوم جمعة (بجنيه واحد) وتابع على مواقع الازهر وهنا ايضا وربنا هيوفقك ان شاء الله المهم ان تثق بالله

اسمح لى استاذ عوض

اخى الفاضل
نصيحة لوجه الله من اخيك له نفس ظروفك وتم تعينى بالازهر الشريف لا تقع فى نفس الخطا لو انتظرت قليلا لتاخذ فرصتك فى التربية والتعليم لهو افضل لك فنحن نشعر بالاضطهاد فى الازهر وخاصة المواد الثقافيه اولا من السادة القائمين على الازهر فانت ليس لك الحق ان تكون رئيس لجنه ولا شيخ معهد ويقولون عنا اننا نصارى الازهر ومادتك مهمله يوم الامتحان تقوم على غير
رغبتك بتغشيش الطلاب والا تصبح من المغضوب عليهم بالاضافة الى نظرة الناس الى مدرسين الازهر حتى ولو كنت اكفا من ناس كتير فى التربيه والتعليم . يمكن كلامى مايعجبش ناس كتير لكنها الحقيقه

بالراحة بس يا عم محمد الله يكرمك
انا معاهد منضمة واحب اقولك ان اللى انا دفعته انا وغيرى اتبنى بيه للمعهد دور تانى مش موضوع رشوة ومش رشوة وبعدين احنا امتحنا اكتر من 3 مرات ومن ضمنهم امتحننى مستشار فى اللغة الانجليزية وعصرنى والحمدلله نجحت ف ال 3 مرات

كنت اتمنى من الله انى اشتغل كمدرس لأنى خريج من سنه وعندى كورسات معتمده من شركات دوليه وحكوميه فاللغة الانجليزية وعلشان احافظ على مستوايا كمان.
انما الخيرة فيما اختاره الله:)

شكراً يا جماعه على مشاركتكم ليا
وبــــــــــــــــــــــــــــــارك الله فيكم اجمعين