ارجو الرد والاهتمام ...وده يعتبر مسائل النظرى ف دليل التقويم طبعة 2013
 

اولا : الاستاتيكا
1-اذكر قاعدة مثلث القوى
ده السؤال الوحيد النظرى ف دليل التقويم .....

ثانيا : الديناميكا
1-عرف كلا من متجه كمية الحركة ودفع القوة
2-عرف الدفع وطاقة الحركة
3-اكتب تعريف القدرة واذكر الوحدات التى تقاس بها
4-اكتب العلاقة بين الدفع وكمية الحركة
5-اذكر مبدأ الشغل والطاقة

اظن ده بس اللى ف كتاب دليل التقويم طبعة السنة دى 2012-2013

ارجو الاهتمام بيهم ضرورى يا ريت

وهشوف كده لو ف حاجه ف الجبر او التفاضل والتكامل
هنزلهم ان شاء الله
بس دول الاول

يا باشا كل ده انا كاتبه فى المذكره بتاعه النظرى واللى موجوده دلوقتى على المنتدى

فين هيا يا كبير

اخيرا وصلت
وبالنسبة للتفاضل والتكامل والجبر والفراغية ف الدليل تمام
مفيش فيهم نظرى ولا حاجه

والله المستعان بقى

بس فيييييييييييييييييييين المذكرة

شكرا جزيييييييييييييييييييييييييييييييييلا وجارى التحميل اهه
ان شاء الله

جزاك الله خيرا وبارك الله فيك يا بشمهندس

الله يخايك ولو فيه اى صور مش واضحه قولى وانا اصورها تانى وارفعها

لا تمام يا حازم والله
يمكن بس اول صورة توضحها شوية مش اكتر
معلهش لو تقدر
انما لو مش تقدر خلاص ولا يهمك

تمام اووووووى
ومجهووووووووووووووووووووووووووووود رائع بجد مشكووور جدا عليه والله

اوك هحاول اصورها تانى وارفعها لان فى ناس كتير قالتلى برده ان هى مش واضحه

اجابات الاسئلة ....
 

السلام عليكم ورحمة الله وبركاته ... اجابات الاسئلة ..
أولا : الاستاتيكا :
قاعدة مثلث القوى : إذا توازنت ثلاثة قوى متلاقية فى نقطة فإنه يمكن تمثيل هذه القوى بأضلاع مثلث مأخذوذة فى ترتيب دورى واحد بحيث تتناسب القوى مع أضلاع المثلث .

ثانيا الديناميكا :
1- متجه كمية الحركة هى المتجه الناتج عن ضرب كتلة الجسيم فى متجه سرعته عند هذه اللحظة .
ودفع القوة : الفع هو متجه له نفس اتجاه متجه القوة .
2- طاقة الحركة : هى نصف حاصل ضرب كتلة جسيم فى مربع معيارسرعته .
3- القدرة هى معدل بذل شغل بالنسبة للزمن ووحدات قياسها .. 1- نيوتن . متر / ث2 ....
2- الحصان = 75 ثقل كجم . متر / ث2
4- العلاقة بين الفع وكمية الحركة : د = ك ( ع – ع0 )
5- مبدأ الشغل والطاقة : التغير فى طاقة حركة جسيم عند انتقاله من موضع ابتدائى الى موضع نهائى يساوى الشغل المبذول بواسطة القوة المؤثرة عليه خلال الأزاحة بين هذين الموضوعين . والعلاقة ..
0.5 ك ( ع2 – ع20 ) = ق × ف


على فكرة يا محمد انا عايزك تشوفلى اسئلة اصعب من دى .. دى اسئلة ميحلهاش حد فى ابتدائى من كتر هيافتها ... ركز شوية .... واصلا انت لازم تذاكر عربى علشان الامتحان خلاص السبت الى بعد الى جاى خلاص ... انتهى عصر الاستعمار وسياتى عصر الاحرار .. ختام الثانوية العامة بمرحلتيها ....

انا هقولك شكرا ع انك حليتهم
ماشى مش هقولك اكتر من كده
بس بالنسبة لعيل ف ابتدائى دى
انا مش هرد عليك مـــــــــــ ــــــــــــــــــــــــاشى
بس انا قولت افتح الدليل واكتبهم مرة واحدة سواء عارفهم او مش عارفه

وحاسب ع كلامك لان دى تانى مرة تغلط
ماشى

رسالة ........
 

انا عامتا متأسف وأحاسب على كلامى بعد كده ...

والمهم من كل ده .......... لازم ندخل قسم اللغة العربية المراجعات والامتحانات ونتناقش فى الأسئلة يعنى لو اى حد عنده سؤال يرفعوا وانا رفعت بعض الدروس والاسئلة المتوقعة لهذا العام .... لانى الامتحان خلا ... بالنسبة للرياضة احنا واخدين حقنا احنا ذاكرنا واجتهدنا وحلينا كثير وعندنا الرياضة متقسمة الى ثلاثة ايام وهناك فاصل بينهم يعنى المهعم دلوقتى اللغة العربية لانى بصراحة ودى حقيقة النى فى ناس لغاية دلوقتى مفتحتث العربى والله واعلم لانى فى ناس بتذاكر اول باول وفى ناس معذورة لانى الفيزياء .. مدينها اهتمام اكثر بس خلاص احنا نلتزم بالواقع ونذاكر العربى واللغة الانجليزية يوم ويوم يعنى يوم عربى ويوم لغة انجليزية .. من بكرة .. ولا من دلوقتى لازم نجتهد وخلى بالك ان اول امتحان تجتازه بجد وبكل سرور هتزيد من العزيمة والاصرار وتشجيعك على اجتياز المواد الاخرى ...
واتمنى ان تكونوا على خير لانى متر اودعكم لانى خلاص احاول انتبه لنفسى فى الايام القادموا وانتم بردوا بلاش تجلسوا على النت كثير علشان متضيعوش وقتكم .. خلاص كل شئ فات والى جاى انشاء الله هيكون احلى ... والسلام عليكم ورحمة الله وبركاته ...

وانا بتمنالك التوفيق يا احمد وربنا معاك ومعانا كلنا
ومفيش اى مشكلة ولازم فعلا يكون اهتمامنا حاليا ولقدام ان شاء الله بالعربى والانجليزى فعلا
وبالاخص العربى عشان هو ضربة البداية وكمان الانجلش ليه قوته لان بينهم يوم واحد ف لازم ياخد حقه كامل الوقتى

وهندخل ان شاء الله ف قسم اللغة العربية وهنشوف وهتكون كل حاجه تمام