بوابة الثانوية العامة المصرية - تجربة مثيرة عن التحرش ال***ي في مصر

انا شوفت الحلقة على قناة اون تى فى
الشاب مثل دور بنت وفى الآخر قال الله يكون فى عون البنات
احساس فظيع بعدم الامان
لازم يكون فيه ردع للمتحرش
كنا جايين من الكلية وجه واحد قعد فى الميكروباص جنب واحدة زميلتى
المهم تحرش بها ولمس جسمها !!!!!!!!!!!!!! المهم هيه هادية
وفى حالها راحت سحبت دبوس الطرحة وشكته جامد فى ايده
وفوجئنا بيه قال آى بصوت عالى خلا كل اللى فى الميكروباص بصوا عليه
قاله حاسب يا اسطي ونزل
انا كنت قاعدة جنب زميلتى بس ما شوفتش وهيه بتشكه بالدبوس
وعرفت منها بعد ما نزلنا
دلوقتى انا بسن الدبابيس بتاعتى وبحط منها كتير فى الخمار علشان استخدمها
وبكون جاهزة لكى استخدمها
بس انا ما اضمنش رد فعل الشخص الآخر
يا جماعة المشكلة مش فى لبس البنات
انا بلبس طويل ومحترم وبرضه بتعاكس
تصوروا الاولاد اللى كنت بعلمهم وخدوا دبلوم بيعاكسونا بأبش الالفاظ