|
أوائل خريجين 2011 بوزارة التربية و التعليم
السلام عليكم و رحمة الله وبركاته
المعلمون الفضلاء ، المعلمات الفضليات تحية طيبة و بعد ،،،، أنا أحد اوائل خريجي الجامعات المعينين في التربية و التعليم بوظيفة أخصائي تدريس ثالث - تربية رياضية استلمت وظيفتي في شهر 12 الماضي - الحمد لله رب العالمين - على الدرجة الثالثة . المشكلة فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ المشكلة أنه لا يوجد أحد يرد علينا رد شافي كافي في الإدارة التعليمية أو المديرية !!!! اسئلتي هي : 1- ما معنى أخصائي تدريس ثالث ؟ 2- هل نحن بدرجة معلم أم معلم مساعد ؟ 3- ما هي مستحقاتنا المالية ؟ 4- ما موقفنا من امتحانات الكادر ؟ 5- كيف تكون ترقياتنا ؟ الرجاء أحد يفيدنا في هذا الموضوع لاننا محتارين جدا و جزاكم الله خيرا |
لا أحد يرد علينا رد شافي كافي في الإدارة التعليمية أو المديرية !!!!
:لان محدش عارف حاجة لان انت تعيين اوائل الخريجين لكن نظام الكادر لا يبد ا ب التعيين بل يبدا ب معلم مساعد / اخصائي ع الدرجة الثالثة لمدة 2 سنة ثم بعد اجتياز امتحان الاكاديمية ( تدريب ) الان تثبت وترقي الي معلم |
السلام عليكم اخى
الفرق بينك وبين المعلم المساعد انك معين على درجة مالية اما المعلم المساعد ليس له درجة اخصائى تدريس تالت يساوى لقب مدرس قبل نظام الكادر اخى لازم تقعد سنتين على الاقل حتى يتثنى لك دخول الامتحان او التدريب مثل المدرسين القدامى الذين لم يسبق لهم دخول الامتحان واعتقد انك تقبض قبض ادارى انت افضل بكثييييير من المعلم المساعد وغير مطلوب منك تربوى ولا شهادة icdl |
انا تعيين اوائل خريجين دفعة 2006 واتعينت فى شهر 2 2012
احنا جبنا ورقة من التنظيم والادارة تفيد اننا معلم مساعد بس مش عارفة ارفعها على الموقع المهم احنا رحنا ادارتنا وقولنالهم كدة وفعللا بنتعامل كمعلم مساعد والمفروض ان الامتحانات اتلغت فى دورة تدريبية لمدة اسبوع هى ده بدل الامتحان واول ما ناخدها هنتحول الى معلم اما ال50 % بتعت مرسى مش لينا فيها لاانها نازلة لكل ما هو يصرف بدل اعتماد (الكادر) الى امتحن فعلا وبيصرف الكادر واحنا اتظلمنا قوى ويارتنى قبلت الجامعة ورحت احسن التربية والتعليم |
اقراى اللى انا كتبته وافهميه كويس يا استاذة اسماء ولازم يمر على تعينك سنتين علشان تدخلى الكادر او بديله وشكرا
|
انت تعيين اوائل خريجين دفعة 2006 واتعينت فى شهر 2 2012
لو انت كنتي اتعينت في اي جهة اخري مثل الجامعة او المحافظة كنت استلمت العمل تعيين لكن في التربية والتعليم او الا زهر فا انت حاليا معلم مساعد ع الدرجة الثالثة والتثبيت والتعيين ان شاء اللة بعد عامين دراسيين من استلام العمل وحضور دورة تدربية بنجاح بدل عن امتحان الكادر |
من الاخر
جميع ما سبق صحيح 1) توجد درجة مالية تسمي اخصائي تدريس ثالث ولا يوجد درجة للعلم المساعد ( اسأل مسئول الاحصاء بتاع ادارتك) وده علي موقع الاكاديميةومسئول الاحصاء بس هو اللي بيدخل علي الموقع روح وقول له سجللي بياناتي وهتتاكد اننا اعلي من المعلم المساعد 2) احنا مش معلم مساعد ( اسأل مسئول الاحصاء بتاع ادارتك) 3) ناس تقول لينا كادر وناس تقول ملناش ( بعض الادارات وحتي التنظيم والادارة وحتي الوزارة متعرفش لاننا تعيين استثنائي الادارات مختلفة عن بعضها لن مجلهاش اي حاجة عنا سوى قرار التعيين اللي جبته من المديرية ) 4) 50% ملناش فيها (الا اذا كنت متعاقد قبل ما تتعيين بس متقولو ش لحد هههههه) |
ده ورقة من التنظيم والادارة تفيد ان احنا معلم مساعد
|
اقتباس:
ثانيا انا ما وافقتش اروح الجامعة وفضلت تربية وتعليم عشان مدرسة جنب البيت يعن الواصلات ثالثا فى فرق بين التعيين والتثبيت احنا تعيين وطالع قرار بكده ولية رقم لكن التثبيت على الدرجة والوظيفة (معلم او معلم مساعد ) الدورة التدريبية لاجتياز الكادر ده لسة انا عارفة لما يبعتولنا تدريب |
معذرة مش عارفة ارفع الورقة بس هحاول اكتبها طبعا عليها اختام وامضاءات وشعارات وكلام كتير انا هاكتب النص فقط
(كتاب دورى) رقم (4) لسنة (2012) بشان كيفية معاملة اوائل الخريجين على وظيفة اخصائى تعليم او اخصائى تدريس حيث تم تعيين اوائل الخريجين من خريجى كليات التربية وغيرها على وظائف دائمة (وظيفة اخصائى تعليم ووظيفة اخصائى تدريس)وهى ليست من الوظائف المحددة بقرار وزير التربية والتعليم رقم 195 فى 20-8-2009 والتى تخضع لااحكام القانون 155 لسنة 2007 بتعديل بعض احكام قانون التعليم الصادر بالقانون 139 لسنة 1981 وكذلك القانون رقم 156 لسنة 2007 تعديل بعض احكام القانون رقم 103 لسنة 1961 بشان اعادة تنظيم الازهر والهيئات التى يشملها . وان الوظائف المرشحين عليها ولئن كانت ليست من وظائف التعليم . الا انه اعمالا لمبدا المساواة يمكن اعتبار وظيفة اخصائى تعليم ووظيفة اخصائى تدريس مناظرة لوظيفة معلم مساعد من ناحية دخول امتحان الكادر للسير فى اجراءات تعيينهم على وظائف الكادر مساواة لهم بزملائهم الاوائل المعينين على درجات دائمة . وهذا يحق لهذه الطائفة الاستقرار الوظيفى ومساواتهم بزملائهم خريجى باقى الكليات . برجاء التنبيه على الجهات التابعة لسيادتكم بما تقدم وتفضلوا بقبول وافر تحياتى وخالص تقديرى رئيس الجهاز المركزى للتنظيم والادارة دكتور صفوت النحاس طبعا ده كان بتاريخ 3/7/2012 |
جزاكم الله خيرا جميعا على الاهتمام أنا لما سجلت اسمي على موقع الأكاديمية كنت شايف أن من ضمن الوظائف المدرجة على الكمبيوتر وظيفة أخصائي تدريس ثالث كما ذكر أخونا الفاضل mrmim . و بالنسبة الورقة التي أحضرتها الأخت الفاضلة أسماء هل لها فائدة أو لازمة في التربية و التعليم و لماذا هذه الورقة تفيد إننا معلم مساعد مع إني لما سألت في قسم الإحصاء في الإدارة قالولي أننا لسنا معلمين مساعدين و أن مميزاتنا أفضل من معلم مساعد لأننا لنا درجة . و الله المستعان ،،،،، |
للأسف معظم الناس فاهمة غلط المعلم المساعد واوائل الخريجيين بيتعاملوا نفس المعاملة المالية ولكن المسمى نفسه يختلف بمعنى ان دا اسمه اوائل خريجين ودا اسمه معلم مساعد
الفكرة فى ايه بقى ركزوا معايا لو سمحتوا ان اوائل الخريجين بياخدوا 4 ج زيادة ع الاساسى كل عام مالى ف شهر 7 لأن درجتهم التالتة المشكلة بقى ان المعلم المساعد مش بياخد ال 4 جنيه دى ليه بقى لان الناس فاكرة ان المعلم المساعد تعاقد عادى زيه زى الحصة والمكافأة الشاملة والتعاقد العادى ومش بيدوهم ال 4 جنيه ع الاساسى ودا اللى مخلى ناس كتير تطال بضم الخدمة كمعلم مساعد ازاى بقى نعرف ان المعلم المساعد ع الدرجة التالتة بص بقى لو سمحت معايا هات قانون الكادر رقم 155 لسنة 2007 وهات القرار رقم 93 لسنة 2012 شوف كدا هتلاقى فى جدول مرافق فى اخر كل قرار هتلاقى اخر حاجة المعلم المساعد على الدرجة المالية الثالثة هتيجى تقولى كاتبها كدا بصفة اعتبارية هقولك لا لو مالوش كان حط شرطة زى ما حاطط فى بدل الاعتماد تاخدوا بقى دليل تانى اقوى بص فى خانة المعلم هتلاقيه كاتب برضه الدرجة المالية التالتة بس كاتب بين قوسين اقدمية سنتين يعنى انت ع الدرجة التالتة كمعلم وليك اقدمية سنتين كمان اللى اخدتهم على المعلم المساعد .اتمنى المعلومة تكون وصلت لو فى اى استفسار 01066863500 |
دي صورة فاكس بالتقديمhttps://fbcdn-sphotos-c-a.akamaihd.n...84976671_n.jpg للكادر لأوائل الخريجين المعينين بتاريخ 22-1-2012
والصفحة دي يا جماعة لأوائل الخريجين بالتربية والتعليم https://www.facebook.com/groups/342195239137979/ |
طيب يجماعة بالنسبه لأوائل الخريجين الذين لم يمتحنوا الكادر هل يأخذون حافز أداء ام لا
|
اوائل الخريجين الذين يعملون مدرسين = معلم مساعد ولا يأخذون بدل اعتماد
لان قانون 155 وهو قانون الكادر واضح جدا فى هذه النقطة واى مدرس سيتم تعيينه جديد لابد ان يمر بمراحل الكادر وهى تبدا بمعلم مساعد على الدرجة الثالثة لمدة سنتين ثم معلم وهكذا .... |
| جميع الأوقات بتوقيت GMT +2. الساعة الآن 12:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.