|
6 شهور بعد التعيين حتى احصل على اجازة مرافقة زوج او رعاية طفل
زملائى الاعزاء ارجو من لديه اى معلومه يفيدنى بيها بخصوص الحصول على اجازة مرافقة زوج او رعاية الطفل والفرق بينهم من حيث المعاملات الماليه والترقيات ....
وفيه مشكله تانيه هو لازم استى 6 شهور بعد قرار التعيين حتى استطيع الحصول على هذه الاجازه لان ادارة كفرالشيخ بتقولنا كده انا معلم مساعد منذ يناير 2010 وقرار التعيين لسه هيعتمده المحافظ قريبا ان شاء الله يعنى مر اكثر من 3 سنوات فى العمل بالتربيه والتعليم . ارجو افادتى ماذا افعل لاحصل على هذه الاجازه |
السلام عليكم ورحمة الله وبركاته
لو حضرتك عايزه رعاية طفل مش حقك غيرلما تتثبتى امالو عايزه مرافقة زوج دى حقك حتى لو متعاقده وانا من المنقطعين واخدت مرافقة زوج وسافرت كمان بس الورق مش معايا بس انا هاقوولك على اللى فاكراه هتكتبى طلب انك عايزه اجازة مرافقة زوج (زيك زى اى معلمه عاديه) ويمضى عليه مدير المدرسه بالموافقه ويرفع الطلب للاداره ولو قالك ملكيش قوليله لا ليه دسوق وقلين وفوه فى ناس اخدت فيها وتاخدى الطلب وعلى الاداره على طول ويكون معاكى 1- صور العقود بتاعتك 2-صورة اول اقرار قيام بالعمل 3- اصل وصورة قسيمة الزواج 4- افاده ان العلاقه الزوجيه لازالت قائمه ومتقوليليش القسيمه موجوده لالالالالازم الورقه دى تكون ممضيه من 2موظفين ومختومه بختم النسر 5-اصل وصورة جواز سفرك ويكون فيه التاشيره 6-اذا زوجك واخد اجازه فى مصر تروحى مكان شغله وتجيبى افاده انه بيشتغل فى المكان ده وواخد اجازه للعمل بالخارج لمدة سنه من تاريخ السنه اللى احنا فيها للسنه الجايه 7- صورة العقد بتاع زوجك اللى بيشتغل بيه هناك 8- صحيفة احوال وتروحى الاجازات فى ادارتك واذا قالولك ملكيش عارضيهم لان الموضوع جديد وخدى نفسك وروحى للاستاذ نسيم فى كفر الشيخ فىالاجازات وتاخدى منه صورة الفاكس اللى من المحافظ وتحتفظى بنسخه ليكى وهو هيوجهك تعملى ايه لانى بصراحه خايفه اكون نسيت حاجه وعلى فكره الطلب اللى المدير هيمضى عليه يمضى عليه الموجه وبالتوفيق وتحت امرك لو اى اسئله تانيه |
اقتباس:
|
اختى الحبيبه معلمه من المنقطعين
انا متشكره ليكى جدا على اهتمامك . هل هذه الاوراق هى المطلوبه بالكامل لعمل اجازة مرافقة الزوج حتى من المعينين لانى تعيينى خلاص ان شاء الله فى خلال شهر لانى ينطبق على قرار وزارى 137 اللى صدر انتى تنصحينى بايه ابدا فورا واذهب لاستاذ نسيم فى الاجازات اساله عن الاوراق بالظبط ولا استنى بعد التعيين وابدأ ادور . سؤال تانى معلش الفاكس بتاع المحافظ خاص بقرار عام يمنح هذه الاجازه للكل ولا ده كان فاكس فردى وبيقول ايه بالظبط لان انتى عارفه فى ادارة كفرالشيخ مفيش حد بيريح فى الكلام ولازم ابقى عارفه كويس عشان لما اطالب بحقى مينكرش وجود الفاكس ده لانى السنه اللى فاتت اتبهدلت وقعدت اشحت منهم اى معلومه وفى الاخر عملت اجازه شهر اعتيادى سافرت فيها ورجعت منهم لله كان زمانى اخدتها |
اقتباس:
لو ممكن يا استاذة دعاء يعد متسالى عن الورق المطلوب تبقى تعرفينا وهل ينفع ناخد اجازة ع طول بعد التعيين ولا ايه؟؟لانى سمعت كلام كتير شوية يقولوا ينفع وشوية لا بعد6 شهور ولكى جزيل الشكر |
اقتباس:
|
اقتباس:
|
اقتباس:
|
اقتباس:
انا والله عقد مميز ومش عارفة أخد أى اجازة الظاهر ان كل محافظة لها ظروفها.شكرا على الرد |
وانا بالفعل زيكوا
ونفسى اخد اجازة مرافقة زوج لكن فى الادارة عندنا فالولى ملكيش اجازة مرافقة زوج وانا كنت من الناس اللى اشتغلوا بالحصة عام2010 انما حاليا دى تانى سنه تعاقدمن اللى تعاقدوا 4/2012 ياريت لو ينفع افيدووووووووووووونى |
اقتباس:
|
اقتباس:
|
اقتباس:
وهذا ما تنص عليه تعديلات قانون التعليم الجديده |
إجازة مرافقة الزوج أو الزوجة وجوبية بحكم القانون
1 مرفق
تجدون في المرفقات صورة من تأشيرة معالي محافظ كفر الشيخ على مذكرة العرض المرفوعة من سعادة وكيل وزارة التربية والتعليم بكفر الشيخ بخصوص طلب الموافقة على منح المتعاقدين والمثبتين إجازة مرافقة زوج أو زوجة فقط بشرط مرور ستة أشهر على التعاقد .
بس لازم المدرسة توافق وكذلك الموجه العام للمادة اللي بتدرسها بالإدارة ومن ثم الموجه العام بالمديرية وبعد ذلك تقوم بتعبئة النموذج في الأإدارة تمر على الشؤون الإدارية والقانونية وبعدها توقيع من الحسابات وبعدها توقيع من الملفات وبعدها توقيع من ............................. عدد من التوقيعات الروتينية ومن ثم تسديد المبالغ المقررة عليك ( زمالة , مصيف , علاج ......................... وبعدين ترفع الإجازة للمديرية ويتم تشكيل لجنة لها وإصدار القرار النهائي لكن طالما أن المدرسة والموجهين وافقوا يجب على الجميع بعد ذلك الموافقة الوجوبية على هذه الإجازة لأنها بحكم القانون حفاظاً على ترابط الأاسرة وتماسكها . وتمنياتي للجميع بالتوفيق أرجوا من الجميع الدعاء لي ولأولادي بالنجاح والتوفيق |
اقتباس:
ربنا يبارك لحضرتك فى صحتك وأولاادك ويجزيك خير ياااااااااااااااااااااااااااااارب |
| جميع الأوقات بتوقيت GMT +2. الساعة الآن 05:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.