|
افيدونى يا اهل الخبرة
فى البداية ( حسبى الله ونعم والوكيل ) يريت اللى يعرف حل لمشكلتى يفيدنى الاسم / احمد عبدالله معلم مساعد حاسب آلى اعدادى تعاقد 11/3/2010 ومؤهلى بكالوريوس تجارة شعبة ادارة اعمال والحمد لله انى تعاقد حاسب الى طلبو منى دبلومة اخدت دبلومة تربوية قسم حاسب الى وقالو icdl اتلغت ماخدتهاش قالو كمل 3 سنين كملت 3 سنين قالو اسمك نزل لأختبار الكادر قولت تمام اهى فورجت وبعد ما جهزت الاوراق المطلوبة وسلمتها جانى تدريب معلم مساعد بالرغم انى اخدت التدريب ده من سنتين وقالولى ان التدريب ده هيلغى اختبار الكادر اللى انا قدمت ورقى ليه من شوية!!! قولت مش مشكلة ده كده تمام قوى واخدت التدريب واستنيت معاد التعيين وجه المعاد ويا ريته......؟؟؟!!! اولا: قالولى لازم icdl بس هنأجلهالك 6 شهور. (بسيطة) ثانيا: انت بكالوريوس تجارة متنفعش تدرس حاسب الى ( امال اعمل ايه؟؟؟) ثالثا: لازم تغير مسمى وظيفى لمواد تجارية وتروح التعليم الفنى. (نعم؟؟؟!!! ) رابعا: تدريب المعلم المساعد اللى انت اخدة ده للمرحلة الاعدادية يعنى تبله وتشرب ميته لازم يجيلك على التعليم الفنى اللى هو هيبقى مكانك الاصلى. (يعنى انسى) انا بصراحة رافض من الاول انى ادرس مواد تجارية لأن بالعربى كده انا منفعش ادرس حاجه مفهمش فيها والحاسب الالى ده مجالى من زمان والحمد لله انا تمام فيه بشهاده الموجهين وادارة المدرسة وكل الزملاء والطلبة. ايه الحل يا اصحاب الخبرة و آآآآآآآسف للاطالة |
التدريب اللى حضرتك اخدته قبل كده فعلا لايخص اللأكاديمية وده كان منحة أما التدريبات الحالية هى التدريبات الفعلية المعتمدة من الأكاديمية وبها ان شاء الله سيتم التعيين على درجة معلم وده طبعا مع التربوى والicdl .
ازاى بأة موضوع انك خريج تجارة وبتدرس حاسب الموضوع ده عادى يعنى لما تعاقدوا مع حضرتك مكنوش عارفين مؤهلاتك ايه وده طبعا للأسف خطأ وقعنا فيه كلنا اننا تعاقدنا فى غير تخصصاتنا بس هنعمل ايه هى دى التخصصات المطلوبةوالا هنقعد فى البيت ده طبعا بصرف النظر عن حب لحضرتك للحاسب الألى. الأهم بأة ى الموضوع ده كله ان احنا ملناش فى موضوع تغيير المسمى الوظيفى خااااااااااالص لأنى جربته بنفسى وحبيت أحول لتخصصى وردوا علينا اننا معلم مساعد ولازم أكون معلم علشان أعرف أغير. أنا مش شايفة مشكلة عند حضرتك فاضل بس تاخد التدريب المعتمد وتشد حيلك وتخلص الicdl وتجهزورقك وتقدمه عادى ولو فيه حد ياجماعة من الاعضاء شايف كلامى غلط يقولنا الصح .ربنا يوفقك ان شاء الله |
اقتباس:
|
يعنى أفهم من كلامك ان لو فيه واحد متعاقد على تخصص غير تخصصه هيخلوه يحول لتخصصه؟؟
امال الناس اللى تخصصها لغة عربية وانجليزى وغيره ومشغلنهم أخصائى مكتبات ومش عارفين يحولوا ليه مش بيحولوهم وبياخدوا التدريب على أنهم أخصائيين . |
اقتباس:
|
يعنى حضرتك فعلا هتحول لتخصصك الفعلى ولو هتحول هتعمل ايه بالضبط علشان نعمل زيك. أرجوك تفيدنا لأنها مشكلةعامة عندنا بس فيه ناس عاوزة تحول وفيه ناس مرتاحة كده.
وياريت حضرتك توضح لى الموضوع ده لتخصصك بس ولا كل التخصصات. |
اقتباس:
|
- الكلام ده ازاي مثلا في محافظة اسيوط وفي ديروط بالأخص عدد مدرسين الرياضيات خريجين كليات تجارة اكثر من خريجين تربية ولو حصل انهم طلبوا نفس الطلب ده يعني المدارس هتفضي .
- هل في زيادة في مدرسي الحاسب في سوهاج . - هما فعلا لم يتم التعاقد معنا (3/9/2011) تحت مسمي معلم رياضيات بل باحث مالي واداري . |
اقتباس:
|
السلام عليكم يا أخي العزيز :
شوف بقى يا عم .. نمسكها حتة حتة .. اولا تدريبك اللي تدربته تحت مسمى تأهيل المعلم المساعد ده ماكانش تدريب ترقية ده بس كان تأهيلي حاجةزي كورس كده .. ثانيا انت محتاج تدرج اسمك على الاكاديمية مع الناس اللي بتدرب اليومين دول حسب قرار تعيينك علشان ينزلك تدريب ترقي .. ثالثا انت بتقدم في التدريب وفقا للحالة الوظيفية الموجودة باستمارة الموظف اللي هي على موقع الوزارة .. شوف استمارتك لو المسمى مطابق للعقد محدش يعرف يغيرلك تخصصك وانت داخل تمتحن .. رابعا تدرس مادة الحاسب الآفلي وفقا للقانون من خريجي التربية النوعية قسم تكنولوجيا التعليم وعلوم حاسب وحاسب آلي وتجارة في حالة العجز وعدم وجود التخصص .. وده بقى اللي حصل معاك وهم تعاقدوا معاك على كدهلسد العجز فموقفك فانوني مش هزار .. كل مافي الموضوع بس ان التوجيه الفني التجاري عنده عجز وعاوز يسحبك .. خامسا لو دخلت تدريب الترقي مايهمكش الأكاديمية هتعينك على التدريب اللي دخلت عليه طوالي .. أما لو لسه قدم زي مانا وضحتلك |
اقتباس:
بالنسبة لأمتحان الكادر ده خلاص اتلغى وبقى مكانة تدريب اسمة تطبيقات تربوية داخل الفصل ونا دخلت التدريب ده وانا العقد بتاعى حاسب الى من اول ما اتعاقدت ونا مستوفى كل الشروط بس هما مش راضيين يقبلو الورق علشان انا بكالوريوس تجارة وقالو مينفعش ادرس حاسب الى وبالنسبة للعجز فهو فيه عجز ونا مش عارف اخاطب مين علشان ياخدو الورق. |
اقتباس:
|
اقتباس:
|
اين ردك يا د/ عبد الرحمن
|
هو ليه مفيش رد!!!!!!!!
|
| جميع الأوقات بتوقيت GMT +2. الساعة الآن 09:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.