ارحمونا والله العظيم حراااااااااام
 

كل اللى فاتت دى تعلقيات لبعض الاعضاء على موضوع واحد كتبه انه امتحان الاحصاء جيه سهل جدا شكل الكل هيبدأ فى نغمة بتوع المنيا بتوع المنيا مالهم يا جماعة بتوع المنيا يعنى هو فى حد هيتظلم اكتر منهم سواء باعادة الامتحان او باللجان الخاصة للتصحيح او بالمجاميع العالية فى التنسيق والله بجد حرام بلاش تحطونا تحت ضغط عصبى اكترمن اللى الواحد فيه انا من المنيا وللعلم انا قسما بالله داخلة دور تانى اقتصاد واحصاء لانى مجاوبتش اطلاقا فى المادتين موش لفشلى الدراسى انما لصدمتى فى الامتحان وفى الاول وفى الاخر هقول الحمدلله على كل حال وهقول برده اذا كان الاخوة شايفين كلمة بتوع المنيا يستخدموها للاساءة فانا هكتبها وباكبر خط انى منياوية وافتخر انى منياوية لسبب بسيط انه المنيا اتكشف فيها موضوع التسريب ده معناها انه فيها اللى شريف ومرضيش بالموضوع ده وبلغ الهم والباقى على الاماكن التانية اللى الله اعلم بيحصل فيها ايه

السلام عليكم

بصي متزعليش بجد من الكلام كله عارف ان فيه محافظات كتير ممكن يحصل فيها الموضوع ده بس مشكلة المنيا انها انتشرت السنه دي واتكلمو عنها وبقت قضيه وحواراااات وغير كده القضيه دي حصلت في ظل ظروف صعبع خصوصا لطلاب علمي رياضه وانتي طبعا عارفه وشايفه لكن مفيش حد يقدر يعمم على كله انه بيجيله الامتحان والكلام ده لاء لان كل مكان فيه الشريف والكويس وفيه الوحش اللي مش بيراعي ربنا وياريت متزعليش من كلام حد كله مضغوط نفسيا بلا استثناء

وانا اختك في تانيه / غاده

ايه يا سفروته
يابنتي مانا منياويه الاصل
واهلي كلهم في المنيا
وربنا كان ممكن يقدرلي اني ادخل اي كليه في المنيا
عادي يعني
بس كان لازم تقدري احساس الطلبه بالظلم
واحساسهم ان بتوع المنيا جاوبو كل الامتحانات بيرفكت وهما لا
معلش كان لازم تقدري كل ده
بس فعلا محدش اتصدم في المجاميع وفي التنسيق قد بتوع المنيا
حتي الاوائل قرايبي نزلوا الارض وفي التظلمات ليهم درجات بالعبط ومخدوش منها حاجه
ياللا الواحد بيحمد ربنا علي كل شيء
انا لحقت بيطري غيري ملحقش زراعه

موضوع مغلق
حصل خير يا سفروته

يا جماعة حصل خير معلش.....

واحد دمه يبطح كان عايز يهزر بس....

و بعدين اى مكان فيه الحلو و الوحش....

ان شاء الله ميتكررش الموضوع ده....

شناكل...

انتو بتفتحو فى مواضيع قديمة ليه مش فاهمة
عامة مفيش حد غلطان
انتى اكيد عارفة شدة الامتحانات
و اكيد فى ناس منهم كانو مستصعبين الامتحان
خاصة الادبى
و ايامها كات الامتحانات صعبة و الناس طالعة مش حالة حاجة و هما واثقين ان ناس تانية مقفلة بالغش
ما هى حاجة تدايق بردو
انى واى يا ريت الموضوع دا مش يكبر تانى
لانه كان هبل يوميها بصراحة