|
مشروع النهضة يا مشروع
مشروع النهضة يا مشروع
وليه تنتخب شخص طالما ممكن تنتخب مشروع يامسمع يا مسموع يا مشبعنا بعد جوع هو ده اللى هايوقف مصر على رجليها من النهاردة مفيش ركوع قولوا فيه قصايد وأنكتب فيه كتب قولوا مشروع حياة وقولوا طوق نجاة وقولوا فيه الخير لكل البشر وقولوا دا مشروع فكرى وفى ناس قالت أن فكرى أنتحر ورجعوا وقولوا هو الملاذ وهو الامل وقولوا دا مشروع وطن وقولوا هايحتاج كمان كام مليون فرصة عمل وهو ده اللى المشروع اللى هاينقل البلد أفرح وأرقص يا ولد وقولوا كمان أشتغل عليه مهندسين وخبراء وأقتصاديين وعلماء فى الطبيعية وعلماء فى الفلك وقولوا فيه كلام كلام عجب وفى الاخر طلع المشروع قلة أدب المشروع الوحيد اللى محتاج مشروع أفرح وأرقص يا جدع انا بحب الاخوان وبحب الرئيس المنتخب وراضى بالقضاء والقدر بس كل أما أشوف حالى أتحسر أصل أنا حالى من حال الوطن وعايش الحياة مستنى الكفن ولو سألونى نفسك فى أية أقولهم نفسى أشوف مشروع النهضة ولو حتى من بعيد نفسى ياناس المح طيفه نفسى أخده بالحضن وأبوسه وأقوله أتأخرت ليه وحشتنى يا أبن الاية الشاعر عبد الحميد بدوى |
انا هنقلها واحطها علي صفحتي ع الفيس بوك وهنقلها باسمك للامانه
|
راااااائعة مستر عبدالحميد ...دمت مبدعااااا......تحياتى
|
بس واضح إن شعر حضرتك هو اللى فيه نهضة بصراحة
|
شكرا للأستاذ / عبدالحميد بدوي
وعلي فكره .. أن من فضلك .. إقتبستها ووضعتها في قسم .. أراء ومناقشات هادفة لأخذ الرأي عليها .... وبإسم حضرتك طبعا |
مشكور وشكرا
|
اشكركم تحياتى للجميع
|
مشروع النهضة يا مشروع
مشروع النهضة يا مشروع وليه تنتخب شخص طالما ممكن تنتخب مشروع يامسمع يا مسموع يا مشبعنا بعد جوع هو ده اللى هايوقف مصر على رجليها وهايسدد اللى عليها من النهاردة مفيش ركوع قولوا فيه قصايد وأنكتب فيه كتب قولوا مشروع حياة وقولوا طوق نجاة وقولوا فيه الخير لكل البشر وقولوا كل حاجة فى مصر هاتغنى حتى الشجر و هو اللى هايخلى مصر أقوى من الزمن وقولوا هو الملاذ وهو الامل وقولوا دا مشروع وطن وقولوا هايحتاج كمان كام مليون فرصة عمل وهو ده اللى المشروع اللى بجد هاينقل البلد أفرح وأرقص يا ولد وقولوا كمان أشتغل عليه مهندسين وخبراء وأقتصاديين وعلماء فى الطبيعية وعلماء فى الفلك وقولوا فيه كلام كلام عجب وفى الاخر طلع المشروع قلة أدب المشروع الوحيد اللى محتاج مشروع أفرحوا وغنوا يا بشر واللى يقولك أصله طلع مشروع فكرى وفى ناس كتير بتقول أن فكرى أنتحر وللاسف كل وكالات الانباء مش قادرة تتأكد من صحة الخبر انا بحب الاخوان وبحب الرئيس المنتخب وراضى دايما بالقضاء وراضى بالقدر بس كل أما أشوف حالى أتحسر أصل أنا حالى من حال الوطن وعايش الحياة مستنى الكفن ولو سألونى نفسك فى أية أقولهم نفسى أشوف مشروع النهضة ولو حتى من بعيد نفسى ياناس المح طيفه نفسى أخده فى حضنى وأبوسه وأقوله أتأخرت ليه وحشتنى يا أبن الاية مصر قدامك شوف هاتعمل فيها أية لو تعرف أحنا بنحبوك قديه كنت أتخلقت من العدم أفرح وأرقص يا جدع نفسى أشوف كل حاجة فى مصر لابسة جديد فى جديد وما يبقاش فيه أسياد وعبيد والمواطن هو الحلم والامل الوحيد نفسى أشوف البسمة فى عيونك نفسى أشوف ضحكتك ورقة قلبك وجنونك بدل حزنك وجرحك وهمك وغمك شكلك الكئيب ليه يا وطن حتى عن نفسك بقيت غريب الشاعر عبد الحميد بدوى |
شكرا على القصيدة |
|
روعة هذا الموضوع
|
ممممممممممممممشكورين هى المعلمة ندى موقوفة لية ؟
|
| جميع الأوقات بتوقيت GMT +2. الساعة الآن 02:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.