|
لا حل الا القضاء
السلام عليكم أولا كل الشكر والتقدير لصديقى مصطفى محمود ثانيا كنت فى القاهرة يوم الاربعاء وذهبت الى ادارة الازهر بالحسين وفى الدور الرابع كان الحوار الاتى مع مسؤول الكادر أنا استاذنا انا امتحنت الكادر فى 7 / 2012 ولم نصرف بعد ال 50% قالى انت هتصرفها فى 2014 ازاى الامام قال فى منشور انه سيتم الصرف بعد النتيجة بشهر هو انا عارف المنشور وسكت وقام مرة واحدة انا بهزار اية انت اتخنقت منى بدرى امشى هو باسم ياشخنا استنا اوريك المنشور جاب المنشور وشاور على كلمة فيه بعد استيقاء الشروط وقال من الشروط ان يمر عليك عامين انا يعنى ضاعت فلوسك ياصابر هو ضحك وقالى احنا بعتنا للامام مذكرة بالعرض علشان ينظر فى امركم انا يا فرج الله ايوه كده قولى قال نصرف من شهر 11 صح هو قال القرار لم يصدر بعد واحنا فى انتظار القرار انا يعنى خريج تربية رياضية يقبض 753 وانا خريج الازهر اقبض 653 طب مين فينا بيطلع عينه فى الحصص هو قال القرار لم يصدر بس ابشر ممكن نصرف لكم من اول صدور القرار انا يااستاذنا فى ناس بتصرف قالى هات اسم واحد امتحن فى 7 / 2012 وبيصرف وانا اصرف لك يتبع لو فى اى حد امتحن فى 7 / 2012 وبيصرف ياريت يقولنا علشان نصرف مثله |
دخل استاذ تقريبا من الشرقية علشان لهجته وكان بيسأل على مدرسى الخط قال انت على الدرجة الرابعة واحنا لسه ما خلصنا الدرجة الثالثة قاله امتى قال لما نخلص الدرجة الثالثة ويجى لينا تعلميات هننظر فى امركم استغليت الامر وقولت اسأل على محظ قران وكان خريج تجارة فقالها صريحة ماله كادر انا هو شغال الان محفظ قال يشتغل اللى يشتغله دى ظروف معهده اما عندى هو شغال اخصائى شؤون مالية وليس له كادر يتبع |
انا طب وايه لزوم ضم المدة بص لى والابتسامة انتهت انا عملت انى ما واخد بالى من النظرة وكملت يعنى انا شغال بقالى اكتر من 6 سنوات وحضرتك بتقول انتظر سنتين قال لى الضم مهم علشان الخبرة والاقدمية قولت يعنى هاخد الدرجة الثانية فى 2014 قالى انت على قانون 156 فى الدرجات قولت يعنى هترقى امتى قالى خير ان شاء الله اجابة كده تحس انه بيقولى يبقى اقبلنى وعلشان يسكتنى قال فى 2014 ممكن يتفتح دورات علشان تتصعدوا الى معلم أول انا يعنى فى ناس ضمت المدة ومافى اى تغيير فى الاساسى قالى اللى يفيدك اكتر العلاوات فى الدور اللى تحت الجناح التانى بس نصيحة ضم المدة وارفع قضية علشان تضم العلاوات لانها مش هتنضم لوحدها انا ليه لما ارفع قضية واضمها طب ضموا انتم المدة بدل المحاكم قالى كام واحد زيك متحمس لضم العلاوات 10 الالف انتم 70 الف شوف كام واحد هيتكاسل وشوف كام واحد عاوز يريح دماغه انا يعنى لو رفعت قضية عليكم ممكن يحصلى اى ضرر يا شيخ انت خلاص موظف فى الحكومة وما يضرك انك ترفع قضية تطالب بحقك يتبع |
تمام نرفع قضيه ايه المشكله
|
انا بصرف الكادر من شهر11 الماضى كادر يوليو
|
بارك الله فى حضرتك وجزاك الله خيرا
وكل الخيارات مفتوحة أمام معلمى الازهر للحصول على حقوقهم |
نزلت للعلاوات تحت وجلست مع موظف انا اسأل وهو يجاوب انى افهم اى حاجة ابدا المهم لاقيت ابو زياد هو معنا هنا فى المنتدى ودخلوا فى حورات فلوس وعلاوات وكلام كله حسابات طبعا انا توهت منهم خالص الموظف قام وجه واحد تانى مكانه انا قولت له الدرجة امتى قالى انتم ملكمش درجة انا ازى يعنى قال انت على قانون الكادر طب الدونا الكادر قالى لا انت على قانون 47 يعنى ايه الخبطة دى قالى انت فى الماليات على قانون 47 وفى الترقيات على قانون الكادر طب اخبار العلاوة اية بعد ضم المدة قالى ملكش حق فيها يا ريسنا ليه كده طب هنرفع قضية قالى القانون بيقول انك متثبت فى 29 / 9 / 2011 واحنا بعتنا للتنظيم والادارة وهى قالت اصرفوا ليهم من هذا التاريخ يعنى لو التنظيم والادارة قالت من تاريخ المباشرة هتصرفوا قال لى ايوه بس هاتوا القرار دى من الجهاز قولت هو مش المفروض انكم بتعملونا ايام التعاقد على نظيرى المثبت قالى انت خريج اية قولت دراسات اسلامية قال لى انا خريج قانون وفى مادة تقريبا 2 فقرة مش عارف كام من قرار تثبيت يمنح المثبتين كل العلاوات الخاصة وبعدين جاب ورقة وقلم وبدأ يشرح وانا الحمد لله توهت احلى توهه من الرجل يتبع |
اقتباس:
يا شيخ احمد يعنى حضرتك امتحنت فى 7 / 2012 |
اقتباس:
نعم استاذنا الفاضل ولكن سننتظر لما يكتمل ضم المدة للجميع وننظر هل سيتم اضافة العلاوات السابقة وفى حينها ننظر هل يتم الضغط على الجهاز ام نسلك طريق القضاء وسيكون الامر بالمشورة هنا تحياتى |
قولت فى ضم المدة قال لى الحجرة المجاورة دخلت او ما شوفت الحجرة نفسى اتسدت ملفات هنا وهنا وفى كل ركن ملفات انا لو مكان الناس اللى شغاله نفسى تتقفل على الشغل ملفات كتييييييييييييييييييير فقولت ربنا يكون فى العون هانت هم دول اللى فضلين رد واحد بضحكة قال لى لا الحجرة التانية مليانه بس احنا بنجيب شوية شوية وهم بيضموا مدة العقد وكذا مدة الجيش سألت على الاسماعيلية ويارتنى ما سألت قالى جات فى الاخر وان شاء الله على اخر السنة نكون انتهينا من الجميع ربنا يبشرك وخرجت تحياتى |
شوف أخي العزيز احمد هو قالك ما بين الكلام الكتير جملتين ليهم الفائدة ( و اظنها مصيبتنا بالازهر )
قالى انت فى الماليات على قانون 47 وفى الترقيات على قانون الكادر ********* والحل أولا ذهبت الى المحامي الموكل عني ، و شرحت له كل شئ و وضحت له ابعاد الاختلاف و نصحني بما فعلته في السطور القادمة ارسلت شكوى مسجلة بريديا بعلم الوصول منذ الاسبوع الماضي لرئيس الجهاز المركزي للتنظيم و الادارة،، وشرحت كل شئ له بالقوانين و لوائح الجهاز نفسه. و سأنتظر الرد خلال اسبوعين او3 بحد أقصى و إن لم يصل رد ، فمعي إيصال الشكوى المسجلة الذي أرسلته ، و سأرفق معها بيان مفرداتي التي وثقتها من المنطقة بخاتم الشعار لشهر 5 الحالي ، و مفردات مرتب أحد الزملاء في التربية و التعليم...و سأرفع القضية.. أنت لم تصدقني أخي احمد سبب فشل كل شئ في الازهر هو الادارة ثم الادارة ثم الادارة..و للأسف هم حتى لا يحاولون هم أو من يرأسهم البحث عن حقوقنا بل ينتظرون كل شئ عن طريق الضغوط و الاجبار ( الاضرابات - الاعتصامات - القضاء ) و أنا مع الرأي الاخير ( القضاء )... و لن أتحدث عن حقوق طلاب الازهر المهدرة و فقدان المنظومة التعليمية الجيدة...و هنا لن أقول الا حسبي الله و نعم الوكيل... لأنه خلال سنوات قليله جدا جدا ستتضاءل الطلاب بالمعاهد رويدا رويدا...و سيرى الجميع و لي تعليق بسيط على مسألة الملفات ( فكل الحجرات الموجوة بالمشيخة و المناطق ، كلها يمكن تطويرها بحيث تكون ملفات الكترونية و بضغت زر يمكنهم معرفة كل شئ عنك ، بدلا ً عن الطلبات عديمة النفع التي يطلبوها كل عام )) يا أخي انظر لقاعدة بيانات معلمي التربية و التعليم التي تحدث يوميا طبقا ً لتطورات حالة المعلم.. ماذا أقول ؟ عن الرجعية الادارية ؟ و التحجر العقلي ؟ تحياتي// |
اقتباس:
تحياتى لك وننتظر مع ال 3 اسابيع ثم نسير طريق استرداد حقوقنا من خلال القضاء تحياتى |
اقتباس:
اقتباس:
لكن هناك عتاب على الأستاذ مصطفى مع تقديري واحترامي كان هناك اقتراح بتثبيت موضوع يتضمن القضايا المفترض رفعها على الأزهر الللشريف مع توضيح الأوراق المطلوبة بناء على توصيات محاميكم والتي هي مهمة في رفع معنوياتنا جميعا في المطالبة بحقوقنا المهدرة وسبحان الله دولة تتعامل مع موظفيها بإجبارهم بالقضايا لاسترداد الحقوق هي نفسها تمشي بنفس الطريق مثلا: استرداد الأموال من الخارج وكذلك ربنا يستر في سد إثيوبيا وتوقعات بطرق أبواب المحافل الدولية أيضا لاسترداد حقوق ربنا يسلم وبارك الله فيكما وجزاكما خيرا |
بارك الله فيك يا أستاذ أحمد ؟؟؟؟؟؟؟؟وأنا إن شاء الله سأسافر للحسين خلال هذا الأسبوع ولوتوصلت لجديد معهم سأخبركم به إن شاء الله. ولكن أريد منك من خلال تجاربك السابقة معهم أن تدلنى على من عنده فهم جيد للقوانيين ممن قابلتهم من الموظفين فى الحسين لإنى إن شاء الله لن أدخل معهم فى الحوار فى أى نقطة إلا ومعى دليل عليها من القانون والله المستعان .........وأريد منك أخى الكريم أن ترسل لى رقم محمولك على الخاص ويا حبذا لو كان فودافون أو إتصالات علشان عندى اشتراك مفتوح فى الشركتين:dمن أجل التوفيرهههههههههههه
|
اقتباس:
رجاء لا تأخر في الإخبار بكل جديد |
| جميع الأوقات بتوقيت GMT +2. الساعة الآن 02:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.