ارجو من مدرسي الكيمياء الدخول والرد
 

انا عملت الموضوع ده علشان اي حد عايز اي حاجة من مدرسين الكيمياء يسأل هنا وانا هبتدي


ينفع اقول في النظريات بأسلوبي ولا لازم يبقى بالنص اللي مكتوب في الكتاب ؟!! يعني مثلا قاعدة هوند انا بقول انها (تفضل الالكترونات ان تتوزع فرادى قبل ان تزدوج ) والكتاب كاتبها (لا يحدث ازدواج بين الكترونين في مستوى فرعي معين الا بعد ان تشغل اوربيتلاته فرادى اولا)

الاجابتين صحيحة وان كنت أفضل المنطوق الموجود في الكتاب المدرسي علشان بعض المصححين يرتبط حرفيا بنموذج الإجابة فرجاء خليك مع منطوق النظرية كما هو في الكتاب المدرسي

يعني بس الافضل اكتب اللي في كتاب المدرسة

لو سمحتوا حد يقولي لما يجيبلي هاتي ثابت الاتزان بمعلومية درجة الذوبانية اضرب جوة القوس وارفع نفس الرقم للاس؟؟!!!

حد يقولي ازاي اذاكر كيمياء والله انا نفسي مسدودة ومش عايزة اذاكرها خالص بس والله والل حباها ومش عايزة اضيعها من ايدي عشان وكنت مذاكراها لحد الباب الخامس كويس والباقي كنت عايزة اراجع عليه بس ...دلوقتي انا حاسة اني ناسية كل حاجة وكل ما امسك الكتاب الكلام مبيخشش وانا لحد دلوقتي مش عارفة امسكها ولا عارفة انظم فيها وقتي ...اعمل ايه ؟؟؟؟؟ فاضل يوم واحد بس انا بجد نفسياتي مدمرة وحاسة اني مش هلحق اعمل حاجة في اليوم ده ياريت وكنت قاعدة اعيط من شوية ..لو اي مستر يعرف يقسمهولي وينظمهولي كويس بحيث اني اراجع فيه المنهج كله يبقى كدة مية مية .....ارجو الرد السريع اوي اوي اوي

ايه ياجماعة محدش عايز يرد عليا ليييييييييييه

المهم يكون كلام علمى ومنطقى ومعبر عن الموضوع والمصحح يفهم مفهومك العلمى

محدش ليه نفس يذاكر اصلا بس لازم نذاكر حاولى بس تذاكرى وانشالله هتذاكرى