بوابة الثانوية العامة المصرية

السلام عليكم و رحمة الله ..

بعد الامتحانات المعقدة اللى مرت فى الأسابيع اللى فاتت .. كنت بتساءل ..

ليه سنة 2008 ؟ .. . اشمعنى جيلنا احنا هو اللى يتبهدل و يتطحن فى الأمتحانات بالطريقة دى ..

انا كان عندى اخوات كبار كنت بشوفهم بيذاكروا لما كانوا فى الثانوية و بيذاكروا مع صحابهم .. و كانوا من المتفوقين .. لكن مكانوش بيذاكروا قد ما احنا ذاكرنا و تعبنا السنة دى .. و مع ذلك .. الامتحانات جتلهم بسيطة و كل واحد دخل الكلية اللى تعب علشانها ..

انما احنا .. تعبنا سنتين بحالهم عشان نذاكر و نحصل من هنا و من هنا .. و فى الآخر يقضوا علينا بالامتحانات دى ..

ليه سنة 2008 ؟؟ :(

و بعد كل ده الوزير طالع يقول الامتحانات سهلة و من المنهج !!!!:confused:

ده احنا النكسة اللى حصلت لينا السنة دى جديرة بأنها تحتل مكانة نكسة 67 ..

و اسامة ابو زيد مستشار الرياضة طالع يقول على الاحصاء انها سهلة و لو الطالب تابع مدرس المدرسة فى دروسه كان حل الامتحان بسهولة .. و ان الدروس الخصوصية بتحفظ و تلقن الطالب لكن مبتفهموش حاجة ..

ضحكت اوى ساعة ما سمعت كلامه ده ..

ده فى مدرستنا ( مدرسة مبارك الثانوية العسكرية للمتفوقين ) مكنش بيدخلنا اساسا مدرس احصاء .. ولا اقولكم .. بلاش ظلم .. هو دخل اول اسبوعين .. و بعدين ؟؟؟ .. بقوا بيبدلوا حصة الاحصاء بآخر حصة فى اليوم و يطلعونا بدرى حصة !!!!!

اما عن حكاية الدروس الخصوصية .. فبالنسبة لى .. لولاها ما كنت حصلت الـ 50 % حتى .. و لولاها مكنتش فهمت اى حاجة فى المنهج فى اى مادة .. ده حتى كتاب المدرسة شكله يقرف و مش منظم و ناقصه جزئيات كتيرة .. و فيه حاجات كتير فيه غلط و خاصة فى النماذج .. ..

طب ازاى بقى مناخدش دروس خصوصية ؟؟؟!!! ...

لكن برضه .. ليه سنة 2008 ؟؟!! .. اشمعنى احنا بالذات .. مهما بقالهم ييجى 15 سنة الامتحانات على وتيرة واحدة .. يمكن تيجى جزئية ولا جزئيتين محتاجة تفكير .. لكن مش الامتحان كله زى حالتنا ...

ممكن بقى حد يرد عليا و يقولى .. ليه سنة 2008 ؟؟!! ....

سلام ..