نـــداء الى كل من لديه معلومات عن اوراق اجازة مرافقة زوج وكم المبلغ فى السنه
 

اريد الاوراق المطلوبه لعمل اجازة مرافقة الزوج وكم المبلغ الذى سيتم دفعه مقابل سنه اجازه مرافقة الزوج

حضرتك معلم مساعد ولا معلم ولا عقد شامل لانى عقد شامل وتعاقد 1/10/2011 وعايزة اعمل اجازة مرافقة زوج وسالته قالوا مينفعش

انا معلم مساعد تعاقد مميز منذ يناير 2010 وينطبق على القرار الوزارى 137 يعنى ان شاء الله التعيين قريبا
للاسف اناعملت المستحيل السنه اللى فاتت عشان اخد مرافقة زوج ومعرفتش والسنه دية كمان قبل قرار التعيين ميظهر عملت شكوى بموقع الوزاره ولما ردو عليه قالولى مفيش للمعلم المساعد ووعدونى ان بمجرد التعيين يوافقو ان شاء الله وكمان انا خايفه اما اتعين يقولولى استنى ستة شهور وربنا يستر

مع ان فى ناس فى المنتدى بتقول انهم اخدو الاجازه وهما معلم مساعد

ابحثى فى جوجل عن عنوان (اجازات رعاية الطفل اسألى وانا اجاوبك )

وبعدين حضرتك بتقولى انك من كفر الشيخ وانا اعرف ان فيه فاكس ارسله المحافظ عندكم للادارات وسمح فيه باجازة مرافقة الزوج لو تكرمتى تساعدينى وترسلى لى صوره الفاكس ده لانى محتاجه الاجازة ضرورى

اختى الكريمه انا قررت ان لا ااخذ اجازة مرافقة زوج لانى هدفع اكتر من ثلاثة الاف لكل عام فان شاء الله بمجرد التعيين هاخذ رعاية طفل سنتين واسافر
ان شاء الله انا هستلم التعيين الاسبوع القادم ادعو لى بالتيسير لانى تعبت انا منتظره اليوم ده من سنتين حتى اسافر لزوجى انا وطفلى
وباذن الله لما اروح الاداره الاسبوع القادم هحاول اشوف الفاكس ده !!!!!! مع انى لم اسمع عنه طوال محاولاتى السنتين اللى فاتو عشان اسافر لزوجى .بس متهيقلى هو فعلا موجود وانا شوفت موظف كويس اخر مره كنت فيها فى الاداره وحسيت انه متعاون بس انا مكنتش بسال على اجازات المعلم المساعد وقتها ومتهيقلى كلامه كان معناه انى ممكن اخد الاجازه دية وانا معلم مساعد من غير ما استنى التعيين
باذن الله هروح للموظف ده اتاكد منه تانى ولو فيه الفاكس ده هقولك وهحاول اخد صوره منه ولو بالموبايل وهرفعه لانى دقت الظلم واتمنى ان ارفع الظلم ده عن اى واحده غيرى ويارب كلكم تتجمعو مع ازواجكم يارب . ادعو لى بالتيسير .....

يا رب ييسر حالك يا رب على فكره الكلام ده اكيد وانا متواصله مع واحده من كفر الشيخ وسافرت وهى اللى ارشدتنى للمعلومه دى

إجازة مرافقة زوج أو زوجة وجوبية
 

إلى الأخوة والأخوات بكفر الشيخ أفيدكم بأنه صدر قرار من معالي الوزير المهندس محافظ كفر الشيخ بالموافقة على مذكرة العرض المرسلة له من سعادة وكيل وزارة التربية والتعليم بكفر الشيخ بشأن العرض على معاليه منح المتعاقدين والمثبتين إجازة مرافقة زوج أو زوجة فقط حيث أن هذا النوع من الإجازات وجوبية ولا يتنافض منحه مع القانون ولا يشكل عبء مالي على المديرية .
وحيث أشر معالي المحافظ على المذكرة بهذه العبارة ( أوافق ويعمم ) .
لذا فعلى الراغبين والراغبات الحصول على هذه الإجازة التقدم بطلب للإدارة التابع لها لأخذ الموافقة وكذلك موافقة الموجه الأول بالإدارة ومن ثم الموجه العام بكفر الشيخ بأنه لا مانع من أخذ الإجازة وبعد ذلك الأمور بسيطة جداً

حبيبتى انا الحمد لله كويسه والموضوع الحمد لله سبقنى بالرد عليكى الاستاذ السابق وده الفاكس الخاص بوجوب اجازة مرافقه الزوج للمعلم المساعد بكفرالشيخ وبالتوفيق يارب ليكى ولكل الاخوات ويتيسرلكم تقومو بيها آمين يارب
الملف المرفق 97274

ربنا يخليكى يارب شكرا على زوقك ياجميل ويارب كل اللى بيتمنا شئ ربنا يتمهوله على خير امين يارب