|
يا أهل الثانوية العامة
السلام عليكم ورحمة الله وبركاته
يارب تكونوا كلكم بخير انا زميلتكم بس اكبر شوية (اولي طب قنا ) انا بس عايزة اقولكم حاجة لو حد تعبان او زهقان معلش تعال علي نفسك مابقاش فاضل كتير ركز بس في الفترة دي لانها اهم وقت في السنة كلها اوعي تكسل اتعب شوية لو حد لسة مش مراجع كويس ماتقلقش لسة في وقت كافي انك تراجع المهم انك تنظم وقتك كويس قوي وتيجي علي نفسك شوية علشان تلحق تخلص لو حد بقي شادد حيله وماشي تمام اثبت بقي علي كدة لو حد محتاج اي مساعدة اتفضلوا قولوا ويارب اقدر اساعدكم ربنا يوفقكم ويحقق لكل واحد حلمه |
اقتباس:
انا فعلا مش مراجع كويس فى امل اعمل زى حضرتك واجيب 204 .انا عارف انك جبتيها فى 3 :d:d وهل فعلا لازم على شهر 4 يكون الواحد مخلص وشارب الكتب كلهااااااا وقاعد فاضى يحل امتحانات فى الشهرين دول. ولا لسة فيه امل ؟؟:) اخر حاجة بقى... حضرتك كنتى داخلة الامتحان داااااااحة الكتب 8 مرات وكله ميه ميه.ولا كنتى ايــــــــــــــــــه؟؟ يارييت شوية بهارات لو سمحتى :av4056bb7jp3: |
اقتباس:
عاوزه الم المواد كلها في شهر بس مش عارفه النظام اللي امشي عليه ايه يعني لازم كل يوم اذاكر كل المواد ولا اعمل ايه ؟؟؟؟ وهل ممكن نقدر نلم المواد في شهر واقفلها كلها ولا خلاص معتش ينفع ولا ايه؟؟؟ |
اقتباس:
وتقوللنا نعمل ايه |
انا مطلوب مني السنادي اجيب 200
ازاي معرفش |
اقتباس:
هههههه انت عرفت ازاي اني جبت 204 في تالتة علي فكرة انا جبتها بفضل ربنا بس مش لاني كنت اكتر واحدة بتذاكر ولا حاجة انا في الوقت ده مكنتش مخلصة حاجة طبعا كنت مذاكرة بس مش قوي يعني ماكنتش مقفلة المواد بس ابتداء من شهر 5 وخلال الايام اللي كانت بتبقي بين كل مادة والتانية انا راجعت كل مادة مرة واحدة بس وكنت بخلص مراجعة علي ليلة الامتحان |
اقتباس:
كده الواحد يذاكر وباله مرتااااااااااااااااااااااااااااااااااااااااااااااا ااااااااااااح :av4056bb7jp3: |
بصوا ياجماعة الفكرة انك تذاكر صح مش تذاكر كتير تمام ركزوا معايا لاني كنت زيكم كدة وعارفة الحالة اللي انتوا فيها وان شاء الله هتوصلوا لدرجة ان مفيش سؤال مهما كان صعب هيقف معاكم
ياريت بس حد يتكرم ويكتبلي الجدول بتاعكم لاني مش عارفة علشان نظبط نفسنا علي الايام بس مبدئيا كدة كنصيحة سريعة دلوقتي حلوا اكبر قدر من الاسئلة وجيبوا كشكول لكل مادة تحلوا فيه سؤال واجابة عارفة انكم مش هتعرفوا تحلوا عادي جدا افتحوا الكتاب شوفوا الاجابة النموذجية واكتبها حل الاسئلة هي المنقذ انا حليت كم كبير جدا من الاسئلة وده خلاني مابقتش خايفة من الامتحان ما انا خلاص حليت اسئلة وفهمت شكل السؤال بيجي ازاي وعرفت خفايا كل درس وايه اللي ممكن يجي فيه |
اقتباس:
|
طب اديني نصائح ان كمان بما اننا ان شاء الله داخلة تانية ثانوي علمي اديني نصائح ابتدي بيها عشان اكون مستعدة
|
اقتباس:
خلصي المناهج ابتدي راجعي علي طول وخدي يوم اجازة كل اسبوع ماتذاكريش فيه خالص الخميس مثلا بس كدة |
شكرا ليكي جدا يادكتورة بس هوا حضرتك كنتي اقتصاد واحصا ولا علم نفس
|
اقتباس:
|
طب ممكن تقوليلي طريقة مذاكرة كويسة ليه لاني قلقانة اوي منو انا بحل كتييييييييييير جدا بس بردو مش عارفة احفظ الكلام بالنص كدة ومش عارفة اعمل ايه
|
طيب واللى مستوواه 10 % يعمل اييه يا دكتورة ويذااكر ازاى ... المشكله مش فكده كماان المشكله فى الفيس بوك :d .... 30 ساعه فى ال 24 فاتحوا :d .... متضحكيش عليا :d .... يا هينفع اذاكر هشيل اوبح ... ااجل احسن :d
|
| جميع الأوقات بتوقيت GMT +2. الساعة الآن 04:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.