الى الاستاذ تامر والاساتذه الكرام
 

السلام عليكم ورحمة الله وبركاته
سؤال فى الفصل الثانى
باستخدام معامل المقارنة Or يجب أن يكون كافة نواتج الشروط المستخدمة False ليكون الناتج النهائى False

انا صاحبة السؤال اذا كان or معامل منطقى او معامل مقارنة
والله انا عارفة الاجابة انه معامل منطقى بس كنت عايزة اعرف ازاى اشرح للطلبة حاجة وبعدين اقولهم على عكسها
واقنعهم زى الاساتذه ما اتكرموا وردوا عليه ان ايوه or معامل منطقى بس هو كده هنا فى السؤال معامل مقارنة احفظوه وخلاص كده عشان الامتحان
لحد امتى هنفضل فى التخبط وعدم الاستقرار وعدم وجود مرجع لينا فى استفسارتنا ولحد امتى هيفضل التناقض والحيرة دى هنفضل نتحمل لامتى لازم يكون لينا مرجع

ارجو من الاستاذ المشرف عدم نقل الموضوع عشان نفسى كل الاساتذة يشاركوا يمكن نتفق على حل للازمة الى احنا عايشنها من يوم ما الكمبيوتر بقى مادة اساسية
ويا ريت استاذ تامر يشاركنا
لاننا بجد تعبنا وعقول الطلبة مش سهل يضحك عليها وهو كده وخلاص لا نفسنا يطلع جيل واعى يعرف يناقش ويحاور ويطلع الصح من الغلط وانا بفرح بالطلبة اوى لما يتناقشوا معايا لكن بحس بالعجز قدام اسئلتهم عن التناقض فى المنهج

تحياتى للجميع

مع كامل احترامنا للسادة المشرفين
محدش عايز يظهر الحق
ويقول بكل ببساطة ان ما نشر على موقع الوزارة خطأ
السؤال واضح جدا
الاجابة خطأ
لان or منطقي وليس مقارنة حسب ما درسه الطالب

hthttp://img404.imageshack.us/img404/3461/685957333.giftp://img404.imageshack.us/img404/3461/685957333.gif

اولا : شكرا جدا لاستاذ سيف على اهتمامه ومشاركته

واضح جدا ان معظم المدرسين مش هاممهم الموضوع
بس ليه سؤال ليهم لما الطالب يسالك اجاوب السؤال ده صح ذى الكتاب ما هو عايز والا خطا زى ما انا اتعلمت ان or معامل منطقى ؟ هترد تقول ايه وهتحس باية وانت عارف ان انت كده بتشوش عقل الطالب وتخليه معندوش ثقة فى اى حاجة

لكن بردة انا مش هياس وهدور على حل

السلام عليكم ورحمة الله
اولا عجبني الموضوع وحبيت ارد على صاحبة الموضوع
في الحقيقه في اختلاف كبير بين المقارنه والمنطقي موضوع منطقي يعني لا يخرج احتمالاته بين
امرين اما yes او no بعمنى اوضح True أو False لكن معامل المقارنه بيستخدم مقارنه فقط
ثم بعد ذلك يتجه بناء على المقارنه مثل مثلا القيمه المجرده والقيمه من متغير ما الفرق بينهم
لما اقول لحضرتك A=10 ولما اقول لحضرتك A = Y حيث ان Y = 10 القيمه الاولى مباشره اما الثانيه
قيمه من متغير وهنا نفس الكلام المقارنه بالمعاملات المنطقيه مقارنه من عدة مقارنات اما معامل المقارنه
يستخدم للمقارنه بين كميتين فقط وهذا الكلام كان واضح في الكتاب القديم الذي ارى انه افضل بكثير
من هذا الكتاب السيء جدا واراه ناقص كما في اولويات تنفيذ العمليات الحسابيه وخلافه
انا كنت واخد عهد اني متكلمش في مادة الحاسب نهائي لاني مش راضي عن اللي بيحصل
لكن افتكر سؤال حضرتك كان اسهل الاشياء اللي اقدر ارد عليها مقابل الاشياء الاخرى

وارجوا ان تتقبلي مروري
اخوكي احمد هيرو
صاحب شبكة هيرو فور هوست
لخدمات وادارة السيرفرات

شكرا لحضرتك على الرد بس لو حضرتك بصيت فى الاستفسار كويس هتعرف انى عارفة الفرق بينهم كويس جدا وكل مشكلتى الطلبة بتوعى ازاى اشرح لهم الصح وبعدين اقلهم حلوا سؤال الكتاب على الغلط انه صح عشان خاطر هو كده وبس
ارجو ان اكون وضحت وجهة نظرى

جزاك الله كل خير

سؤال الكتاب صحيح 100 %

وعلي فكرة اللي درس الفيجوال بيسك من 2000 الي 2005 في المعاهد والكليات كان يتم التدريس لهم بهذا الاسلوب الجديد وكان نفس المنهج تقريبا وهذا افضل من الكتاب القديم الغير مترابط بالمرة

اي نعم لي ملاحظات علي الكتاب في مجمله وفي امثلته بالذات

وبالذات في الفصل الثالث ليه اشرح جملة do while بالطريقة اللي تدوخ العيال اكثر انا شرحتها افضل بعمل برنامج مضاد ل for next

والفرق بينهم افضل اننا نعرفه للطلبة مش نعرف ليهم ازاي يستدعي قاعدة inputbox وملهاش اي ستين لازمة في المنهج

بصوا المنهج دا هو هو نفس المنهج بتاع الترم الاول هو هو بس دا خرائط ودي اكواد

وعلي فكرة دا اميز شئ بس الفصل الرابع كان لابد يتوضح شوية وما هو الا حشو في المنهج فقط

يعنى حضرتك مقتنع ان or هو معامل مقارنه مش معامل منطقى وان الكتاب صحيح 100 %
والله حضرتك الحمد لله انا خريجة كلية نفس التخصص ودراسات عليا ومؤهله والحمد لله وبحاول اجتهد على اد ما اقدر ومستغربة جدا من رد حضرتك ان السؤال صحيح ارجو التوضيح

وبالنسبه للكتاب انا عارفة ان الكتاب افضل من العام الماضى بس كان لازم يتراجع بشكل افضل من كده عشان فيه اخطاء

ارجو مشاركة جميع الزملاء لتعم الفائدة

إجابة السؤال خطأ
 

بسبب ان or معامل منطقي وليس معامل مقارنة
وشكرا

عنوان مشاركة الاستاذ تامر بيقول الاجابة خطأ