بوابة الثانوية العامة المصرية - كفاااااااية شكوي !!

http://www.samysoft.net/fmm/fimnew/s...mla/685685.gif

طبعا اياامنا دي صعبة جدااا وربنا يعيين اي حد تعبان وامتحاناته شغال فيها او قربت زيي كده...ربنا يكرم كل واحد تعب بجد بالمجموع اللي يتمناه :)
انا فيه حاجة لاحظتها يا جماعة هنا اني كل لما بدخل (قليل عشان الامتحانات وكده ) بلاقي 10 او 20 موضوع فيهم طلب مساعدة او (الحقوني ) او (بضيع ) او (مش عارف اعمل ايه ) .... كتر خير الناس والله :bosyht9:

المشكلة بقا ان علطول فيه شكوي من صعوبة المناهج او ان محدش عارف يذاكر او الخ..... ماشي مفيش مشكلة بس لحد امتا حنفضل كده نحبط في نفسنا وفي غيرنا ونقول مش حنعدي وندور في المنتديات و الفيس علي طريقة مذاكرة او حاجة تصبرنا وهكذا الحال لحد ما فجأة نلاقي الامتحان قدامنا .يوم يكرم المرء او يهان
.لازم تكون عارف انك مش لوحدك في الموقف وان تكرار الكلام المثبط للعزيمة ده غلط بيدي احساس سلبي في النفس وان كمان فيه ناس كتير زيك ويمكن ظروفها اصعب منك بمراحل عايشين في مناطق لا تصلح للسكن اصلا وحالتهم ربنا يعلم بيها لكن بيعملوا اللي عليهم وبيسيبوا الباقي علي ربنا الكريم الرحيم بهم ... يعني من الاخر كده نصيحة من اخوكم ... كفاية شكوي وفراغ اققف مع نفسك وقفة راجل وقول خلااااااص كفاية شكوي انا لازم اركز في المذاكره وانسي كل مشاكلي واقعد علي المكتب شوية واعرف ان الناس اللي بتعرف تمسك نفسها وتقعد تذاكر كتير هيا اللي حتجيب مجموع واعرف ان فيه ناس زيك كتييير فلازم نشد حيلنا يا جماعة دي البلد حتقوم علي اكتافنا ان شاء الله .... يلا بقي سلااااام اروح اشوفلي كتاااب
انا حبيت بس افيد الناس اللي زيي وانا حاسس بالمعاناة اللي هما فيها :)

http://www.samysoft.net/fmm/fimnew/nehaya/fsdggdfg.gif