|
سؤالين في الديناميكا
تحرك راكب دراجة في اتجاه الشرق بسرعة 4 م/ث لمدة 30 ثانية و توقف 10 ثواني ثم عاد فتحرك في اتجاه الغرب بسرعة 5 م/ث لمدة 60 ثانية اجسب سرعته المتوسطة خلال حركته الكلية و عين اتجاهها السؤال هنا : المدرس بتاعي قال ان هو طالب السرعة المتوسطة ( للحركة الكليه ) يبقى مش هنحسب الـ 10 ثواني اللي وقف فيهم راكب الدراجة لان ده كدة واقف مش متحرك فا ميتحسبش في حساب السرعة المتوسطة للحركة الكلية يعني الزمن الكلي 90 ثانية و مدرس تاني قال انهم بيتحسبوا عادي في قياس السرعة المتوسطة يعني الزمن الكلي 100 ثانية ------------------------------------------ سؤال أخر : امتي بنجمع الازاحات و امتى بنطرحهم في حساب السرعة المتوسطة يعني ف كتاب لامي ف اول سؤال صفحة 221 تتحرك سيارة في طريق من محطة (أ) الي محطة (ب) بسرعة منتظمة مقدارها 75 كم/س ثم تعود مباشرة من (ب) الي (ا) على نفس الطريق بسرعة منتظمة مقدارها 50 كم/س فاذا كانت اب = 90 كم احسب السرعة المتوسطة للسيارة خلال رحلتها باكملها هنا جمع الازاحتين يعني الازاحة الكلية 2 اب اللي هي 180 كم لكن في السؤال التالي طرح الازاحتين رقم 4 نفس الصفحة اللي هو هنا من مكان (أ) تحركت سيارة في خط مستقيم نحو الغرب بسرعة منتظمة مقدارها 70 كم/س فقطعت مسافة قدرها 150 كم لتصل لمكان اخر (ب) ثم غادرته دون توقف و سارت في نفس الاتجاه الاول بسرعة منتظمة 60 كم/س فقطعت مسافة اخرى قدرها 135 كم لتصل لمكان ثالث (جـ) ثم توقفت في هذا المكان 25 دقيقة ثم تحركت في الاتجاه المضاد نحو الشرق بسرعة منتظمة 56 كم / س فقطعت مسافة 140 كم لتصل لمكان رابع (د) احسب مقدار السرعة المتوسطة خلال الرحلة كلها هنا جمع الازاحتين الاولى و التانية و طرح منهم التالتة عشان في عكس الاتجاه مع انه في السؤال السابق جمع الازاحتين مع انهم في عكس الاتجاه برضو شكرا و اسف ع الاطاله و ارجو التوضيح |
هو مفيش مرة اكتب سؤال و حد يرد عليا ؟
|
اقتباس:
السلام عليكم ... إن شاء الله .. المدرس الثاني هو الصائب اقتباس:
بخصوص الإزاحات ... الإزاحة كمية متجهة .. يعني قياسها الجبري إما أن يكون موجبا أو يكون سالبا ... تحديد الإشارة يتوقف على متجه الوحدة الأساسي الذي اعتبرته في بداية الحل .. فإذا كانت الحركة تتفق معه في الاتجاه، فإن قياسها الجبري موجبا .. وخلاف ذلك يكون سالبا ... وعند جمع الإزاحات .. يجب الأخذ في الاعتبار إشارة كل منها ... والمقصود بمجموع الإزاحات في قانون السرعة المتوسطة .. هو المجموع الجبري (كل من عمليتي الجمع والطرح يسمى جمع جبري) لها .. أي تراعى إشارات القياسات الجبرية للإزاحات .. للأسف بعض الزملاء يُلْجِئُون طلابهم إلى الحفظ .. مما يكون سببا لارتباكهم عند استرجاع المعلومة ... فهناك الحالات التي يكون فيها تشابه بدرجات متفاوتة ... مثل موضوع السرعة المتوسطة .. وموضوع السرعة النسبية ... والأفضل .. أن يتعامل الطالب مع القوانين والقواعد بأصولها .. حتى يتقنها .. وبعد ذلك .. يمكن أن نعرض عليه الحلول المختصرة ... فالأصل في قانون السرعة النسبية مثلا .. أن متجه سرعة جسم بالنسبة لآخر = متجه سرعة الأول - متجه سرعة الثاني .. بعد ذلك .. عندما يقوم الطالب بحل عدة تمارين على هذا المضوع للأجسام التي تتحرك على نفس المستقيم .. سوف يدرك الطالب بنفسه بأنه يطرح معياري السرعتين في حالة الحركة في نفس الاتجاه ... ويجمعهما في حالة التضاد ... ياريت الزملاء يهتمون بأصول القواعد والتمارين ... وبعد أن يجيد الطالب استخدامها .. يعرفه الخلاصات ... |
أولا جزاك الله خيرا و شكرا لاهتمام حضرتك
ثانيا : لو طبقنا الكلام ده ع المسألتين هنلاقي ان ف المسألة الأولى ان مجموع الازاحات بـ صفر لأن راح ف الشرق 90 كم و بعد كدة رجعهم تاني 90 كم فا كدة مفيش ازاحات |
اقتباس:
كلامك مظبوط ... وأول مسألة سرعة متوسطة في لامي 3 ث خطأ .... |
يعني المفروض مفيش سرعة متوسطة لان مجموع الازاحات بصفر ؟
|
اقتباس:
طبعًا ... الله ينور عليك ..... بس مش بنقول مفيش سرعة متوسطة ... ولكن نقول القياس الجبري لمتجه السرعة المتوسطة يساوي الصفر ... |
ما شاء الله تمام
|
ربنا يكرم حضرتك و الله فرحان جدا ان حد رد عليا اخيرا
خضرتك ممكن تقولنا ايه النظري بتاع الرياضيات ؟؟ قولنا صفحة كام بس و احنا نجيبه |
:d:dالله السؤال الاول كان واقف معايا كمان شكرا على الايضاح
|
اعتقد ان هناك فرق بين (متجة السرعة المتوسطة...... السرعة المتوسطة )
|
اقتباس:
حمل المفات في المشاركات التالية .... http://www.thanwya.com/vb/showthread.php?t=330157 http://www.thanwya.com/vb/showthread.php?t=250478 |
شكرا لحضرتك اوي بس هو في نظريات مقررة علينا ف الرياضيات ؟؟
براهين و كدة |
| جميع الأوقات بتوقيت GMT +2. الساعة الآن 03:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.