|
بشري وخبر مفرح لكل المعلمين الجدد المعينين بقرارات 53؛74؛244؛169؛73؛280
انا كنت في الادارة التعليمية بالمنيا النهاردة ولقيت اعلان عن ضم مدة العقد السابقة للعمل في وظيفة معلم مساعد ما قبل 15/3/2008 لقرارات 53 - 244 - 169 - 73 - 520 ... وكل المعلمين اللي اشتغلوا بعقد مميز قبل 15/3/2008 يجهزوا 1-طلب موجه لمدير الادارة لطلب ضم مدة العقد المميز قبل هذا التاريخ معتمد ومختوم من المدرسة 2- صحيفة أحوال من النت معتمدة ومختومة من المدرسة ومن الادارة التعليمية 3- استمارة 103 ع ح موضح فيها الفترة التي عملتها بعقد مميز قبل 15/3/2008 وتقديمهم الي مكتب التعيينات في موعد اقصاة 26/4/2013 يعني كل واحد يحسب لنفسه من تاريخ اول عقد ويشوف اللي فاضله علي ال 8 سنين علشان ياخد الدرجة التانية ويبقي معلم اول انا حبيت افرحكم والف الف مبروك ايه رأيكم بقي في الخبر ده؟ |
تبع محافظة اية لو سمحت حضرتك
|
جزاك الله خيرا
|
شكرا جزيلا
سوف اخبر كل الاصدقاء |
thankssssssssssssssss
|
الله يكرمك يامستر.. :
1 - صحيفة الاحوال اجيبها منين من عالنت؟من الاكاديمية؟طيب الباسورد مش معايا اعمل ايه؟ 2- الاستمارة 103 ع ح اجيبها منين.؟ معلش ضروري حد يعرفني لاني خارج مصر الله يكرمكم |
الي الاخ علي
الاخ علي عضاضلي
بالنسبة لصحيفة الاحوال تجيبها من النت ولو مش معاك الباسورد تجيبه من مكتب الاحصاء بالادارة اما بالنسبة لاستمارة 103 ع ح من اي مطبعة او هتلاقيها علي النت لو كتبت في جوجل نموزج 103 ع ح هتلاقيها أما بالنسبة للتقديم انا جهزت الورق ورحت النهاردة الادارة مضيت صحيفة الاحوال من التعيينات (مدام ماجدة) ومضيته من شئون العاملين وختمته طبعا ده كله بعد امضاء مدير المدرسة وختم المدرسة ومدام ماجده قالت هاتوا الورق يوم السبت علشان هيبقي في لجنة لاستلام الاوراق والف مبروك لكل المعلمين الجدد اللي خلاص مابقوش جدد وكلها حاجه بسيطة وناخد الدرجة التانية وأي حد من الزملاء عنده اي استفسار انا تحت أمركم وهارد عليه في اقرب وقت |
حاول يا مستر على تخلى حد ف مصر يتصرف ويعمل لك ورقك بالنيابة عنك
|
جزاكم الله كل خير
لو حد معاه صيغة للطلب الموجه للادارة دا يا ريت يفيدنا بيه |
محافظةالمنيا
|
اه المنيا بس لسه الفاكس موصلش ف ادارتى
بعد الضم طبعا هيبقى تاريخ التعيين هو تاريخ التعاقد بس هو دا هيختلف عن تاريخ الدرجة؟؟؟؟؟؟؟ اصل المنيا لسه منزلتش فيها الدرجات والموظفين عندنا ف الادارة مش فاهمين حاجة |
1 مرفق
اقتباس:
http://teacher.moe.gov.eg/emp_teacher/ والباسورد ممكن تكلف حد يجيبهولك من قسم الاحصاء فى الادارة أما استمارة 103 ع.ح فى المرفقات |
صيغة الطلب للادارة
بسم الله الرحمن الرحيم تحية طيبة وبعد؛ حيث انني عملت بعقد مميز بمدرسة ........................ الابتدائية من عام ............. وحتي 15/3/2008 وعملت كمعلم مساعد من 15/3/2008 وحتي .......... حيث تم تثبيتي بقرار ........ لسنة ............... علي وظيفة معلم ................. بعد اجتيازي اختبارات الكادر واستيفائي جميع الشروط المطلوبة للتعيين لذلك اتقدم لسيادتكم بطلبي هذا بناءا علي اعلان الادارة لضم مدة التعاقد السابقة علي تاريخ العمل في وظيفة معلم مساعد كمدة خبرة عملية . ولسيادتكم جزيل الشكر؛ مقدمه لسيادتكم / ........................... معلم ...............بمدرسة............................. مرفق لسيادتكم مع الطلب:- 1- صحيفة احوال مدير المدرسة 2- استمارة 103 ع.ح |
جزاك الله كل خير
|
طيب الطلب والاستمارة هنعتمدهم من المدرسة الحالية ولا اللى كنا فيها وقت التعاقد؟؟؟؟؟؟
|
| جميع الأوقات بتوقيت GMT +2. الساعة الآن 01:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.