فاكس تطبيق الحد الأقصى للدخول وربطه بالأدنى30\5 وعقوبة المخالف غرامة من 25% إلى100%
 

أصدر الدكتور المرسي حجازي وزير المالية منشورا بآلية تطبيق المرسوم بقانون رقم 242 لسنة 2011 بشأن الحد الأقصى للدخول وربطه بالحد الأدنى ألزم فيه كل عامل- من العاملين المخاطبين بأحكام المنشور- زاد دخله عن الحد الأقصى للدخل بواقع 35 مثل الحد الأدنى أن يقدم إقرارا بذلك في ميعاد أقصاه 30 مايو المقبل إلي جهة عمله.

وكان مجلس الوزراء قد وافق في وقت لاحق علي صيغة المنشور.

ويُعاقب كل من يمتنع عن تقديم الإقرار في الميعاد المحدد أو عدم رد المبالغ بغرامة لا تقل عن 25% ولا تجاوز 100% مما حصل عليه من دخول بالزيادة عن الحد الأقصى مع إلزامه بسداد تلك الغرامة ورد ما تقاضاه من مبالغ تجاوز الحد الأقصى إلي الجهة الإدارية التي يتبعها.

ووجهت وزارة المالية نظر المسئولين الماليين بكافة وحدات الجهاز الإداري للدولة ووحدات الإدارة المحلية والهيئات العامة والأجهزة المختلفة والمديرين الماليين بالمحافظات والمراقبين الماليين بالوزارات والهيئات والأجهزة المختلفة ومديري عموم الحسابات ووكلاء الحسابات ضرورة اتخاذ اللازم من إجراءات بكل حزم نحو مساءلة كل من يخالف او يتقاعس عن تنفيذ ما جاء بهذا المنشور.

مصدر الخبر هنــــــــــاااااااااااااااااا

هجايس يا ريس شريف هجايس عشان الانتخابات ماهم قالو كده قبل الدستور
صلى ع النبى

فغلا الراجل قال الكلام ده على المحور وشكله شخصية محترمة

المهم التطبيق وليس القرارات ولا المنشورات

ومين الي هيحدد الحد الادني وهيطبق ازاي بالمؤهل ولا برده علي حسب كل مؤسسة

يا جماعة افهموا المنشور كويس وانتم هتعرفوا انه لن يؤدى لزيادة الحد
الادنى للاجور ل1200 جنيه وانما هو لوضع حد اقصى للاجور فى كل
وزارة على حدة بحيث لا يزيد عن 35 ضعف للحد الادنى لمرتب الدرجة
الثالثة التخصصية بنفس الجهة او الوزارة ،يعنى المرتبات فى الازهر
ستظل كما هى ،
ولاحول ولا قوة الا بالله
واقترح على اخوانى المدرسين النشطين منهم وليس الكسولين
المتضررين من صغر المرتب رفع دعوى على الحكومة فى المحكمة
الدستورية العليا (بعد التأكد أولاً من انها المحكمة المختصة برفع
هذه الدعوى لديها) لعدم تطبيقها الفقرة الموجودة فى الدستور المصرى والتى تنص على ان (تكفل الدولة للعاملين بالقطاع
الحكومى والقطاع العام حد أدنى للأجور بما يكفل لهم حياة كريمة) وأعتقد ان مرتب مدرس الازهر الشريف المعين على الدرجة الثالثة التخصصية(ولاسيما حديثى التعيين ) عندما يكون 645 جنيه
فى الشهر(كما هو الحال عندنا فى سوهاج ، فان هذا المرتب
لا يحقق حياة كريم للمدرس وبهذا فان على الحكومة
رفع الحد الادنى للاجور لكى تكون حقاً مطبقة للدستور المصرى
وياريت نلاقى حد يطاب لنا بحقوقنا كما تفعل النقابات المحترمة مع اعضائها

هههههههههههههههههههههههه
شر البلية ما يضحك
دا فيه ناس مازالت على الدرجة السادسة
ودول يا ترى هيعملوا فيهم زي ما عمل عاطف ونظيف؟؟؟؟
(حل مشاكل محدود الدخل بالقضاء على محدود الدخل نفسه)
دا فيه ناس معدومي الدخل مش بس مدودي الدخل !!!!
والناس اللي بالحصة اللي لما تكرم عليهم الازهر اداهم مبلغ ضخم جدا زقم مذهل (240 )جنيه
بالذمة دا اسمه كلام؟؟؟
والدرجة التالته دي يا ترى على قانون سنة كام؟؟؟؟
برضه على مربوط درجة 48 جنيه اللي معينينا عليه؟؟؟
يعني على كدا اللي فوق فوق واللي تحت تحت زي ما هو
ومفيش جديد
كل وزاره على مربوط الدرجة و35 ضعف
يعني الازهر ازهر والبترول بترول
يا عالم ارحمونا من العالم الرايقه دي
الله يرحم سعد زغلول قالها زمان ( مفيش فايدة)
مازال النفاق السياسي والضحك على الدقون
وفلسفة هدايا الانتخابات وبعدها فوت علينا الدورة الجاية
ولا الانتخابا ت الجايه لحسن نعك في نصوص دستوريه ولا حاجة ( ونروح في داهية بقا )
منعرفش سيد قشطا من سيد بيه قشطة
يا عالم باختصار
اللي يحط قوانين يخليها قوانين عملية
ببنود ثابتة
مش فلسفة وكل مؤسسة بمزاجها دا له حق ودا ملوش
حد ادنى ثابت بزيادة تدرجية محددة
وتناسب بين الاسعار والاجور
مش فرقعات اعلاميه كل شوية وناس ما صدقت قعدت قدام مايك اذاعة ولا كاميرا تلفزيون ولا قناة فوضوية

ربنا يستر وميخصموش من ال600 جنيه اللى بناخدهم اصلى كنت حاسس انى باخد اكتر من الحد الاقصى

الحل يانعيش عيشة فل يا نموت احنا الكل
* عادل امام*

كلام في الفاضي ودعاية انتخابية