ارجوكم ساعدونى مستقبلى بين ايديكم هااااااااااااااام
 

انا خطوبتى ان شاء الله بعد النتيجة

وانا هتخطب لابن عمتى مع العلم انى مش حاسه بيه ولا هو فارق معايا بس هو بيحبنى


بس انا عندى مشكلة هو ملتحى وانا فرى وهو عايز يغيرنى وانا موافقة


بس اخواته هم اللى ليهم الكلمة وكانوا عايزينه مش يجيب شبكة بس انا صممت لانهم حسسونى

انى واحدة من الشارع وهو وافق ونزلنا جيببنا الشبكة

وهو اشترط ان الخطوبة تكون فى البيت وعائلية

وانا وافقت يعنى انا متنازله معاه اوى

بس هو طلب منى البس فستان محترم وان الطرحة تكون اسبانش وانا قلت معلش يابنت مافيهاش حاجة بيحبك وخايف عليكى


بس لما اختى تقولى انه مش هيجيبنى من الكوافير واننا مش هنروح استوديو وان الفستان هيكون سوارية وطبعا بكم وانى مش هجيب بدلة خطوبة


مع العلم انه اقل واحد اتقدملى فى امكانياته بس انا تخنقت وزهقت وانا مكملتش شهر مقرى فاتحتى


وانا بفكر اسيبة ممكن تقولولى رايكم عشان انا خلاص جبت اخرى منه ومن خواته














بالله عليكم ردوا عليا

ميرو انا مش عايزة اقول حاجة وتكون غلط لأني طبعا مش هعرف اقول الراي الصح في حاجة زي دي .
بس في رايي ونصيحة مني ليكي , ابعدي تماما عو الي بيمشي ورا كلام اخواته بالحرف دة .
صدقيني انا عندي بنت خالي طالع عينها !!
والله مش بهزر متبهدلة بهدلة مش يعلم بيها الا ربنا عشان جوزها بينفذ كلام اخواته بدون تفكير وهما منتهزين الفرصة دي في تدميرها .
حبيبتي انا شايفة انك تبعدي احسن .

انا رايي انك تبعدي مش عارف ايه الي مخليكي متمسكه بيه
ده كل ده وقراية فاتحه وطالع عينك امال بعد الجواز هتعملي ايه ابعدي من دلوقتي
ومتسمعيش كلام اي حد يقولك ده ابن عمتك ده قريبك والكلام ده
اوعي تسمعي كلام اي لان انتي الي هتتورتي في الاخر
ابعدي تماما من دلوقتي

ميرسى ياشيرى على ردك بس انا مش عايزة اظلمه هو بيحبنى لدرجة الجنون وانا بعرف اخليه ينفذلى اللى انا عايزاه بس اللى مضايقنى ان اخواته بيتكلموا فى كل حاجة واوقات كتير بدون علمه

مرسى يا عمر بجد انت وشيرى حسستونى انه ليا صحاب واخوات ممكن الجا ليهم

يا حبيبت قلبي افهميني حتى لو بتقنعيه وبتقدري تعملي كدة . بس انتي ضامنة ان دة هيحصل كل مرة . ومعلش حتى لو هوا بيحبك بس دة جواز .. مستقبل
حرام تظلمي نفسك بالشكل دة وهو غلطان انه بيسمع كلامهم بالطريقة دي !!
وان اخواه بيتكلموا في حاجات بدون علمه .يبقى مش عاملينله حساب حبيبتي انا باقولك كدة عشان انا شوفت دة بعيني .

شىرى انا سمعت كلامك وسبته بس انا متضايقة اووووووووووووووووى

الحمد لله انك سبتيه لانك كنتى هتظلمى نفسك وتظلميه
مش ينفع اكمل مع حد على امل انى هتنازل او هنحاول نعمل كذا او نجرب نضيفله صفة ما
كل ده مش هينفع..يا اما نكون مقتنعين بالموضوع من الاول يا اما بلاش خالص
والراجل المفروض تكون تصرفاته او افعاله من دماغه فقط
ومش كل انسان بيحبنا يبقى خلاص هو ده الشريك المناسب ..بالعكس احنا كده بنظلمه اوى لانه عاوز يدينا اكتر واكتر واحنا غصب عننا مش حاسين بيه
ربنا يوفقك ويسعدك فى حياتك

مرسى ياجماعة
ربنا ميحرمنيش منكم


ربنا يوفقكم فى حياتكم واتمنى نكون اصدقاء

بس والله فى حاجة كلكم ما خدوش بلكم منه
انا حبيت ارد لسبب انه اكيد الواحد مننا بيتحول قبل خطوبة و بعد خطوبة ممكن يتحول من شخص كويس الى شخص مش كويس و العكس يعنى ما اظنيش الى انت عملتيه دة كوس
تقبلى مرورى

العفو واحنا كلنا اخوات ولازم نقف جمب بعض وتشرفنا صداقتك طبعا

ماشى..ممكن الانسان يتغير قبل وبعد الخطوبة زى ما بتقول بس ده احتمال ليس الا
وبعدين الدافع الوحيد اللى يخلى الانسان يتغاضى عن عيوب شريكه هو الحب ..الحب فقط
عمرى ما هستحمل واحدة صفاتها سيئة واحاول معاها انى احسنها الا اذا كنت بحبها ..بدون حب المأمورية تكاد تكون مستحيلة

ياجماعة اى انسان مش بيتخذ قرار من نفسه ويكون قرار سليم ويريح كل الناس
او بيسمع كلام اى انسان ده انسان مش اعتمد عليه فى حاجة

يعنى ايه يسمع كلامك ويسمع كلام اخواته

طب فين هو كلامه !!!!!!!!!!!!!!!!!!!!!!

وانا كمان خطوبتى ان شاء الله بعد النتيجة بس مش قريبى ده حبيبى
وانسان بحبه جدا جدا لانه طيب وخلوق جدا واللى عاجبنى شخصية قوية حافظ للقران محافظ على صلاته
ربنا يوفقكوا انتوا كمان يااااااااارب ويوفقك مع انسان يعوضك عن كل شىء

بصي يا ميروو الحب مش شرط يكون عنيف بس المهم يكون في توافق و انا صراحة حاسة انه مش موجود بينكم فكري ان كنتي تقدري تكملي حياتك بطريقته دى ولا لأ وأنصحك تسيبي موضوع الخطوبة دي شوية لأننا مهما حسينا اننا كبار بردو لسه صغيرين اتأني فى تفكيرك واستشيرى أهلك لأن بقرارك ده هتعيشي يا سعيدة يا تعيسة طول عمرك ............