|
لسة فيه حد عاوز يكمل حياته فى مصر؟!
السلام عليكم كل الناس عرفت امتحان الفيزياء وفيه ناس طبعا بيقولوا الامتحان عجبنا وانا بقولهم مفروض ان الطالب الى جايب من 202 الى 205 دة فوق النابغ كمان فلما يطلع يعيط من اللجنة يبقى مش معقول كل العيب منه ثانيا الامتحان ممكن افكر فى سؤال ماشى اتنين ماشى تلاتة يبقى ربنا بقى يسهل ليا شوية انما اقعد افكر فى كل مسالة فى اللزوجة حتى؟ فى القوة والوزن؟ فى الرسومات والاثباتات الغريبة؟ ولا فى التجارب الى ماجاتشى؟ ولا فى الدينامو والمولد الى ماشفتش عنهم حاجة؟ انا بقولها صريحة انا حليت فى الفيزياء الكتب الاتية الوزارة ودليل التقويم و المثالى العادى والمثالى المراجعة النهائية والامتحان اسئلة ومسائل والماسى 1200 مسالة وحلها بالاضافة الى الثانوية العامة السابقة ومذكرات وورق لا يقدر وفى الاخر حتى مش موضوع الامتحان كفاية بس نموذج الاجابة انا خلاص عرفت طريقى دخلت طب ودة باحتمال 1% لانهم قالوا احنا مش بنصعب الامتحانات عشان ننزل التنسيق دة لان الكليات وبالذات الطب من الاخر (مش عاوزين عدد اضافى من الدكاترة) ومن الاخر كلكم مثلا امتحنتم امتحان النابغين تقريبا بتاع الدكتور هشام فى الاحياء والى اعلى واحد فينا الكروان 204.5 جاب فيه 49 من 60 والى انا جبت فيه 40 من 60 انا لا اقدر ان امتحان الاحياء هايجى اسهل منه بل مقارنة بالفيزياء هايكون على نفس المنوال وماعتش عاوز اشوف كلمة تفاؤل فى الثانوية العامة لان املى الان فى ربنا فقط وانا خلاص قررت كالاتى النتيجة جات مع التنسيق كان بها ماجاتشى مش هاوجع دماغى وابعت شكاوى لناس مش بتحس غير بالكرسى الى قاعدة عليه فقط!! هاسافر ايطاليا واشتغل هناك مع كل اقاربى واسيب البلد بالى فيها يا سلااااااام ارتفاع اسعار وسكتنا!!! حرب لدين الله امام الجميع وللاخوان ولانصار السنة علانية فى امن الدولة والنيابات العامة ومش قادرين نعمل حاجة!!! احتكار السلع بواسطة احمد عز وكمان بقى بيغير القوانين الخاصة بالاقتصاد بمزاجه وبردة بنتفرج!!! وزراء ورجال اعمال بيمسكوا البلد ومش هامهم الى فيها ومش عافين نغيرهم!!! انقلاب عسكرى نسميه الثورة يحطوا الى عاوزينه فى الحكم ونقول نعمل انتخابات والى يترشح اما الرئيس مالوش غير السجن؟!!!!!!!! لو اتصورت بلحيتك فى البطاقة الاقى ظابط امن دولة بيستدعينى (انت من اتباع محمد حسان ولا ابو اسحاق الحوينى ولا محمد النقيب) وطبعا الرد الاحسن لما تقوله انا من اتباع النبى يرد عليك ويقولك زى ما حصل لاحد الظباط (خلى ربنا ودينك ينفعوك) ولا حول ولا قوة الا بالله نفتح التليفزيون فلا نرى الا صور المجون والذنوب اسمع مفتى الجمهورية يتسال عن الشغل فى الخمارات الاوروبية يقول طبعا حلال الناس تهاجمه يقول انتوا هاتعرفوا اكتر من ابى حنيفة؟ ابقى قاعد فى اللجنة كل شوية عربية اسعاف لان طالبة من الثانوية بنات اغمى عليها؟ اخويا خريج 2004 هندسة لسة شغال الشهر دة؟ يبقى لازمتها ايه اقعد فى البلد دى؟ |
اقولك انا عايزه اعد في مصر ليه لما انا ماعدش في مصر يتحرق دم مين؟ لما انا ماعدش في مصر ريسنا ينهب مين لما انا ماعدش في مصر مين يخرج من الامتحانات منهار لما انا ماعدش في مصر مين مستقبله يضيع لما انا ماعدش في مصر مين والديه يبكو عليه بدل الدموع دم للاسباب السابقه لازم ننعد في مص ر متستغربش من الي بيحصل ده شيء عادي ريسنا حسني وابنه جمال ومفتينا جمعه و و و و حاجات ملهاش اخر الدنيا دي مبقتش تفرق معايا خلاص قرفت وتعبت وزهقت مبقاش في حاجه ابكي عليها كله راح حتي الكليه اللي كان عندي امل ادخلها راحت بتقول هتخش طب بنسبة 1% انا بقوللك انا هدخل صيدله بنسبة -200% يدوب كده خلاص والله تعبت زهقت طهقت عايزه اغور من البلد دي مبقتش قادره استحمل سياسه فاشله في كل حاجه حتي التعليم حسبي الله ونعم الوكي ل اسفه ع الاطاله بس وجهة نظري مكانش ينفع تتضغط اكتر من كده انا لو وضحتها اوي ممكن اعد لحد النتيجه في رعاية الله |
اقتباس:
ان كانوا هايحذفوا الموضوع نظرا بردة ان امن الدولة متابع النت يبقى حد يبعتلى بدل الهاك (الجراءة قد تم حذفها) وشكرا |
كلنا زهقانين
كلنا قرفانين كلنا فاشلين حتى اللى جايب 200 و 202 كلنا ضايعين كلنا عايشين علشان نتعذب و نشوف النصابين يسرقوا فى بلدنا و يقولوا عليهم مصلحين ربنا يخرب بيوتهم و يفضلوا من الضالين |
ياسندريلا انا عارف الكلام متكرر بس بجد ركزي فى الباقى اوي اوى والتنسيق هينزل بإذن الله المهم تركزي فى اللي جاي وتنسي اللى فات ده لانه كان على كله وهم كل سنة اساسي بياخدو عدد من الناس فى كلية الطب مثلا مش ممكن ينقص عن حد معين وطالما على كله الصعوبة دى لازم يقللو التنسيق عشان يكملو العدد ,, يعنى اطمنى التنسيق نازل نازل ان شاء الله المهم ركزي انتى في الباقي وهتوصلي ان شاء الله للي انتي عايزاه
|
والله انا من رأيى ان الامتحانات تتلغى السنادى كلها وندخل الكليات على مجموع السنه اللى فاتت
ولا وجع دماغ |
ربنا يستر الحمد لله ربنا من علي اني أزهري وانا والله ملتمس لكم العذر الحل الآن كله يدخل الأزهر وربنا يهدي يسري وعياله |
اقتباس:
جميل جدا دة 2004 ذات نفسها التنسيق نزل كام؟ درجتين؟ تقولى احنا اصعب من 2004 هاقولك بس ما فيش اوحش من درجات 2004 التلاتينات بتاعت الفرنساوى كانت كفاية اصلا |
اقتباس:
وساعتها هيبقي توفيق ربنا بس الحمد لله علي كل شيء انا بذاكر الحمد لله دعواتكم بس |
والله انا من رأيى ان الامتحانات تتلغى السنادى كلها وندخل الكليات على مجموع السنه اللى فاتت
ولا وجع دماغ علشان اصلا المجاميع الكبيره مش هتزيد والقليله مش هتتغير برده |
انا هاقول ايه اكتر من اللي مصطفي كامل قاله
لو لم اكن مصريا لوددت الا اكون مصريا انا معنديش اي حاجه اقولها بعد اللي قولتوه انت قولتم كل حاجه في حاجه واحده بس هقولها رباه ان هذا قدري وهو قضاؤك فرضني بقدري كي يهون قضاؤك |
يا جماعه الحمدلله اننا كلنا من مصر ده فضل كبير اوى
بلاش كده حرام عليكو |
اقتباس:
لا هم بيشوفو هم عايزين كام طالب فى كلية س مثلا .... وفى الاخر يحسبو عدد الطلاب اللى يقدر يخش الكلية لو طلع اقل ينزلو التنسيق لو طلع اكتر يرفعو التنسيق لحد ماالكليات يدخلها العدد اللى هم عايزينه .. والله اعلى واعلم |
والله انا من رأيى ان الامتحانات تتلغى السنادى كلها وندخل الكليات على مجموع السنه اللى فاتت
ولا وجع دماغ علشان اصلا المجاميع الكبيره مش هتزيد والقليله مش هتتغير برده |
انا كان نفسى هندسه المنصوره وراحن والحمد لله
لو جالى هندسه اسرائيل هروح انا مش احسن من احمد زويل ولا اكثر وطنيه منه مخدش نوبل الا ما زار اسرائيل |
| جميع الأوقات بتوقيت GMT +2. الساعة الآن 01:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.