بوابة الثانوية العامة المصرية - قصيدة شعر لمصر ..لا تفوتكم

السلام عليكم
الحمد لله كتبت قصيدة شعر لمصر أتمنى أن تعجبكم أترككم معاها الشعر نوع : عامى
http://youtu.be/0CzD9JBxjWg

والكلمات
فى بداية كل حكايه ببدأ وأقول كلمتين .. الكلمتين كان يا ماكان هاحكى عن واحده
داقت مرار داقت عذاب .. فضلت مشيا فى السكه
مشيا فى طريق كله ضباب ناس مش شيفا.. وناس بتعض فى بعض زى الكلاب كل عضه وعضه
سألوها .. سألوها.. مشيتى ليه فى الطريق دا .. فجاوبتهم .. شعبى هو اللى مشانى .. فامقدرش أخالفهم
طلبهم عندى بيبقى غالى وهافضل من خيرى أأكلهم .. هاتفضل من خيرها تأكلنا
بس أحنا حالنا هو اللى مش حالنا مش عارفين فين جهنم من الجنه
بس يا ترى مسألناش نفسنا .. ولو مره .. ولو بكلمه ..
فين الضمير .. فين الضمير اللى المفروض يصحى ..
مانتى بلدى .. مانتى أمانه ربنا أدهالى .بس للأسف معرفش قيمتها
شكلك .. شعبك .. أسمك لما كان يجى على لسان واحد كان يعجز عن نطقها
مانتى زى مابتسرقينى بردو بتدينى .. وزى ماحرمتينى حسنتى صورتى وعليتينى
عشان كدا مكانك فى قلبى غالى .. أنا مش هاشتكى تانى وأقول إنى عشت فى قهر .
ولا هاقول أن أنا طول عمرى عشت فى حالة فقر... أنتى فقرك وقهرك جنه
يبختك من نحيه بيسندك محمد وعبدالله .. ومن النحيه التانيه بطرس وحنه
ماحنا كلنا أيد واحده .. لازم نشيلو حاجز الكره بنا
وجهة نظر سياسيه فرقتنا.. الأخوانى يشتم الليبرالى والسلفى يشتم العلمانى
ياترى مين الكسبان يا ترى مين اللى عايز ياكلنا
اللى طمعان.. فى السلطه واللى طمعان فى فلوس نازل مظاهرات يضرب الشرطه
ولمصالح شخصيه باع ضميره باع الدوله
ليه عشان طلبنا ثوره .. ولا عشان طلبنا حريه .. ليه مكتوب علينا نفضلو أحنا الضحيه
ليه مكتوب عليا الفلوس اللى فى جيبى متبقاش ليا
أدى الحكايه اللى بدأتها بكان يا مكان .. ونهاية القصه هاقول خلصت حدوتة واحده
كانت بتطلب حريه ومره واحده لا لقت حريه ولا لقت ديموقراطيه
كل اللى لاقتو ناس بتنهش فيها من النحيه ديا والنحيه ديا
توتا توتا خلصت حدوته الوحده اللى بتجرحنى كل مره ومره
ومش قادر أردلها ربع الجميل اللى انا فوق شايلهولها

أقدم شكرى للمنتدى الرائع وما أستفدته منه ليس فى المناقشات العامله بل فى المواد التعليميه فستفدت كتير أشكركم على مجهودكم والسلام عليكم ورحمة الله وبركاته