|
حد يرد عليا ابوس رجلكم
انا بقى روحت اول امبارح اخطب واحدة تبقى بنت بنت خالى بعد ضغط من اهلى وكل دة وانا رافض وعمرى ما شفتها قبل كدةلحد ماقلت اصلى استخارة وقولتلهم روحو شوفوها وان كان خير هيمشى مش خير يبقى مافيش نصيب. ماصدقو وراحو خطبوها وبالنسبة ليا رايح اول مرة علشان اشوف دة مفهومى وكانو قايلينلى عجبتك ما عجبتكش حط فلوس فى الصينية وبعد مااختى قعدت تغمزلى كتير حطيت المبلغ سمعت بقى فاتحة وزغاريط وكل دة خايف اكسر بخاطرهم ولما روحت لقيت نفسى مخنوق ومتضايق ومش عاوز اكمل وقفلت بابى على وقلت اراجع نفسى يمكن لكن صحيت الصبح لقتنى بقوللهم انا مش هاكمل
المهم اضطرونى وقالولى كمل دا يبقى غدر..رديت وقولت من اولها احسن مانمشى شهر ولا شهرين ونيجى على اى حاجة ونفركشها انتو شايفين اية انة يبقى غدر وهل فى الجواز خواطر ارجو الرد السريع وشكرا |
شكرا استاذ احمد
بس انا مش مسجل هناك فياريت لو تطرح حضرتك الموضوع وترد علينا اذا امكن شكرا مرة ثانية |
حبيبي ده احساس طبيعي
كله بيخاف من التدبيس لكن متخافش واتكل على الله دور على محاسنها هاتلاقيها كتيييييييير واكتر من اى حد تاني كمان واللى تعرفه احسن من اللى ماتعرفوش انا قبلك عملت اللى انت عملته بالضبط والان وبعد 13 سنة زواج انا اسعد زوج في الدنيا |
اخى الحبيب كل شئ فى الدنيا من الممكن تصحيحة الا الزواج فلة احكام اخرى ولة وضع اخر تماما ... فراجع نفسك اخى الحبيب قبل ان يتم عقد الزواج وشرعت الخطوبة اساسا لزياة المعرفة والتفاهم بين الزوجين وصلى الاستخارة ثانية عسى الله ان يهديك الى ما فية الخير والرشاد اما عن سؤالك اهو غدر ام لا ... الخطوبة هى وعد بالزواج ولكن مع مرور الوقت فبيتم التحديد هل يتم الزواج ام العدول عنة وشرعا لا يوجد بها شئ ان شاء الله .. |
بالفعل هذه حياتك إلم تكن مقتنعا سعيدا ووجدت كل أمانيك فلا تتسرع فى الإرتباط بها ،والآن الظروف بسيطة،فلا عيش دون رضا وقناعة،فأستخر ربك ثم قرر
|
لازم تجلس معها في حدود الشرع علشان تقتنع بها اكثر
|
بارك الله فيك
وبالثوفيق الدائم |
مفيش حاجه اسمها خواطر فى الزواج و جعلت الخطوبه للتعارف فى حضور اهلها و اكثر من زياراتك و اتكلم و اطرح اى موضوع و اسمع وجهه نظرها و طريقه تفكيرها و اهم حاجه انك تحس انكم متفقين فى اغلب الامور و ميولكم واحده
والا ستعيش معها الغربه تحت سقف واحدو مش حرام لو محصلش توافق او اتفاق فسخ خطوبهافضل من طلاق و تشتيت اولاد و نفقهو مشاكل |
اعمل اللى شايفه انت صح
|
| جميع الأوقات بتوقيت GMT +2. الساعة الآن 06:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.